ຜູ້ຣາຍງານພິເສດ ສະຫະ ປະຊາຊາດ ໄປລາວ

ໄຊຍາ
2019-03-18
ອີແມວລ໌
ຄໍາເຫັນ
Share
ພິມ
ນະຄອນຫຼວງວຽງຈັນ
ນະຄອນຫຼວງວຽງຈັນ
RFA/SN

ທ່ານ Philip Alston ຜູ້ຣາຍງານພິເສດ ສະຫະປະຊາຊາດ ດ້ານຄວາມທຸກຍາກ ແລະສິດທິມະນຸດ ໄດ້ຢ້ຽມຢາມ ລາວ ແຕ່ວັນທີ 18 ຫາ 28 ມິນາ ປີນີ້ ເຊິ່ງເປັນການຢ້ຽມຢາມ ເພື່ອຄົ້ນຫາຄວາມຈິງ ກ່ຽວກັບ ບັນຫາສິດທິມະນຸດ ແລະ ຄວາມພຍາຍາມ ຂອງຣັຖບານລາວ ໃນ ການລຶບລ້າງ ຄວາມທຸກຍາກ ຕາມຖແລງຂ່າວ ຈາກ ນະຄອນ Geneva.

ໃນຕອນນຶ່ງ ທ່ານ Philip Alston ເວົ້າວ່າ ສປປ ລາວ ໄດ້ມີບາດກ້າວໜ້າ ປະທັບໃຈໃນການຫລຸດຜ່ອນ ຄວາມທຸກຍາກເຖິງແມ່ນວ່າ ເກືອບ 1 ສ່ວນ 4 ຂອງ ພົລເມືອງຍັງມີຊີວິດການເປັນຢູ່ ລຸ່ມຂີດຄວາມທຸກຍາກ.

ທ່ານເວົ້າຕື່ມວ່າ ທ່ານຢາກເຂົ້າໃຈວ່າ ໃນຂນະທີ່ ເສຖກິດຂອງລາວ ເຕີບໂຕຢ່າງແຂງແຮງ ມາຫລາຍປີແລ້ວ ແລະ ມີຄວາມກ້າວໜ້າ ໃນ ການຫລຸດຜ່ອນ ຄວາມທຸກຍາກນັ້ນ ເປັນຫຍັງພົລເມືອງລາວ ຈຳນວນຫຼາຍ ຍັງບໍ່ໄດ້ຮຽນໜັງສື, ບໍ່ມີນໍ້າສະອາດໃຊ້ ແລະ ບໍ່ໄດ້ຮັບການ ປີ່ນປົວ ສຸຂພາບເທົ່າທີ່ຄວນ.

ທ່ານ Philip Alston ໄດ້ແຈ້ງໃຫ້ຣັຖບານລາວ ຊາບວ່າ ທ່ານ ມີຈຸດປະສົງ ທີ່ຈະເດີນທາງໄປ ແຂວງວຽງຈັນ, ຈຳປາສັກ, ອັດຕະປື, ຊຽງຂວາງ ແລະ ຫົວພັນ. ທ່ານໄດ້ພົບພໍ້ກັບ ເຈົ້າໜ້າທີ່ຣັຖບານ, ຜູ້ທີ່ຖືກຜົລກະທົບ ຈາກຄວາມທຸກຍາກ ຜູ້ຕາງໜ້າ ອົງການຈັດຕັ້ງພາກ ປະຊາສັງຄົມ, ນັກການທູດ, ອົງການຈັດຕັ້ງສາກົລ ແລະ ເຈົ້າໜ້າທີ່ດ້ານການພັທນານຳດ້ວຍ.

ທ່ານ ໄດ້ເວົ້າໃນຣະວ່າງໃຫ້ ສັມພາດຕໍ່ RFA ເມື່ອ 16 ມິນາ ຜ່ານມາ ທີ່ບາງກອກປະເທດໄທ ວ່າ:

"We can only cover a certain number of provinces and we had to identify places where there are issues relating to poverty which seem to shade some lights on sort of the concerns that we have. ພວກເຮົາສາມາດ ໄປແຂວງໃດນຶ່ງເທົ່ານັ້ນ ແລະ ພວກເຮົາໄດ້ກຳນົດໄວ້ແລ້ວ ຈະເລັ່ງໃສ່ບັນຫາ ທີ່ກ່ຽວຂ້ອງກັບ ຄວາມທຸກຍາກ ເຊິ່ງເປັນບັນຫາທີ່ພວກເຮົາ ເປັນຫ່ວງ."

ເມື່ອຖາມເຖິງ ແຂວງເຊກອງ ທີ່ເປັນແຂວງນຶ່ງທີ່ທຸກຍາກ ແລະ ມີບັນຫາດ້ານສິດທິມະນຸດ ຢູ່ທາງພາກໃຕ້ຂອງລາວ ທີ່ທ່ານຈະບໍ່ໄດ້ໄປນັ້ນ ທ່ານກ່າວວ່າ:

"It is really a question of time it is not a matter of not going as we know a number of issue in Sekong. But Laos is large country geographically an it is not to get around. ບັນຫາກໍ່ແມ່ນເຣື່ອງເວລາ ບໍ່ແມ່ນເຣື່ອງໄປ ບໍ່ໄປ ຄືດັ່ງທີ່ ທ່ານຮູ້ວ່າ ຢູ່ເຊກອງ ມີຫລາຍບັນຫາ ແຕ່ວ່າລາວ ເປັນປະເທດ ທີ່ກ້ວາງທາງພຸມີປະເທດ ແລະ ກໍ່ບໍ່ເປັນເຣື່ອງງ່າຍ ທີ່ຈະເດີນທາງຈາກ ບ່ອນນຶ່ງ ໄປອີກບ່ອນນຶ່ງ."

ຖແລງຂ່າວຈາກນະຄອນ Geneva ເວົ້າອີກວ່າ ທ່ານ Alston ຈະໄປເບິ່ງຜົລປະໂຫຍດ ຈາກການເຕີບໂຕທາງເສຖກິດ ແລະການລົງທຶນ ຂອງ ຕ່າງປະເທດ ແລະ ມັນສົ່ງຜົລແນວໃດ ຕໍ່ສະພາບຂອງປະຊາຊົນຜູ້ທຸກຍາກ. ພ້ອມດຽວກັນນັ້ນ ທ່ານກໍ່ມີແຜນ ທີ່ຈະໄປເບິ່ງເຖິງເຣື່ອງ ການສນັບສນູນ ທາງສັງຄົມ, ການສຶກສາ ແລະສຸຂພາບ, ສະພາບຂອງເດັກນ້ອຍ, ແມ່ຍິງ, ຊົນເຜົ່າ ແລະ ຜູ້ຄົນທີ່ອາສັຍ ຢູ່ເຂດຊົນນະບົດ, ໄປເບິ່ງຜົລກະທົບ ໃນການໃຊ້ດິນ, ບັນຫາສິ່ງແວດລ້ອມ ແລະ ການປ່ຽນແປງ ດິນຟ້າ ອາກາດ. ໄປຮູ້ເຖິງບົດບາດ ຂອງໂຄງຮ່າງພື້ນຖານ ແລະ ໂຄງການພັທນາ ແລະ ການລົງທຶນ ທີ່ກ່ຽວຂ້ອງກັບຄວາມທຸກຍາກ ແລະ ໃຫ້ຮູ້ວ່າ ປະຊາຊົນທີ່ຢູ່ ໃນສະພາບຂອງ ຄວາມທຸກຍາກ ນັ້ນສາມາດໃຊ້ສິດພົລເຮືອນ ແລະ ການເມືອງ ຂອງພວກເຂົາ ເຈົ້າໄດ້ສໍ່າໃດ.

ທ່ານ Philip Alston ຈະແລກປ່ຽນຂໍ້ສັງເກດເບື້ອງຕົ້ນ ແລະ ຄຳແນະນຳ ຂອງທ່ານຢູ່ກອງປະຊຸມຂ່າວ ທີ່ຈະຈັດຂຶ້ນມື້ສຸດທ້າຍ ຂອງການ ຢ້ຽມຢາມລາວ ໃນວັນທີ 28 ມີນາ ເວລາ 11 ໂມງເຊົ້າຢູ່ຫ້ອງການ ສະຫະປະຊາຊາດ.

ຄໍາເຫັນ (4)
Share

(

The barking Lao losers won't understand nor recognize so what ever the Lao government had done for the Lao people!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 29, 2019 04:13 AM

(

Dear UN, the Lao leaders won't understand what you want to tell them. All they want is lots $$$$ . The Lao people can be exploited until they die five times over. That cannot move the Lao commie part-state.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:20 AM

(

ການທີ່ວ່າຜູ້ລາຍງານພິເສດ ຂອງສະຫະປະຊາຊາດໄປລາວນັ້ນ ມັນມີຢູ່ຈຸດນິ່ງທີ່ສໍາຄັນ ແລະຕ້ອງເຮັດໄຫ້( Phillip) ຕ້ອງໄປລາວ, ແລະຂອ້ຍຈະຂໍອະທິບາຍຈຸດນຶ່ງ ທີ່ບໍ່ສໍາຄັນປານໄດໄຫ້ຟັງ, ທຸກມື້ນີ້ລັດທະບານພະເດັດການນັ້ນ ເຂົາຈະສກັດກັ້ນ ແລະປາບປາມຊື່ມວນຊົນ ຫຼື(social media)ບໍ່ໄດ້ອີກແລ້ວ ເພາະມັນໄປໄກແລ້ວກາຍດວງຈັນ ຈົນໄປເຖີງດາວອັງຄານແລ້ວ ຕໍ່ໄປນີ້ເມກາເຂົາກໍຈະໄປຮອດດາວພຸດ ດາວພະຫັດແລ້ວ ຄິດເອົາເອັງ, ຜູ້ນໍາລາວປະຈຸບັນ ກໍຄືພະເດັດການນັ້ນເອັງ ຫຼືຜູກຂາດອໍານາດພັກດຽວ ໄດ້ປະກາດຫຼືວ່າສເໜີຕໍ່ກັບທົ່ວໂລກວ່າ ທຸກຢ່າງສປປລາວ ໄດ້ບຸກທະລຸເປົ້າໝາຍອັນສໍາຄັນໆໄດ້ເກືອບໝົດແລ້ວວ່າຊັ້ນ, ອັນນີ້ຂໍຕອບຄືແນວນີ້ ວ່າຜູ້ປະກາດ ແລະຜູ້ລວບລວມຂ່າວປະກາດ ເພິ່ນບໍ່ໄດ້ສເດັດ ລົງໄປເບິ່ງ ສະພາບໂຕຈິງ ແຕ່ຜູ້ເຂົາເອົາລົງ (social media)ເອົາຢູ່ກັບສະພາບໂຕຈິງເລີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:20 AM

(

ເປັນຫັຽງ ສຫປຊ ຈຶ່ງໄປລາວແລະເພື່ອຫັຽງຄໍາຕອບກໍມີຢູ່ວ່າ ເພື່ອກວດສອບສະພາບຕົວຈິງຂອງພວກຜູ້ນໍາລາວນັ້ນເອັງ ເພາະທຸກໆກໍລະນີທີ່ເພີ່ນສະເນີຕໍ່ ສຫປຊ ນັ້ນມັນເປັນການເຊກສັນປັ້ນແຕ່ງຂື້ນມາ ຫລອກຕາຊາວໂລກ ໂດຍລວມແລະບໍ່ໄດ້ ພັດທະນາປະເທດຊາດ ໄຫ້ພົ້ນຈາກຄວາມທຸກຍາກແຕ່ຢ່າງໄດ, ນີ້ຄືຄວາມຈິງແລະຄວາມຈິງມັນກໍບົ່ງບອກທຸກຢ່າງ ທີ່ປະຊາຊົນລາວໄດ້ເກບກໍາຂໍ້ມູນມາລົງໃນ ຊື່ສັງຄົມນັ້ນເອັງແລະເປັນຄວາມຈິງ100/100ພວກເຂົາບໍ່ໄດ້ແຕ່ງຂື້ນມາ ແລະບໍ່ໄດ້ບິດເບືອນ ຂ່າວສານໄດໆ ຄືດັ່ງພວກຜູ້ນໍາເວົ້າວ່າຂ່າວໃນຊື່ສັງຄົມນັ້ນ ເປັນຂ່າວທີ່ບໍ່ຖືກຕ້ອງແລະບິດເບືອນຄວາມຈິງວ່າຊັ້ນ, ຖ້າເປັນຄືແນວນັ້ນພວກການນໍາທັງຫຼາຍ ມີສິ່ງທີ່ມາອ້າງອິງບໍ່ວ່າມັນບໍ່ມີຄວາມຈິງທ່ານ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:14 AM

ເຕັມຫນ້າ