ຊາວລາວ-ລາວເຜົ່າມົ້ງສລອງ 40 ປີ

ອະວາຣີ
2015-07-26
ອີແມວລ໌
ຄໍາເຫັນ
Share
ພິມ
ຊາວລາວ ຊາວເຜົ່າມົ້ງລາວ ຊາວວຽດນາມ ກຳພູຊາ ເຂົ້າຮ່ວມ ຈັດພິທີ ສລອງ ວັນສໍາຄັນ ຄົບຮອບ 40 ປີ, ແລະ 20 ປີ ທີ່ ສະຫະຣັດ ຮັບຮູ້ ວ່າ ເຄີຍໄດ້ຮ່ວມ ມືກັນ ສູ້ຣົບ
ຊາວລາວ ຊາວເຜົ່າມົ້ງລາວ ຊາວວຽດນາມ ກຳພູຊາ ເຂົ້າຮ່ວມ ຈັດພິທີ ສລອງ ວັນສໍາຄັນ ຄົບຮອບ 40 ປີ, ແລະ 20 ປີ ທີ່ ສະຫະຣັດ ຮັບຮູ້ ວ່າ ເຄີຍໄດ້ຮ່ວມ ມືກັນ ສູ້ຣົບ
RFA

ຊາວລາວ ແລະ ລາວເຜົ່າມົ້ງ ຈັດ ພິທີ ສລອງ ວັນ ຄົບຮອບ 40 ປີ ທີ່ໄດ້ ອົພຍົບ ມາຕັ້ງ ຖິ່ນຖານ ຢູ່ ສະຫະຣັຖ ອະເມຣິກາ ແລະ ສລອງ ວັນ ຄົບຮອບ 20 ປີ ທີ່ ທາງການ ສະຫະຣັຖ ຮັບຮູ້ ການສູ້ຣົບ ຮ່ວມກັບ ສະຫະຣັຖ ເພື່ອຕ້ານ ຄອມມຸຍນິສ ໃນລາວ ໃນ ສມັຍ ສົງຄາມ. ດັ່ງ ດຣ.ວົງ ສະວັນ ບຸສວັດ ຊຶ່ງ ເປັນ ບຸກຄົນ ສຳຄັນ ຝ່າຍລາວ ກ່າວວ່າ:

“ງານມື້ນີ້ ແມ່ນງານ ປະຫວັດສາດ ແທ້ໆ ຂອງ ຊາວລາວ ອົພຍົບ ຂອງພວກເຮົາ ຊຶ່ງ ເປັນ ວັນຄົບຮອບ 40 ປີ ຂອງ ຊາວລາວ ເຮົາ ທີ່ ເຕັ້ນໂຕນ ໂຍນໜີ ຈາກ ປະເທດ ໜີຮ້ອນ ມາເພິ່ງ ເຢັນ, ມາຕັ້ງ ຖິ່ນຖານ ໃໝ່ ຢູ່ໃນ ສະຫະຣັຖ ອະເມຣິກາ ແລະ ກໍຖືກ ຕ້ອນຮັບ ເປັນຢ່າງດີ ຈາກ ປະຊາຊົນ ແລະ ຣັຖບານ ອະເມຣິກາ ແລະ ມີພິທີ ທີ 2 ອີກ ຄົບຮອບ 20 ປີ ອັນນັ້ນ ແມ່ນ 20 ປີ ຫຍັງ? ຄົບຮອບ 20 ປີ ນີ້ແມ່ນ ການຮັບຮູ້ ຈາກ ຣັຖບານ ອະເມຣິກາ ໃນ ການສູ້ຣົບ ຕົບຕີ ຮ່ວມມືກັນ ຕ້ານ ສົງຄາມ ຮຸກຮານ ຂອງ ພວກ ວຽດນາມ ເໜືອ ຄອມມຸຍນິສ ທີ່ ພຍາຍາມ ຢາກ ກືນກິນ ລາວ.”

ອົງການ ຊາວລາວ ແລະ ຊາວເຜົ່າມົ້ງ ລາວ ໂດຍມີ ຊາວ ວຽດນາມ ແລະ ກຳພູຊາ ເຂົ້າຮ່ວມນຳ ຈັດພິທີ ທັງສອງຂຶ້ນ ຢູ່ເມືອງ Saint Paul ຣັດ ມິນນີໂຊຕາ ສະຫະຣັຖ ອະເມຣິກາ ໃນ ວັນທີ່ 25 ເດືອນ ກໍຣະກະດາ ປີ 2015 ນີ້, ໂດຍມີຄົນ ເຂົ້າຮ່ວມ ຫລາຍຮ້ອຍ ຄົນ. ຜູ້ເຂົ້າຮ່ວມ ທີ່ ສຳຄັນ ກໍມີ ດຣ.ຢັງດາວ, ແລະ ນາຍ ທະຫານ ສະຫະຣັຖ ທີ່ ເຄີຍ ປະຕິບັດ ໜ້າທີ່ ໃນລາວ ວຽດນາມ ແລະ ກຳພູຊາ.

ເຈົ້າສຸຣິຍະ ວົງສະວ່າງ ແຫ່ງ ສະຖາບັນ ຣາຊວົງ ລ້ານຊ້າງ ຮົ່ມຂາວ ທີ່ ກຸງ ປາຣີ ປະເທດ ຝຣັ່ງ ບໍ່ໄດ້ ສະເດັດ ມາຮ່ວມ ໃນ ພິທີ ແຕ່ໄດ້ ສົ່ງສານ ມາສນັບ ສນູນ ສັລເສີນ.

ຄໍາເຫັນ (1)
Share

ລາວນອກ

ເວົ້າເລື້ອງ ຜູ້ແຂງແຮງ ນໍາພາຕໍ່ສູ້ ເພື່ອໃຫ້ ປະເທດປ່ຽນມາ ເປັນປະເທດເສລີ ເພຶ່ອໃຫ້ ປະຊາຊົນ ມີສີດປາກເວົ້າໄດ້ ນີ້ກໍແມ່ນເພີ່ນນີ້ແລ້ວ ຕາມເບີ່ງນີ້ນາ ແລ້ວທ່ານເດ ແມ່ນໃຜ ມີໃຜແດ່ ຈະເຮັດຄືເພີ່ນໄດ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 27, 2015 08:44 AM

ເຕັມຫນ້າ