ອົງການສາກົນທັກທ້ວງ ຣັຖບານລາວ


2013-10-07
Share
F-Don-sahong ແມ່ນໍ້າຂອງ ເຂດສີ່ພັນດອນ ພາກໃຕ້ຂອງລາວ ເຂດທີ່ຈະສ້າງເຂື່ອນ ດອນສະຫົງໃສ່
RFA

 

ກອງທຶນສັດປ່າສາກົນ ເປັນອົງການອະນຸຮັກສັດປ່າໃນໂລກ ໄດ້ຮຽກຮ້ອງການປະຊຸມສຸກເສີນ ກັບຄນະກັມມາທິການ ແມ່ນໍ້າຂອງ ຫລັງຈາກ ທີ່ຣັຖບານລາວຕັດສິນໃຈເດີນຫນ້າ ໃນການສ້າງເຂື່ອນແມ່ນໍ້າຂອງແຫ່ງທີສອງ ໃນເຂດພາກໃຕ້ຂອງລາວ.

ກຸ່ມດັ່ງກ່າວເປັນຫ່ວງຢ້ານວ່າການກະທໍາຂອງຣັຖບານລາວຈະເປັນການທໍາລາຍ ສມັດຕະພາບຂອງຄນະກັມມະການ ແມ່ນໍ້າຂອງໃນການປົກ ປ້ອງນໍ້າຂອງ ແລະຊິວະນານາພັນໃນແມ່ນໍ້າຮ່ວມດ້ວຍຄວາມສໍາພັນໃນຂົງເຂດເຂື່ອນ ດອນສະຫົງຈະສົ່ງຜົລກະທົບຕໍ່ປະເທດລຸ່ມແມ່ນໍ້າຂອງ ເຊັ່ນ ກຳພູຸຊາແລະວຽດນາມ ຊື່ງເປັນບ່ອນທີ່ ປະຊາຊົນຫລາຍລ້ານຄົນມີອາຊີພເປັນຊາວປະໂມງ ແລະປູກເຂົ້າໃນສ່ວນລຸ່ມຂອງແມ່ນໍ້າຂອງ.

ທ່ານ Jim Leapes ຜູ້ຈັດການທົ່ວໄປຂອງອົງການກອງທຶນສັດປ່າສາກົນປະຈໍາຂົງເຂດກ່າວ ໃນຖແລງການຂອງມື້ວານນີ້ວ່າ ຣັຖບານລາວ ຕັດສີນໃຈເດີນຫນ້າໃນການສ້າງເຂື່ອນໃສ່ແມ່ນໍ້າຂອງຢູ່ເຂດສີພັນດອນໂດຍຂ້າມຂັ້ນຕອນ ການປືກສາຫາລືກັບຂົງເຂດສ້າງຄວາມເຊື່ອມເສັຽ ໃຫ້ແກ່ສມັດຕະພາບ ຂອງຄນະກັມມະທິການແມ່ນໍ້າຂອງໃນການບໍຣິຫານຈັດການແມ່ນໍ້າສາຍນີ້.

ທ່ານວ່າຄນະກັມມາທິການແມ່ນໍ້າຂອງຫລົ້ມແຫລວໃນການປະຕິບັດຫນ້າທີ່ໃນເດືອນພຶສຈິກາຜ່ານມາ ໃນເມື່ອຣັຖບານລາວປະກາດເດີນຫນ້າ ໃນການສ້າງເຂື່ອນໄຊຍະບູຣີ ໂດຍບໍ່ຄໍານຶງເຖິງຄວາມເປັນຫ່ວງ ຂອງປະເທດເພື່ອນບ້ານ ຄືໄທ ກຳພູຊາ ແລະ ວຽດນາມ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ