ພະນັກງານຣັດສໍ້ໂກງ ຖືກໂທດ

ໄຊຍາ
2018-10-23
ອີແມວລ໌
ຄໍາເຫັນ
Share
ພິມ
ກົມກວດກາພາຍໃນ ເພື່ອ "ສະກັດກັ້ນ" ແລະ "ຕ້ານ" ການສໍ້ຣາສບັງຫລວງ
ກົມກວດກາພາຍໃນ ເພື່ອ "ສະກັດກັ້ນ" ແລະ "ຕ້ານ" ການສໍ້ຣາສບັງຫລວງ
RFA/LX

ຄນະກວດກາປະຈຳພັກແຂວງ ໄຊຍະບູລີ ໄດ້ກວດພົບ ພະນັກງານສໍ້ຣາດບັງຫຼວງ ຈຳນວນ 24 ຄົນ ໃນໄລຍະ 3 ປີ ຜ່ານມາ ສ້າງຄວາມເສັຍຫາຍເຖິງ 208 ຕື້ກີບ. ຕໍ່ກໍຣະນີດັ່ງກ່າວນີ້ ໄດ້ດຳເນີນການ ຕັດສິນໄປແລ້ວ 2 ຄົນ  ສ່ວນທີ່ເຫຼືອຍັງຢູ່ ໃນຂັ້ນຕອນ ປະກອບສຳນວນຄະດີ. ດັ່ງເຈົ້າໜ້າທີ່ ຄນະກວດກາພັກຣັຖ ແຂວງໄຊຍະບູລີ ກ່າວຕໍ່ ວິທຍຸເອເຊັຽເສຣີ ໃນວັນທີ 23 ຕຸລາ ນີ້ວ່າ:

"ຈຳນວນນຶ່ງກາໄລ່ອອກ ຈຳນວນນຶ່ງກາປະຕິບັດວິນັຍ ຕາມຣະບຽບກົດໝາຍ ຕາມກົດໝາຍກວດກາຣັຖ ກະດຳເນີນຄະດີ ຢູ່ສອງຄົນ ກວດແຕ່ລະປີແຫຼະ ກວດເພື່ອຣາຍງານສະພາ ງົບປະມານທີ່ເສັຍໄປ ສ່ວນຫຼາຍກູ້ຄືນໄດ້ ຍັງຈຳນວນນຶ່ງ ສຶບຕໍ່ເກັບກູ້ ຫັ້ນແຫຼະ."

ທ່ານກ່າວຕື່ມວ່າ ພະນັກງານ 24 ຄົນທີ່ຖືກກວດພົບ ໃນຄະດີສໍ້ຣາດບັງຫຼວງ 10 ເຣື່ອງ ໃນນັ້ນຫຼາຍທີ່ສຸດ ແມ່ນພົບເຫັນຢູ່ ທະນາຄານ ສົ່ງເສີມກະສິກັມ ແຂວງໄຊຍະບູລີ ຮວມມູນຄ່າຄວາມເສັຍຫາຍ 143 ຕື້ ປາຍກີບ ໂດຍສາມາດ ເກັບກູ້ຄືນໄດ້ 8,74 ຕື້ກີບແລະຍັງຄ້າງຢູ່ 134 ຕື້ປາຍກີບ ນອກຈາກນັ້ນຍັງມີເງິນໄທ ອີກ 260 ລ້ານບາດ.

ຕະຫຼອດໄລຍະ 3 ປິ ຜ່ານມາ ຄນະພັກ ອົງການປົກຄອງ ແລະ ຄນະກວດກາ ແຕ່ລະຂັ້ນໄດ້ເຄື່ອນໄຫວ ຕິດຕາມກວດກາ ສະກັດກັ້ນ ແລະ ຕ້ານການສໍ້ຣາດບັງຫຼວງ ຕໍ່ສະມາຊິກພັກ, ພະນັກງານ ທີ່ມິພຶດຕິກັມ ສໍ້ຣາດບັງຫຼວງ ຕາມກົດໝາຍເຊັ່ນ ການດຳເນີນ ການແຈ້ງ ຊັບສິນ ແລະລາຍຮັບ ຂອງພະນັກງານຣັຖກອນ ທົ່ວແຂວງ ໃນຮອບທີ 2 ປີ 2017 ເຊິ່ງເປົ້າໝາຍການແຈ້ງຊັບສິນ ແລະລາຍຮັບທັງໝົດ 10,800 ປາຍຄົນ ໄດ້ຮັບເອກສານແຈ້ງຊັບສີນ ແລະລາຍຮັບຕົວຈິງ ຈຳນວນ 10,800 ປາຍຄົນ.

ເຖິງຢ່າງໃດກໍ່ຕາມ ສຳຣັບລາຍຊື່ ແລະຕຳແໜ່ງຂອງ ພະນັກງານ ທີ່ຖືກກວດພົບ ຖານສໍ້ຣາດບັງຫຼວງ ນັ້ນ ທາງຄນະກວດກາແຂວງ ບໍ່ໄດ້ເປີດເຜີຍ ລາຍຊື່. ການສໍ້ຣາດບັງຫຼວງ ເຮັດໃຫ້ຣັຖບານລາວ ຕ້ອງສູນເສັຍ ງົບປະມານ ເປັນຈຳນວນຫຼາຍ ດັ່ງໃນປີ 2017 ອີງຕາມການການຣາຍງານ ຂອງຄນະກວດກາ ສູນກາງພັກ ຣັຖບານລາວ ສູນເສັຍງົບປະມານ 404 ຕື້ກີບ ຍ້ອນການສໍ໊ຣາດບັງຫຼວງ ແລະ ເກັບກູ້ຄືນໄດ້ 317 ຕື້ກີບ.

ຄໍາເຫັນ (3)
Share

ທອງ​ສາ

ຈາກ ​ຈັນ​ທະ​ບູ​ລີ

ພາຍໃຕ້ ການນຳພາ ຂອງພັກປະຊາຊົນ ປະຕິວັດລາວ ຜູ້ສະຫລາດສ່ອງໃສ ບໍ່ມີຍຸກໃດສະໄຫມໃດ ທີ່ປະເທດຊາດ ຈະມີການພັດທະນາ ຄືແນວນີ້. ນັ້ນ ກໍແມ່ນ ຄຳເວົ້າ ທີ່ໜ້າພາກພູມໃຈ ຂອງທ່ານ ປະທານປະເທດຈູມມະລີ ໄຊຍະສອນ ເຈົ້າຂອງກິດຈະການພັນລ້ານ ບໍ່ວ່າ ຈະເປັນການຕັດໄມ້ທຳລາຍປ່າ, ການຂຸດຄົ້ນບໍ່ແຮ່ ແລະ ຄອບຄອງທີ່ດິນ ອັນກ້ວາງໃຫຍ່ໄພສານ ໃນຂະນະທີ່ ຊາວບ້ານແທບຈະບໍ່ມີອັນຈະຢູ່ຈະກິນເລີຍ. ມັນບໍ່ເປັນເລື້ອງທີ່ແປກປະຫລາດດອກ ທີ່ເຈົ້າຫນ້າທີ່ ຊັ້ນຜູ້ນ້ອຍໄປເຖິງຜູ້ໃຫຍ່ ທີ່ຮ່ວມຫົວກັນ ໂກງກິນເງິນ, ລັກເລັກລັກນ້ອຍ ສໍ້ໂກງຊັບສິນ ແລະ ຊັບພະຍາກອນທຳມະຊາດ ຂອງປະເທດຊາດ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 25, 2018 11:51 AM

(

Small fish are caught, big fish enjoy billions of US $. Scums !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 25, 2018 11:48 AM

(

ການສໍ້ລາດບັງຫຼວງ ຢູ່ໄຊຍະບູລີນັ້ນມັນບໍ່ມີພຽງແຕ່ 24 ຄົນ ເທົ່ານັ້ນມັນມີຫຼາຍກ່ວານັ້ນ ຕົວຢ່າງກົມການເງີນ, ກົມຂວາທາງແລະໂຍທາ, ກົມຊັບສິນ, ກົມການຄ້າ, ກົມຕໍ່າລວດ ທະຫານ, ເຈົ້າເມືອງເຈົ້າແຂວງ ແລະຍັງມີອີກຫຼາຍໆກົມ ພໍ່ແມ່ພີ່ນອ້ງເອີຍ ແລະພວກນີ້ນັ້ນແມ່ນຮັ່ງມີຜິດປົກກະຕິ ເພາະວ່າພວກນີ້ແມ່ນສໍ້ລາດບັງຫຼວງທັ້ງນັ້ນ, ຂ້າພະເຈົ້າຈະໃຫ້ຕົວຢ່າງງ່າຍໆ ຄືພະນັກງານເກັບເງິນຄ່າໄຟຟ້າ ຢາມເພີ່ນໄປເລາະເກັບເງີນຄ່າໄຟນັ້ນ ເພີ່ນຂີ່ລົດຖີບພາຍກະເປົາໄປເກັບເງີນ ແຕ່ມາເບີ່ງບ້ານເຮືອນ ຂອງເພີ່ນແລ້ວປານລາດຊະວັງ ມີລົດໃຍ່ລົດຈັກຈອດເອົາຜ້າປົກໄວ້ ແລະສິ່ງເລົ່ານີ້ເອົາມາຈາກໃສ? ແລະເພືອງແຕ່ພະນັກງານເກັບຄ່າໄຟລ້າໆ ມັນບໍ່ຄວນມີເຖີງຂນາດນັ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 24, 2018 06:19 AM

ເຕັມຫນ້າ