ເຣື້ອງທີ່ເກັບບັນທຶກໄວ້
2023-09-22
ບໍຣິສັດ ປຕທ (ລາວ) ປະກາດ ປະສົບກັບບັນຫາຂາດແຄນນໍ້າມັນເຊື້ອເພີງໃນເບື້ອງຕົ້ນ ຍ້ອນບັນຫາແລກປ່ຽນເງິນຕຣາ ຕ່າງປະເທດ ສໍາລັບຊື້ນໍ້າມັນເຊື້ອເພີງ ແຕ່ພາຍຫຼັງໄດ້ມີການແຈ້ງການແກ້ໄຂສະບັບເດີມ ໂດຍມີເນື້ອໃນໃຈຄວາມ ທາງບໍຣິສັດ ໄດ້ຮັບການສນັບສນູນ ນ້ຳມັນເພື່ອຈຳໜ່າຍຢ່າງພຽງພໍແລ້ວ.
2023-09-21
ປະຊາຊົນ ບໍ່ໄດ້ຄາດຫວັງ ແລະ ບໍ່ເຊື່ອໝັ້ນ ຕໍ່ລະບົບສານ ຍ້ອນປະຊາຊົນ ຈຳນວນບໍ່ໜ້ອຍ ປະເຊີນກັບການຕັດສິນຄະດີ ທີ່ບໍ່ເປັນກາງ ແລະ ການໃຊ້ເວລາ ໃນການຕັດສິນຄະດີ ຫຼືແມ່ນແຕ່ການ ອ້າງເຖິງບຸກຄົນສຳຄັນ ເພື່ອເອົາຊະນະຄະດີ ຕ່າງໆທີ່ເກີດຂຶ້ນກັບປະຊາຊົນ.
2023-09-18
ຊາວບ້ານທີ່ຢູ່ເຂດຫຼັກ 9 ບ້ານໜອງຜື ນະຄອນໄກສອນ ພົມວິຫານ ແຂວງສວັນນະເຂດ ຈະບໍ່ຍອມຍ້າຍອອກຈາກທີ່ດິນ ຕາມການແຈ້ງການ ຂອງທາງການແຂວງ.
2023-09-18
ທ່ານ ລູ໋ ຊີ່ເຫວີ່ຍ ທະນາຍຄວາມດ້ານສິດທິມະນຸສຊາວຈີນ ທີ່ຖືກເຈົ້າໜ້າທີ່ຕໍາຣວດລາວ ຈັບໂຕ ຢູ່ສະຖານີຣົຖໄຟທ່ານາແລ້ງ ນະຄອນຫຼວງວຽງຈັນ ເມື່ອວັນທີ 28 ກໍຣະກະດາ ທີ່ຜ່ານມານັ້ນ, ຫຼ້າສຸດ ມີຣາຍງານວ່າ ທາງການລາວ ໄດ້ສົ່ງໃຫ້ແກ່ທາງການຈີນແລ້ວ.
2023-09-15
ຜູ້ຕ້ອງຫາ ຄະດີຄ້າຢາເສບຕິດ 4 ຄົນ ຖືກສານປະຊາຊົນຊັ້ນຕົ້ນ ແຂວງອຸດົມໄຊ ຕັດສິນປະຫານຊີວິດ ພາຍຫຼັງຖືກຈັບ ໃນຂໍ້ຫາຄ້າຂາຍເຮໂຣອິນ ຈຳນວນ 152 ກິໂລ ແລະຢາໄອສ໌ ອີກ 1,604 ກິໂລ, ສ່ວນຄວາມຈິງ ສປປ ລາວ ບໍ່ມີບົດລົງໂທດ ປະຫານຊີວິດ ແລະ ໂທດສູງສຸດຄືຕິດຄຸກ ຕລອດຊີວິດ.
2023-09-14
ຕໍາຣວດເມືອງສິງ ແຂວງຫລວງນໍ້າທາ ສຶກສາອົບຮົມ ແລະເຮັດບົດບັນທຶກ ໄວລຸ້ນ ອາຍຸ 16 ປີ ທີ່ຫວ່ານເງິນກີບລົງຕາມພື້ນ, ແລະເຮັດໃນລັກສະນະເຊັດຂີ້ມູກ, ເຊັດເຫື່ອ ແລະເອົາຕີນຢຽບ ຊຶ່ງທາງການຖືວ່າເຮັດແນວບໍ່ດີ ເປັນການດູຖູກປະເທດຊາຕ ແລະດ້ອຍຄ່າສະກຸນເງິນກີບ.
2023-09-13
ມີກຸ່ມຄົນໂຄສະນາ ທາງເຟສບຸກຄ໌ ອ້າງວ່າຮັບຈ້າງແລ່ນເອກກະສານ ເອົາສັນຊາຕລາວ ແລະເອກກະສານຣັຖການຕ່າງໆ ໃຫ້ຄົນຕ່າງປະເທດຢູ່ລາວ ແລະສາມາດແລ່ນໃຫ້ໄດ້ ພາຍໃນ 2 ອາທິດ ຫລືຊ້າສຸດບໍ່ເກີນ 2 ເດືອນ.
2023-09-12
ສປປ ລາວ ອອກແຈ້ງການ ສືບຕໍ່ຂຶ້ນທະບຽນ ເລຂໂທຣະສັບ ເພື່ອໃຫ້ທັງຄົນລາວ ແລະ ຄົນຕ່າງປະເທດ ໃຊ້ເລຂໂທຣະສັບລາວ ດໍາເນີນການຂຶ້ນທະບຽນ ເຊິ່ງການຂຶ້ນທະບຽນ ມີເປົ້າໝາຍເພື່ອປ້ອງກັນ ແລະຕິຕາມຜູ້ກະທຳຜິດ ຜ່ານການໃຊ້ໂທຣະສັບ.
2023-09-11
ເຈົ້າໜ້າທີ່ ອົງການກວດສອບແຫ່ງຣັຖ ຂອງລາວ ໄດ້ເດີນທາງໄປປະເທດຈີນ ເພື່ອແລກປ່ຽນຂໍ້ມູນ ແລະ ຝຶກອົບຮົມ ວຽກງານກວດສອບ.
2023-09-08
ປະທານາ ທິບໍດີ ປະເທດອິນໂດເນເຊັຽ ໄດ້ສົ່ງມອບຄ້ອນ ປະທານວຽນ ອາຊ້ຽນໃຫ້ແກ່ ທ່ານ ສອນໄຊ ສີພັນດອນ ນາຍົກຣັຖມົນຕຣີ ລາວ ເພື່ອເປັນເຈົ້າພາບ ຈັດກອງປະຊຸມ ສຸດຍອດຜູ້ນໍາ ອາຊ້ຽນຄັ້ງທີ 44 ໃນປີ 2024 ຂະນະທີ່ ສປປ ລາວຍັງປະເຊີນກັບ ບັນຫາເສຖກິຈ.
2023-09-05
ທາງການລາວ ຕິດຕາມເບິ່ງຜູ້ໃຊ້ສື່ສັງຄົມອ໋ອນລາຍນ໌ ຢ່າງໃກ້ຊິດ ຫາກພົບເຫັນບຸກຄົນໃດກໍຕາມ ມີການເຜີຍແຜ່ຂໍ້ມູນຂ່າວສານອັນເປັນເທັດ ຫຼື ມີການວິພາກວິຈານ ການເຮັດວຽກຂອງຣັຖ ທີ່ອາດສົ່ງຜົລກະທົບ ຕໍ່ຄວາມໝັ້ນຄົງ ຂອງຣັຖ ຫຼືປະເທດ ກໍຈະຖືກຮຽກໂຕມາກ່າວເຕືອນ ຫຼືສັ່ງໃຫ້ປິດສື່ດັ່ງກ່າວທັນທີ ໂດຍສະເພາະ ກຸ່ມຜູ້ໃຊ້ເຟສບຸກຄ໌ ແລະຢູທູບ.
2023-08-30
ສະຖານະການ ການບັງຄັບໃຫ້ຫາຍສາບສູນ ໃນລາວ ຍັງໜ້າເປັນຫ່ວງ ໂດຍສະເພາະ ກໍຣະນີຂອງທ່ານ ສົມບັດ ສົມພອນ ເຊິ່ງຍັງບໍ່ມີຄຳຕອບ ຈາກພາກສ່ວນທີ່ກ່ຽວຂ້ອງ ແລະ ໃນ “ວັນແຫ່ງການລຳຣຶກ ເຖິງຜູ້ຖືກບັງຄັບ ໃຫ້ຫາຍສາບສູນສາກົລ” ນີ້ ຫຼາຍພາກສ່ວນ ບໍ່ມີການຈັດກິຈກັມໃດໆ ໃນການຕໍ່ຕ້ານ ຫຼື ທວງຫາ ຜູ້ຫາຍສາບສູນ ໃນ ສປປ ລາວ.
2023-08-29
ສະຖານທູຕຈີນ ປະຈຳປະເທດລາວ ໄດ້ໃຫ້ທຶນແກ່ນັກສຶກສາລາວ ແລະ ພະນັກງານຣັຖກອນ ໄປຮຽນຢູ່ປະເທດຈີນ ຈຳນວນ 350 ທຶນຕໍ່ປີ ແລະ ໄດ້ມີການລ້ຽງສົ່ງນັກສຶກສາໄປຮຽນຈີນແລ້ວ ເມື່ອວັນທີ 24 ສິງຫາ ທີ່ຜ່ານມາ.
2023-08-23
ແຂວງບໍຣິຄຳໄຊ ປ່ອຍນັກໂທດກ່ອນກຳນົດ ຈຳນວນ 11 ຄົນ ຍ້ອນ ປະພືດດີ ຕາມເງື່ອນໄຂ ຂອງຄ້າຍຄຸມຂັງ-ດັດສ້າງ ສ່ວນປະຊາຊົນບາງສ່ວນເຫັນວ່າ ຄວນຈະມີການອົບຮົມ ຢ່າງດີກ່ອນປ່ອຍອອກສູ່ສັງຄົມ ເພາະອາດເປັນບັນຫາ ໃນພາຍຫຼັງໄດ້.
2023-08-12
ກຸ່ມນັກຊ່ຽວຊານ ດ້ານສິດທິມະນຸສ ຈາກອົງການສະຫະປະຊາຊາຕ ອອກຖແລງການ ຮຽກຮ້ອງໃຫ້ຣັຖບານລາວ ປ່ອຍທ່ານ ລູ໋ ຊີ່ເຫວີຍ ທັນທີ ແລະ ປ້ອງກັນ ຄວາມເປັນໄປໄດ້ ທີ່ຈະມີການສົ່ງໂຕທ່ານ ກັບຄືນປະເທດຈີນ
