ກອງປະຊຸມໂຕະມົນຣະດັບສູງ ຄັ້ງທີ 11

2013-11-19
ອີແມວລ໌
ຄໍາເຫັນ
Share
ພິມ
 ກອງປະຊຸມໂຕະມົນຣະດັບສູງ ຄັ້ງທີ 11
ກອງປະຊຸມໂຕະມົນຣະດັບສູງ ຄັ້ງທີ 11
RFA/LX

 

ກອງປະຊຸມໂຕະມົນປະຈໍາປີຣະດັບສູງ ຄັ້ງທີ່ 11 ຣະຫ່ວາງຣັຖບານກັບຄູ່ຮ່ວມພັທນາເມື່ອວັນອັງຄານ ທີ່ 19 ພຶສຈິກາ ຕາມເວລາໃນເມືອງ ລາວ ໄດ້ທົບທວນການຈັດຕັ້ງປະຕິບັດ ແຜນການພັທນາສັງຄົມ-ເສຖກິດ ແຫ່ງຊາຕຄັ້ງທີ່ 7 ຜົນຂອງການທົບທວນກາງສະໄໝ ແລະຄວາມ ຄືບໜ້າ ໃນການຈັດຕັ້ງປະຕິບັດ ເປົ້າໝາຍການພັທນາ ສະຫັດສະວັດ ສະຫະປະຊາຊາຕ ໃນລາວ.

ກອງປະຊຸມມີຂຶ້ນພາຍໃຕ້ຫົວຂໍ້: ເລັ່ງລັດການບັນລຸເປົ້າໝາຍສະຫັດສະວັດ ດ້ານການພັທນາ ແລະການພັທນາ ທີ່ສົມສ່ວນແບບມີສ່ວນຮ່ວມ. ສື່ມວນຊົນຣາຍງານວ່າ ທ່ານ ທອງສິງທັມມະວົງ ນາຍົກຣັຖມົນຕຣີ ໄດ້ແຈ້ງຕໍ່ກອງປະຊຸມວ່າ ລາວປະສົບກັບສິ່ງທ້າທາຍ ໃນການບັນລຸເປົ້າ ໝາຍສະຫັດສະວັດ.

ຂໍ້ທີ່ 1 ທີ່ກ່ຽວກັບການຫລຸດຜ່ອນຄວາມທຸກຍາກ ແລະອຶດຫີວ ໂດຍສະເພາະ ເດັກນ້ອຍອາຍຸຕໍ່າກວ່າ 5 ປີ ຂາດສານ ອາຫານ. ສປປລາວ ອາດ ດີ້ນຮົນກັບເປົ້າໝາຍ ສະຫັດສະວັດ. ຂໍ້ທີ່ 2 ທີ່ກ່ຽວກັບຈົບການສຶກສາທົ່ວໄປ ໂດຍສະເພາະ ອັດຕຣານັກຮຽນ ໄດ້ຮຽນໜັງສືຕໍ່ຍັງຕໍ່າຢູ່ ເມື່ອທຽບກັບປະເທດ ໃນພູມີພາກ.

ເປົ້າໝາຍ ສະຫັດ ສະວັດ ທີ່ 9 ທີ່ກ່ຽວກັບການເກັບກູ້ລະເບີດບໍ່ທັນແຕກ  ເປັນສິ່ງທ້າທາຍຫລາຍທີ່ສຸດ. ທ່ານ  Haoling Xu ຜູ້ຕາງໜ້າ ສະຫະປະຊາຊາຕ ເພື່ອການພັທນາ ອ່ານຖແຫລງການ ຂອງ ມາດາມ Helen Clark ປະທານ ກຸ່ມຫນ່ວຍງານພັທນາ ສະຫະປະຊາຊາຕ ມີໃຈຄວາມວ່າ ຢາກໃຫ້ຣັຖບານ ລາວ ເຫັນຄວາມສໍາຄັນ ຂອງແຜນປະຕິບັດ 5 ຂໍ້ ທີ່ຕຽມໄວ້ສໍາລັບ ກອງປະຊຸມນີ້ ເພື່ອເປັນທິດທາງ ແກ່ ລາວ ໃນການປະຕິບັດ ພ້ອມນັ້ນ ໄດ້ຮຽກຮ້ອງໃຫ້ຣັຖບານລາວ ແລະຄູ່ຮ່ວມພັທນາ ນາໆຊາຕເອົາມາຕການທີ່ຈໍາເປັນເພື່ອເຮັດໃຫ້ຂັ້ນຕອນ ຂອງແຜນປະຕິບັດ 5 ຂໍ້ນີ້ເກີດເປັນຈິງ.

ມີຜູ້ເຂົ້າຮ່ວມປະຊຸມ ທັງໝົດປະມານ 400 ຄົນ ໃນນັ້ນມີ ຜູ້ຕາງໜ້າ ຣັຖບານ ແລະຄູ່ຮ່ວມພັທນາ ພາຍໃນແລະຕ່າງປະເທດ 35 ຄົນ ແລະ 37 ປະເທດ. ກ່ອນກອງປະຊຸມ ເລີ້ມຂຶ້ນນັ້ນ ຄູ່ຮວມພັທນາສະຫະພາບຢູໂຣບ ໄດ້ຢໍ້າເຖິງບັນຫາ ສິດທິມະນຸດ ໃນລາວແລະຫລາຍໆ ບັນຫາ ທີ່ລາວຍັງຊັກຊ້າ ໃນການເອົາໃຈໃສ່.

ຄໍາເຫັນ (3)
Share

ຍົມມະທູດ

ຈັດຕັ້ງປະຊຸມຂື້ນ ເພື່ອເອີ້ນຕ່າງປະເທດມາ ແລ້ວສິໄດ້ຂໍທານນຳເຂົາ. ຄຳຫນຶ່ງກະຂໍແນ່ ຄຳສອງກະຊ່ອຍແນ່. ພວກຜະເດັດການ ຄອມມິວນິສລາວ ບໍ່ມີຄວາມສາມາດ ປົກຄອງ ບໍລິຫານ ປະເທດໄດ້.. ຄວນລົ້ມເລິກ ລະບອບນີ້ໄດ້ແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 24, 2013 03:34 PM

Phou Bia

As usual, this meeting produced little or nothing. Lao officials continue to stay away from making efforts to comply with the international demands. Instead, they once again brought up concerns about UXO that are no longer widespread threats to the public. More excuses were made that they are still too occupied with UXO the challenges and have no time to focus on other matters such as human rights and all others. Without doubt, in 2014 and perhaps beyond, there will be no progresses and changes in any form of the Laos national affairs.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 20, 2013 11:16 AM

Mak Ham

ຈາກ Laos

Communist is dead guys, remove them from power ok but let for them change no way.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 19, 2013 09:47 PM

ເຕັມຫນ້າ