ເຣື້ອງທີ່ເກັບບັນທຶກໄວ້
2023-02-28
ບໍຣິສັດ ເອເນີ້ຣ໌ຈີ ດີວີລອບເມັ້ນທ໌ ລາວ ຈຳກັດ ຕຣຽມກໍ່ສ້າງ ໂຮງງານກັ່ນນ້ຳມັນ ແຫ່ງທີ່ 3 ມີເນື້ອທີ່ 23 ເຮັກຕ້າຣ໌ ປະກອບມີ ໂຮງງານ, ສາງນ້ຳມັນ ແລະ ກິຈການອື່ນໆ ມູນຄ່າການກໍ່ສ້າງ 100 ລ້ານໂດລາຣ໌ສະຫະຣັຖ ໂດຍຈະເຣີ່ມລົງມື ກໍ່ສ້າງໃນໄວໆນີ້ ແລະຄາດວ່າຈະ ສຳເຣັດພາຍໃນ 15 ເດືອນ.
2023-02-28
ມີການເຂົ້າໄປບຸກລຸກຕັດໄມ້ ຢູ່ເຂດປ່າສງວນເຊປຽນ-ເຊນ້ຳນ້ອຍ ເມືອງສນາມໄຊ ແຂວງອັດຕະປື ເພື່ອເຮັດໂຄງການກະສິກັມ.
2023-02-28
ຜູ້ປະກອບການ ຮ້ານຂາຍຢາບາງແຫ່ງ ໃນນະຄອນຫຼວງວຽງຈັນ ໄດ້ປັບລາຄາຢາ ບາງຊະນິດແພງຂຶ້ນ ໂດຍສະເພາະ ກຸ່ມຢາແກ້ຫວັດ, ແກ້ຫຼຸດອາການໄຂ້, ແກ້ປວດ, ຢາຂ້າເຊື້ອແບັກທີເຣັຍ ແລະອື່ນໆທີ່ນໍາເຂົ້າມາຈາກຕ່າງປະເທດ ເພາະອີງຕາມເຣດ ຂອງເງິນທີ່ສັ່ງຊື້.
2023-02-28
ເຣີ່ມການກໍ່ສ້າງໂຮງງານ ພະລັງງານຄວາມຮ້ອນ ຖ່ານຫິນນໍ້າພານ ຢູ່ເຂດບ້ານນໍ້າພານ ເມືອງຄູນ ແຂວງຊຽງຂວາງ ເຊິ່ງຈະກວມເນື້ອທີ່ຂຸດຄົ້ນຖ່ານຫິນ ຢູ່ເຂດບ້ານນໍ້າພານ ເມືອງຄູນ ແລະ ບ້ານຄັງພະນຽນ ເມືອງໜອງແຮດ, ປັດຈຸບັນ ຍັງບໍ່ຮູ້ວ່າມີຊາວບ້ານ ຈັກຄອບຄົວ ທີ່ຈະໄດ້ຮັບຜົລກະທົບ ແລະສູນເສັຍທີ່ດິນຈັກເຮັກຕ້າຣ໌.
2023-02-28
ນັບແຕ່ປີ 2018 ເປັນຕົ້ນມາ ກະຊວງແຮງງານ ແລະ ສວັດດີການສັງຄົມ ແລະ ພາກສ່ວນທີ່ກ່ຽວຂ້ອງໄດ້ດຳເນີນການ ຈັດສົ່ງຄົນງານລາວໄປເຮັດວຽກໄລຍະຍາວ 3-5 ປີ ຕາມລະບຽບການຈ້າງງານຕ່າງຊາຕ ຢູ່ ເກົາຫລີໃຕ້ ເປັນຈຳນວນ 1,119 ຄົນ, ໃນນີ້ເປັນເພດຍິງພຽງ 79 ຄົນ ຫລື ບໍ່ຮອດ 8%.
2023-02-27
LPN ຈັດງານສາຍຮູບເງົາສາຣະຄະດີ ເຣື່ອງ Ghost Fleet ແລະ ງານເສວະນາ ແລກປ່ຽນ ບົດຮຽນການແກ້ໄຂບັນຫາ ຄົນງານປະມົງທີ່ຖືກບັງຄັບ ເຮັດວຽກ ຢູ່ອິນໂດເນເຊັຽ ເຊິ່ງມີຄົນລາວຕົກຄ້າງ ຢູ່ເປັນຈຳນວນຫຼາຍ.
2023-02-27
ໄດ້ເກີດເຫດໄຟໄຫມ້ ສນາມຂີ້ເຫຍື້ອ ຢູ່ເຂດບ້ານຫລັກ 8 ນະຄອນຫຼວງພຣະບາງ ມາຕັ້ງແຕ່ວັນທີ 13 ກຸມພາ 2023 ຈົນມາຮອດປັດຈຸບັນ ຍັງບໍ່ສາມາດມອດໄຟ ໃຫ້ດັບສະນິດໄດ້, ຍັງມີຄວັນໄຟ ແລະຍັງມີກິ່ນເຫມັນຂີວ ເຮັດໃຫ້ປະຊາຊົນ ໃນເຂດບ້ານໃກ້ຄຽງ ໄດ້ຮັບຜົນກະທົບ ຈາກມົນລະພິດທາງອາກາດ.
2023-02-27
ນັກທ່ອງທ່ຽວຈີນ ທີ່ຂີ່ຣົຖເຮືອນເຄື່ອນທີ່ ເຂົ້າມາທ່ອງທ່ຽວ ພາຍໃນ ນະຄອນຫຼວງພຣະບາງ ໄດ້ສ້າງບັນຫາ ດ້ວຍການປ່ອຍນ້ໍາເສັຍ ແລະ ຖິ້ມຂີ້ເຫຍື້ອຊະຊາຍ ຕາມສະຖານທີ່ຕ່າງໆ ແລະຈອດຣົຖ ບໍ່ເປັນລະບຽບ ສ້າງຄວາມເດືອດຮ້ອນ.
2023-02-27
ໃນວັນທີ 24 ກຸມພາ 2023 ທີ່ຜ່ານມານັ້ນ ເປັນມື້ຄົບຮອບ 1 ປີ ທີ່ຣັສເຊັຽ ໂຈມຕີຢູເຄຣນ ຫລື ສົງຄາມ ຣັສເຊັຽ-ຢູເຄຣນ ເຊິ່ງມາຮອດປັດຈຸບັນ ສະຖານະການຄວາມຂັດແຍ່ງ ລະຫວ່າງ 2 ປະເທດ ຍັງຄົງທະວີຄວາມຮຸນແຮງຂຶ້ນ ແລະບໍ່ຮູ້ວ່າຈະສິ້ນສຸດເມື່ອໃດ ຂະນະທີ່ທາງການລາວ ງົດອອກສຽງ ໃນກອງປະຊຸມ ສະຫະປະຊາຊາຕ ເພື່ອຮຽກຮ້ອງ ໃຫ້ຣັສເຊັຽ ຖອນທະຫານອອກໄປ.
2023-02-27
ຂ່າວເສົ້າເສັຽໃຈທີ່ສຸດ ຂອງວົງການບັນເທີງລາວ ໃນການຈາກໄປ ຢ່າງບໍ່ມີວັນກັບ ຂອງສິລປິນແຫ່ງຊາຕ ນັກປະພັນເອກ/ນັກຮ້ອງ ຂອງລາວ, ທ່ານບໍຣົມມາຈາຣຍ໌ ສ. ແສງສິຣິວັນ ຫລື ຈັນສົມ ແສງສິຣິວັນ.
2023-02-26
ຖ້າໃຜມີ ເສັ້ນສາຍ ພຽງແຕ່ ໄປສອບເສັງ ຕາມລະບຽບ ກໍໄດ້ເຂົ້າເປັນ ພະນັກງານຣັຖແລ້ວ ເຖິງແມ່ນວ່າ ຫລາຍຄົນ ຈະທຸ້ມເທ ໂດຍເຣີ່ມຈາກ ອາສາສມັກ ແຕ່ສຸດທ້າຍ ກໍບໍ່ໄດ້ຖືກບັນຈຸ.
2023-02-26
ຫຼາຍຊົນເຜົ່າ ທີ່ທຸກຍາກ ພາກັນລັກລອບ ປູກຝິ່ນ ຫຼາຍເຮັກຕ້າຣ໌ ໃນທົ່ວແຂວງຜົ້ງສາລີ, ພາກສ່ວນ ທີ່ກ່ຽວຂ້ອງ ເຣີ່ມກວດສອບ ຄະດີສວນພູຄຳ, ເຈົ້າໜ້າທີ່ ຮູ້ວ່າ ມີຄົນລາວຖືກຂາຍໄປກາສິໂນ ປະເທດພະມ້າ ແຕ່ເຮັດຫຍັງບໍ່ໄດ້, ເສຖກິຈ ມະຫາພາກ ຂອງປະເທດລາວ ປະຈໍາປີ 2022 ຍັງບໍ່ຟື້ນໂຕ ແລະ ຂ່າວອື່ນໆ.
2023-02-25
ກັມພູຊາ ແລະຈີນ ໄດ້ລົງນາມເພີ່ມຄວາມສຳພັນກັນ ຫລາຍສະບັບ ໃນຊ່ວງການໄປຢ້ຽມຢາມຈີນ ຂອງ ທ່ານ ຮຸນເຊນ ນາຍົກຣັຖມົນຕຣີ ກັມພູຊາ ວ່າງຫລັງໆມານີ້ ຊຶ່ງເປັນການຂຍາຍອິດທິພົລ ຂອງຈີນ ມາໃນຂົງເຂດ ເພື່ອກັຕ້ານສະຫະຣັຖ.
2023-02-24
ເກີດເຫດ ລູກປືນຄົກ ຂະນາດ 60 ມມ ແຕກໃສ່ທະຫານລາວ ໃນຂະນະທີ່ ຊ້ອມຍິງລູກປືນແທ້ ປະຈໍາປີ ຢູ່ສນາມກອງຮ້ອຍ 101 ເຂດບ້ານກະປື ເມືອງທ່າແຕງ ແຂວງເຊກອງ ເຮັດໃຫ້ມີນາຍ ແລະພົນທະຫານ ເສັຽຊີວິດຄາທີ່ 2 ຄົນ ແລະ ໄດ້ຮັບເຈັບ 4 ຄົນ.
2023-02-24
ຊາວບ້ານ ບ້ານທາດອີງຮັງ ຢູ່ນະຄອນໄກສອນພົມວິຫານ ຖືກເຈົ້າໜ້າທີ່ໂອ້ລົມ ເພື່ອຈະນໍາດິນການກະເສດ ເຂດປ່າສງວນແຫ່ງນຶ່ງ ໃຫ້ກັບບໍຣິສັດເອກກະຊົນ ສັມປະທານ ເຊິ່ງມີຊາວບ້ານ ໄດ້ຮັບຜົລກະທົບ 33 ຄອບຄົວ ແລະ ທຸກຄອບຄົວບໍ່ຍອມ ຍົກດິນກະເສດ ໃຫ້ແກ່ໂຄງການດັ່ງກ່າວ.
