ກອງປະຊຸມພາຄີ ລາວ-ສະຫະຣັດ

ສິດນີ
2016-07-27
ອີແມວລ໌
ຄໍາເຫັນ
Share
ພິມ
ທ່ານ ຈອນ ແຄຣີ ຣັຖມົນຕຣີ ການຕ່າງປະເທດ ສະຫະຣັດ ໃນກອງປະຊຸມ ຖແລງຂ່າວ ທີ່ ນະຄອນຫຼວງວຽງຈັນ
ທ່ານ ຈອນ ແຄຣີ ຣັຖມົນຕຣີ ການຕ່າງປະເທດ ສະຫະຣັດ ໃນກອງປະຊຸມ ຖແລງຂ່າວ ທີ່ ນະຄອນຫຼວງວຽງຈັນ
Courtesy of support prime minister Thongloun Sisoulith

ໃນ ກອງປະຊຸມ ປະເທດພາຄີ ຣະຫວ່າງ ລາວກັບສະຫະຣັດ ຣັຖມົນຕຣີ ການຕ່າງປະເທດ ລາວ ທ່ານ ສະເຫລີມໄຊ ກົມມະສີດ ແລະ ທ່ານ ຈອນ ແຄຣີ ຣັຖມົນຕຣີ ການຕ່າງປະເທດ ສະຫະຣັດ ກໍໄດ້ ໂອ້ລົມກັນ ໃນຫຼາຍ ບັນຫາ ເປັນຕົ້ນ ການຮ່ວມມື ທາງດ້ານ ການ ສຶກສາ ສາທາຣະນະສຸກ ການພັທນາ ໂຄງຮ່າງ ພື້ນຖານ ສະພາບ ການປ່ຽນແປງ ຂອງ ດິນຟ້າ ອາກາດ ແລະ ພລັງງານ ທີ່ ຍັ້ງຍືນ.

ນອກຈາກນັ້ນ ທັງສອງຝ່າຍ ຍັງໄດ້ ໂອ້ລົມກັນ ກ່ຽວກັບ ການຢ້ຽມຢາມ ສປປລາວ ຄັ້ງ ປະຫວັດສາດ ຂອງ ປະທານາທິບໍດີ ສະຫະຣັດ ທ່ານ ບາລັກ ໂອບາມາ ພາຍໃນ 6 ອາທິດ ຂ້າງຫນ້ານີ້ ທັງສອງ ມີວຽກງານ ທີ່ຈະເຮັດ ກ່ອນໜ້າ ການຢ້ຽມຢາມ ຂອງ ທ່ານ ບາລັກ ໂອບາມາ ແລະ ທັງສອງຫວັງວ່າ ການຢ້ຽມຢາມ ສປປລາວ ໃນຄັ້ງນີ້ ຈະເກີດໝາກຜົລ ໃຫ້ແກ່ ທັງສອງ ປະເທດ.

ໃນກອງປະຊຸມ ຖແລງຂ່າວ ຫລັງຈາກ ການພົບປະກັນ ນັກຂ່າວລາວ ຜູ້ນຶ່ງໄດ້ຖາມ ທ່ານ ຈອນ ແຄຣີ ວ່າ: ປະເທດລາວ ໃນເວລານີ້ ມີການ ເຕີບໂຕ ທາງດ້ານ ເສຖກິດ ເຂັ້ມແຂງ ແລະ ມີ ສະພາບ ຄວາມຫມັ້ນຄົງ ທີ່ດີ ທ່ານ ຄິດວ່າ ສະຫະຣັດ ສາມາດ ຮຽນຮູ້ ຈາກ ປະສົພການ ຂອງລາວ ໄດ້ບໍ.

ທ່ານ ຈອນ ແຄຣີ ຕອບວ່າ ກ່ຽວກັບ ການຮຽນຮູ້ ຣະຫວ່າງກັນ ທ່ານ ຄິດວ່າ ຫຼາຍປະເທດ ໃນໂລກ ສາມາດ ຮຽນຮູ້ ຈາກກັນແລະກັນ ໄດ້ ທຸກເວລາ ແຕ່ ສີ່ງສຳຄັນ ກໍແມ່ນວ່າ ພວກເຮົາ ຕ້ອງເຮັດວຽກ ຮ່ວມກັນ ເພື່ອ ຫາຊ່ອງທາງ ການຮ່ວມມື ໃນບັນຫາ ຕ່າງໆ ທ່ານວ່າ ສຳລັບ ສປປລາວ ແລ້ວ ສະຫະຣັຖ ພຍາຍາມຈະຊ່ອຍ ລາວ ໃນສິ່ງທີ່ ລາວ ຕ້ອງການ ບໍ່ແມ່ນ ສິ່ງທີ່ ສະຫະຣັດ ຄິດ ແລະ ຕ້ອງການ.

ຄໍາເຫັນ (3)
Share

ໄມຕານ

ຈາກ ເມືອງສິງ

ຟັງຄຳຖາມເຂົາກ໋ຮູ້ແລ້ວວ່າ ລາວຈະເລີນຊຳ່ໃດ ມີຄວາມຮູ້ຫລືບ໋ ອາເມລິກາເຂົາພັທນາຫມົດແລ້ວ ເຂົາບ໋ຫາປະສົບການອີກ ບ໋່ມີປະເທດໃດຮຽນນຳລາວດອ໊ກ ເອົາລາຍໄດ້ມາຈາການຂາຍໄມ້ ມາຈາກຂຸດບ໋ແຮ່ທາດ ຂ໋ເງິນຊວ່ຍເຫລືອຈາກຕາງປະເທດ ມີແຕ່ເຂົາຢາກຮູ້ວ່າເມື່ອຫມົດຂອງທຳມະຊາດແລ້ວ ລາວຈະຫາລາຍໄດ້ມາຈາກຫຍັງ ໃ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 28, 2016 04:37 PM

ສະມາຄົມພາກເໜືອ

ຈາກ ໄຊຍະບູລີ

ປະເທດອາເມລິກາ ເປັນປະເທດມະຫາອຳນາດຂອງ ໂລກ ເສຖກິດອັນດັບໜຶ່ງຂອງໂລກແລ້ວ ປະເທດລາວມີປະສົບການດີໆ ຫຍັງໃຫ້ອາເມລິກາເອົາໄປຮຽນຮູ້ ບ໋່ແມ່ນອາເມລິກາມາຊວ່ຍເຫລືອລາວຢູ່ວະ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 28, 2016 04:15 PM

ຄ.ນະຄຳມ່ວນ

ຈາກ ທ່າແຂກ

ນັກຂ່າວລາວຜູ້ສລາດສ່ອງໄສ ຈັງໄຮຮອບດາ້ນ, ຄິດໄດ້ແນວໄດ ສອນມະຫາອຳນາຈ ຢ່າງສະຫະຣັຖ ໃຫ້ຮຽນຈາກ ສປປລາວ, ດ້ານຄວາມຈະເລີນເຕີບໂຕ ທາງດ້ານເສຖກິຈ ແລະ ຄວາມຫມັ້ນຄົງ ຕ່າງໆນາໆ. ຕາມພັກນຳພາ-ຣັຖຄຸ່ມຄອງ ປະຊາຊົນເປັນເຈົ້າ ໃຊ້ປະຊາທິປະຕາຍລວມສູນທຸກຢ່າງ. ທ່ານ ຈອນ ແຄຣີ ດ່າແບບມີມາລະຍາດການທູດ ເຈັບແລະແສບພໍໃຈດີແລ້ວບໍ? ກ້າທຽບແນວໄດ ປະເທດນຶ່ງເປັນມະຫາອຳນາຈ, ສ່ວນ ສປປລາວຍັງຄ້າງຢູ່ນາລົກອະເວຈີ ຊູຊີທຽບກັນໄດ້, ຂໍບອກໃຫ້ຮູ້ແລະຈຳໃສ່ສະຫມອງແດ່ວ່າ: ສິດທິຄວາມເປັນມະນູຕຂອງ ສປປລາວ ເຊັນຮັບເອົາແລ້ວ ປະຕິບັດເປັນຮູປທັມດີທຸກຢ່າງແລ້ວບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 27, 2016 04:41 PM

ເຕັມຫນ້າ