ຮ່ວມພລັງຕ້ານຄອມມິວນິສ

ສິດນີ
2015-09-22
ອີແມວລ໌
ຄໍາເຫັນ
Share
ພິມ
 ອົງການຮ່ວມພລັງເຊື້ອຊາດລາວ
ອົງການຮ່ວມພລັງເຊື້ອຊາດລາວ
RFA

ອົງການ ຮ່ວມພລັງ ເຊື້ອຊາດລາວ ເພື່ອ ປະຊາທິປະຕັຍ ແລະ ສູນ ສຶກສາ ຄົ້ນຄວ້າ ກ່ຽວກັບ ບັນຫາ ລາວ ແລະ ເອເຊັຽ ທີ່ ​ມີ​ສູນ​ກາງ ​ຢູ່​ ກຸງ​ປາ​ຣີ ​ປະ​ເທດ ​ຝ​ຣັ່ງ​ ໄດ້ ​ເປີດ ກອງ​ປະ​ຊຸມ ທີ່​ເມືອງ ແຟຣັສໂນ ຣັ​ຖ ຄາ​ລີ​ຟໍ​ເນັຽ. ໄດ້ ມີການ ຮຽກຮ້ອງ ປະຊາຊົນ ລາວ ໃຫ້ ຮັກສາ ໄວ້ຊຶ່ງ ຊາດລາວ ຈາກ ການກືນກິນ ຂອງ ວຽດນາມ ແລະ ຕ້ານ ນະໂຍບາຍ ການ ດັບສູນ ເຊື້ອຊາດ ລາວ ຂອງ ພັກ ຄອມມິວນິສ ວຽດນາມ.

ເນື້ອໃນ ແລະ ຈຸດປະສົງ ຂອງ ກອງປະຊຸມ ເທື່ອນີ້ ແມ່ນ ຕ້ານ ນະໂຍບາຍ ການ ດັບສູນ ເຊື້ອຊາດລາວ ຂອງ ພັກ ຄອມມິວນິສ ວຽດນາມ, ດ້ວຍ ຄວາມຮ່ວມມື ຂອງ ພັກ ຄອມມິວນິສ ລາວ, ທີ່ ຊັກຊວນ ໃຫ້ ຄົນ ວຽດນາມ ຫລັ່ງໄຫລ ເຂົ້າມາ ຕັ້ງ ຖິ່ນຖານ ໃນລາວ ຢ່າງ ຫຼວງຫຼາຍ ແລະ ກວມເອົາ ດິນ ລາວ ໃນຫຼາຍ ພື້ນທີ່ ໃນເຂດ ຊາຍແດນ ຮ່ວມທັງ ການ ຈັບກຸມ ຂຸມຂັງ ຄົນລາວ ຜູ້ທີ່ ຕໍ່ຕ້ານ ນະໂຍບາຍ ດັ່ງກ່າວ ຂອງ ພວກ ເຂົາເຈົ້າ.

ປະຊາຊົນ ລາວ ຫຼາຍ ແສນ ຄົນ ໄດ້ ໂຕນຫນີ ຈາກ ບ້ານເກີດ ເມືອງນອນ ໄປເປັນ ອົພຍົບ ໃນ ຕ່າງແດນ ມາເປັນ ເວລາ ດົນນານ ແລະ ອະດີດ ເຈົ້າຫນ້າທີ່ ລາວ ຫຼາຍພັນ ຄົນ ກໍຖືກ ສົ່ງໄປ ສຳມະນາ ດັດສ້າງ ແລະ ຫຼາຍຄົນ ກໍເສັຽ ຊີວິດ ໃນສູນ ສຳມະນາ ຂອງ ພັກ ຄອມມິວນິສ ລາວ ແລະ ວຽດນາມ. ດັ່ງ ທ່ານ ຄຳເຫລັກ ແກ້ວຫານາມ ເຈົ້າຫນ້າທີ່ ຣະດັບ ສູງ ແລະ ຕົວແທນ ຂອງ ອົງການ ຮ່ວມພລັງ ເຊື້ອຊາດ ລາວ ເພື່ອ ປະຊາທິປະຕັຍ ປະຈຳ ສະຫະຣັດ ໄດ້ ໃຫ້ ສຳພາດ ຕໍ່ ເອເຊັຽ ເສຣີ ກ່ຽວກັບ ນະໂຍບາຍ ການ ກືນກິນ ຊາດລາວ ຂອງ ພັກ ຄອມມິວນິສ ວຽດນາມ ວ່າ: ສຽງ

ທ່ານ ຍັງ ບອກ ອີກວ່າ ນະໂຍບາຍ ການ ດັບສູນ ເຊື້ອຊາດ ລາວ ຂອງ ພັກ ຄອມມິວນິສ ວຽດນາມ ມີມາ ແຕ່ຕົ້ນ ໃນສມັຍ ການກໍ່ຕັ້ງ ພັກ ຄອມມິວນິສ ອິນໂດຈີນ ດ້ວຍ ຄວາມຮ່ວມມື ຂອງ ຜູ້ນຳ ຄອມມິວນິສ ລາວ ຫຼາຍຄົນ ທີ່ ຖືກ ລ້ຽງດູ ຈາກ ວຽດນາມ. ກຸ່ມ ພວກນັ້ນ ໄດ້ ລົງນາມ ກັບ ວຽດນາມ ເພື່ອ ລຶບລ້າງ ຊາດລາວ ໃຫ້ ດັບສູນໄປ ໂດຍ ບໍ່ຮູ້ສຶກ ຕົວ.

ທ່ານວ່າ ສິ່ງ ທີ່ເຫັນໄດ້ ຢ່າງພົ້ນເດັ່ນ ໃນ ປັດຈຸບັນ ກໍແມ່ນວ່າ ຄົນ ວຽດນາມ ຫລັ່ງໄຫລ ເຂົ້າມາ ຕັ້ງຖິ່ນຖານ ໃນລາວ ຢ່າງ ຫຼວງຫຼາຍ ປາສຈາກ ການ ອະນຸຍາດ ຫຼາຍ ແຂວງ ຂອງລາວ ກໍມີຄົນ ວຽດນາມ ເຂົ້າມາ ຕັ້ງ ຖິ່ນຖານ ຍາດແຍ່ງ ຊັພຍາກອນ ທັມມະຊາດ ຂອງລາວ ດ້ວຍ ການ ສຳປະທານ ທີ່ດິນ ຂຸດຄົ້ນ ແຮ່ທາດ ແລະ ປູກ ຕົ້ນໄມ້ ເສຖກິດ ດັ່ງ ຢາງພາລາ ແລະ ອື່ນໆ ທີ່ ແຂວງ ອັດຕະປື ແຂວງ ດຽວ ພື້ນທີ່ ການຜລີດ ກວ່າ 50% ເປັນ ເຈົ້າຂອງ ໂດຍ ຄົນ ວຽດນາມ ແລະ ໃນຫຼາຍແຂວງ ກໍ ເຊັ່ນດຽວກັນ ຄົນ ວຽດນາມ ມີສິດ ທຸກຢ່າງ ອາດ ມີສິດ ກວ່າ ຄົນລາວ ຊ້ຳອີກ ໃນການ ເຮັດ ທຸຣະກິດ ຄ້າຂາຍ ແລະ ດຳເນີນ ກິຈການ ປະເພດ ຕ່າງໆ ບາງລາຍ ບໍ່ ຕ້ອງ ຂໍໃບ ອະນຸຍາດ.

ຕາມ ຊາຍແດນ ພື້ນທີ່ ບາງແຫ່ງ ວຽດນາມ ກວມເອົາ ດິນ ລາວ ໄປເປັນ ດິນ ວຽດນາມ ດັ່ງ ທີ່ ແຂວງ ສວັນນະເຂດ ໃນເຂດ ເມືອງ ພີນ ວຽດນາມ ຫຍັບ ເຂົ້າມາ ເອົາ ດິນ ລາວ ປະມານ 15 ກິໂລແມັດ ແລະ ໃນຫຼາຍແຂວງ ຕາມ ຊາຍແດນ ກໍ ເຊັ່ນດຽວກັນ. ການ ເຂົ້າ-ອອກ ປະເທດ ລາວ ຂອງ ຄົນ ວຽດນາມ ນັ້ນ ບາງເຂດ ກໍບໍ່ມີ ໃບ ອະນຸຍາດ ທາງການ ລາວ ກໍບໍ່ກ້າ ເຮັດຫຍັງ ໄດ້.

ໂຮງຮຽນ ລາວ ຫຼາຍແຫ່ງ ກໍສອນ ພາສາ ວຽດນາມ ແລະ ເດັກນ້ອຍ ລາວ ລຸ້ນໃຫມ່ ກໍສົນໃຈ ຮຽນ ພາສາ ວຽດນາມ ຍ້ອນເປັນ ພາສາ ທີ່ ກ້າວຫນ້າ ໃນລາວ ໃນແງ່ ການເປັນ ພະນັກງານ ຣັດ ການ ຫາທຶນ ໄປຮຽນຕໍ່ ແລະ ການປະກອບ ອາຊີບ ປະເພດ ຕ່າງໆ ໃນລາວ. ເຈົ້າຫນ້າທີ່ ລາວ ກໍຖືກໄປ ຝຶກ ອົບຮົມແລະ ສິດສອນ ຈາກ ວຽດນາມ ການເມືອງ ເສຖກິດ ແລະ ການ ປົກຄອງ ກໍຂຶ້ນກັບ ວຽດນາມ ເກືອບ ຫມົດ ຮ້າຍ ໄປກວ່າ ນັ້ນ ທາງດ້ານ ສັງຄົມ ກໍຈະຖືກ ວຽດນາມ ເຊື່ອມໂຊມ ໃນ ອະນາຄົດ. ຕົວຢ່າງ ການເປີດ ບາ ເຕັ້ນເປືອຍ ທີ່ ຖ້ຳ ຜູ້ນຳ ພັກ-ຣັດ ທີ່ ແຂວງ ຫົວພັນ ຂອງ ນັກ ທຸຣະກິດ ວຽດນາມ ທັງຫມົດ ທີ່ ກ່າວມາ ນີ້ແມ່ນ ມາຈາກ ນະໂຍບາຍ ການກືນກິນ ຊາດລາວ ຂອງ ພັກ ຄອມມິວນິສ ວຽດນາມ ນັ້ນເອງ.

ຄໍາເຫັນ (2)
Share

Lao

ຈາກ Lao

ทุกๆคำก่าวคำปาสัยขงผู้นำลาวปะจุบันมันช่างเปันคำพูดที่เสกสันและดัดแปงแต่งกาบกรนสะเพาะมันไม้ตรงกับสพาบตัวจริงเลยที่ท่านจูมมะรีไชยะสอนพูดยู่ที่(New York )คำพูดและสะพาบตัวจิงมันไม้ตรงกันทุกย่างยังเหมีอนเดีมไม้เชี้อลองไปตระเวนดูชิ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 30, 2015 12:24 AM

lao nai

ຈາກ vt

Good analysis inside story, lao leaders should know about this, thank RFA.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 27, 2015 03:09 PM

ເຕັມຫນ້າ