ການໃຊ້ອິນເຕີເນັດຂອງ ພຣະສົງ

ມະນີຈັນ
2017-03-23
ອີແມວລ໌
ຄໍາເຫັນ
Share
ພິມ
ຄູບາອາຈານ ປະຕິບັດທັມ ທີ່ເປັນກິຈວັດ ປະຈໍາວັນ
ຄູບາອາຈານ ປະຕິບັດທັມ ທີ່ເປັນກິຈວັດ ປະຈໍາວັນ
Screen captured monks chanting video

ອົງການພຸທສາສນາສັມພັນລາວ ອອກແຈ້ງການ ສະບັບເລກທີ 20 ລົງວັນທີ 21 ກຸມພາ 2017 ກ່ຽວກັບ ການເຂັ້ມງວດ ກວດຂັນ ພຣະສົງສໍາມະເນນ ໃນທົ່ວປະເທດ ໃນການໃຊ້ ສື່ສັງຄົມ ອອນລາຍ.

ພຣະອາຈານອົງການ ພຸທສາສນາສັມພັນລາວ ໄດ້ຊີ້ແຈງຕໍ່ RFA ວ່າ ທາງອົງການນີ້ ບໍ່ໄດ້ຖືກກົດດັນ ຈາກ ຣັຖບານ ສປປລາວ ແຕ່ຢ່າງໃດ ໃນເຣື້ອງການ ເຂັ້ມງວດກວດຂັນ ພຣະສົງ ສາມະເນນ ທີ່ໃຊ້ ອິນເຕີເນັດ ຫລືວ່າໃຊ້ ສື່ສັງຄົມອອນລາຍ. ແຕ່ກົງກັນຂ້າມ ແຈ້ງການ ສະບັບນີ້ ແມ່ນໄດ້ເຮັດອອກມາ ເພື່ອປົກປັກຮັກສາ ພຣະສົງ ໃນທົ່ວປະເທສ:

"ຖາມວ່າຣັຖບານກົດດັນ ອພສ ບໍ່ວ່າທີ່ໃຫ້ເຮັດ ແຈ້ງການໂຕນີ້, ບໍ່ເລີຍ ເພາະວ່າອັນນີ້ເປັນ ຄວາມຄິດຂອງ ອພສ ໂດຍຕົງເລີຍ ໃນການປົກປັກຮັກສາ ພຣະສົງ ສາມະເນນ ໃນທົ່ວປະເທສ ທີ່ຂຶ້ນກັບ ອົງການພຸທສາສນາ, ຈະເຣີນພອນ. ບໍ່ໄດ້ກົດດັນ ຈາກທາງຣັຖ ທາງຣັຖເພິ່ນ ບໍ່ໄດ້ ແນະນຳເລີຍ".

ພຣະອາຈານ ກ່າວຕື່ມວ່າ ແຈ້ງການສະບັບນີ້ ບໍ່ໄດ້ມີເນື້ອໃນໃຈຄວາມ ຈຳກັດຮັດແຄບ ສິດເສຣີພາບ ໃນການສະແດງອອກ ຂອງພຣະສົງ ແຕ່ຢ່າງໃດ, ພຽງແຕ່ເປັນ ແຈ້ງການ ເພື່ອເຕືອນໃຫ້ ພຣະສົງ ມີສະຕິລະວັງໂຕ ໃນການໃຊ້ ສື່ສັງຄົມ ອອນລາຍ:

"ແຈ້ງການສະບັບນີ້ມັນບໍ່ໄດ້ຫ້າມ, ແຕ່ໃຫ້ລະວັງ. ຄຳວ່າຫ້າມກັບລະວັງ ມັນຕ່າງກັນ ຄືຫ້າມໂພສຫ້າມໃຊ້ ຫຼືໃຫ້ຢຸດໄປເລີຍ. ແຕ່ວ່າອັນນີ້ ໃຫ້ລະວັງ ໃຫ້ຄູບາອາຈານ ທີ່ເຈົ້າ ອະທິການວັດ ກະດີ, ເຈົ້າເມືອງກໍ່ດີ ໃຫ້ເພິ່ນເຂັ້ມງວດ ກວດຂັນ ວ່າສິ່ງທີ່ເຂົາໃຊ້ຫັ້ນນ່າ, ຄວນລະວັງເດີ້. ໃຫ້ລະວັງໃນການໂພສ ທີ່ມັນຊິເປັນພັຍ ຕໍ່ເຮົາ".

ໃນຂນະດຽວກັນ, ກໍມີກະແສຕອບຮັບ ເປັນຢ່າງດີ ຈາກສັງຄົມ ທີ່ ອພສ ຈະເຣີ້ມມີມາຕການ ໃນການຫລຸດຜ່ອນ ພາບພົດອັນບໍ່ດີ ທີ່ເກີດຂຶ້ນ ໃນວົງການ ພຸທສາສນາໃນລາວ ຜ່ານສື່ສັງຄົມ ອອນລາຍ, ແຕ່ໃນອີກມຸມນຶ່ງ ກໍອາຈເປັນການຈຳກັດ ຮັດແຄບ ການສະແດງອອກ ຂອງພຣະສົງລາວ ໄປໃນໂຕ ນໍາດ້ວຍ. ດັ່ງຄຣູບາ ໃນນະຄອນຫຼວງວຽງຈັນ ໄດ້ກ່າວຕໍ່ RFA ວ່າ:

"ຄັນເຮົາຊິເບິ່ງໃນແງ່ນຶ່ງ ມັນກະຖືກຄວາມເພິ່ນຢູ່ພໍ່ອອກ, ເພື່ອວ່າຄວາມປອດພັຍ ຂອງພຣະສົງ ຈາກກຸ່ມຄົນ ທີ່ບໍ່ດີຫັ້ນນ່າ ເພື່ອທຳລາຍ ພຸທສາສນາ ຂອງເຮົາຫັ້ນນ່າ ແຕ່ເຮົາ ເບິ່ງໃນແງ່ນຶ່ງນີ້, ເບິ່ງເນື້ອໃນຂໍ້ມູນ ມັນແທບ ຈະບໍ່ມີອີ່ຫຍັງ ເລີຍຫັ້ນນ່າ. ຄູບາກະສົງໃສໂຕນີ້ ຫັ້ນແຫຼະພໍ່ອອກ".

ປັດຈຸບັນ, ຫລາຍຄົນໃນນະຄອນຫລວງ ໄດ້ຕັ້ງຂໍ້ສັງເກດວ່າ ການອອກແຈ້ງການ ສະບັບນີ້ ກໍເປັນການດີຢູ່, ແຕ່ມັນກໍອາຈເປັນເຄື່ອງມື ຂອງຣັຖບານລາວ ໃນການຈຳກັດ ຮັດແຄບ ສິດເສຣີພາບ ໃນການສະແດງອອກ ດ້ານການເມືອງ ແລະ ການສະທ້ອນບັນຫາ ຂອງ ປະຊາຊົນລາວ ຫລາຍກວ່າ ທີ່ຈະເປັນເຄື່ອງມື ສະກັດກັ້ນ ບໍ່ໃຫ້ພຣະສົງ ປະພຶຕໂຕ ບໍ່ຢູ່ໃນວິນັຍສົງ.

ຄໍາເຫັນ (2)
Share

ຄ.ນະຄຳມວ່ນ

ຈາກ ທ່າແຂກ

ເຖິງຈະດີຫລືຮ້າຍແນວໄດກໍ່ຕາມລະບອບຄອມມູຍນິຕ ແມ່ນເຂົາບໍ່ຖືເຣື້໋ອງພຸທສາສນາຢູ່ແລ້ວ, ລະຫວ່າງທີ່ ຍັງມີການສຳມະນາຢູ່ນັ້ນພວກເຂົາໄດ້ສິດສອນຢູ່ສູນ ສຳມະນາເມືອງວຽງໄຊວ່າ: ພວກ ພຣະສົງນີ້ແມ່ນພວກ ຂີ້ຄ້ານແຖຫົວບວດຫາທາງ ກິນແຮງງານຂອງຄົນອື່ນ ໂດຍປະລິຍາຍຈຶ່ງໄດ້ກຳຈັດຮັດແຄບໃນສາສນາເປັນພິເສດ, ເຫັນວ່າໄປບໍ່ລອດຈຶ່ງຫາທາງຮື້ພື້ນສາສນາຄືນ, ເຫັນໄດ້ໃນຄາວ ປີຄໍ ສໍ 1982 ຫລັງຈາກ,ຂ້າພະເຈົ້າກັບມາແຕ່ສູນສຳມະນາ ເມືອງວຽງໄຊແລ້ວໄດ້ພາຄອບຄົວໄປ ຂໍພອນຈາກພຣະມະຫາ ວັດໂພນພະເນົາ ຄື:ພຣະອາຈານ ພິມໂພ ເພິ່ນໄດ້ແນະນຳວ່າ: ລະວັງເດີລູກຫລານເອີຍ ຊາຕກຳລັງວຸ້ນວາຍ ສາສນາກຳລັງເສົ້າ, ເພິ່ນເອງກໍ່ຖືກຕິດຕາມສິ່ງຊອມ ຈາກ ໄກສອນພົມວິຫານໂດຍກົງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 26, 2017 11:47 AM

(

The oppression of Lao government over Lao people has reached a new level. They're now attacking buddhist religion , the religion of the majority of Lao, like they did with other faiths before.



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 23, 2017 01:57 PM

ເຕັມຫນ້າ