ອັງກິດທວງຄວາມເປັນທັມໃຫ້ ທ.ສົມບັດ


2013.12.17
F-Hugo ທ່ານ Hugo Swire ຣັຖມົນຕຣີ ການຕ່າງປະເທດຂອງອັງກິດ
Wikipedia

 

ທ່ານ Hugo Swire ຣັຖມົນຕຣີຫ້ອງການຕ່າງປະເທດອັງກິດໄດ້ສະແດງຄວາມເປັນຫວ່ງໃນວັນຄອບຮອບນຶ່ງປີ ໃນການຫາຍສາບສູນຂອງ ທ່ານ ສົມບັດ ສົມພອນ ທີ່ນະຄອນຫລວງວຽງຈັນ. ທ່ານກ່າວວ່າ ທ່ານມີຄວາມກັງວົນ ຢ່າງຫນັກກ່ຽວກັບການລັກພາຕົວຂອງທ່ານ ສົມບັດ ສົມພອນ ໃນວັນທີ 15 ທັນວາ 2012. ເປັນເວລາວນຶ່ງປີແລ້ວ ຫລັງຈາກທີ່ທ່ານສົມບັດ ຖືກລັກພາຕົວ ຈົນເທົ່າເຖິງທຸກມື້ນີ້ຄອບຄົວຂອງຜູ້ ກ່ຽວກໍຍັງບໍ່ຮູ້ຮ່ອງຮອຍວ່າ ມີຫຍັງເກີດຂື້ນກັບລາວ.

ທ່ານວ່າສີ່ງດັ່ງກ່າວເປັນທີ່ຍອມຮັບບໍ່ໄດ້ ແລະຢາກຮຽກຮ້ອງໃຫ້ທາງການເຈົ້າຫນ້າທີ່ລາວເລັ່ງລັດ ໃນການສືບສວນກ່ຽວກັບການຫາຍສາບສູນ ຢ່າງຈິງຈັງເພື່ອນຳເອົາຜູ້ທໍາຜິດມາລົງໂທດຕາມກົດຫມາຍບ້ານເມືອງ. ຄວາມໂປ່ງໄສ ແລະຄວາມຄືບຫນ້າໃນການສືບສວນ ຈະສົ່ງພາບພົດ ທາງບວກໃຫ້ແກ່ປະຊາຄົມສາກົນທີ່ວ່າລາວຍັງຍຶດຫມັ້ນໃນການ ເປັນປະເທດທີ່ນັບຖືຣະບົບກົດຫມາຍຢູ່. ມັນມີຄວາມສໍາຄັນຢ່າງຍິ່ງທີ່ປະຊາ ຊົນລາວແລະປະຊາຄົມໂລກ ຈະສາມາດໄດ້ຮັບຄວາມໂປ່ງໄສ ຄວາມຍຸຕິທັມ ແລະການປົກຄອງແບບຣະບົບກົດຫມາຍ ຢ່າງແທ້ຈິງໃນລາວ.

ໃນຂນະດຽວກັນ ສະຫະພາບຢູໂຣບ ກໍອອກຖແລງການໃຫ້ລາວອ້າງອີິງຫລັກຖານ ໃນການສືບສວນຫາທ່ານ ສົມບັດ ສົມພອນ ໃນຣະຍະທີ່ ຜ່ານມາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.