ເຣື້ອງທີ່ເກັບບັນທຶກໄວ້
2023-05-26
ບັນຫາຄຣູອາສາສມັກ ໃນເຂດຊົນນະບົດລາອອກ ແລະ ບັນຫາ ປະລະການຮຽນ ຂອງນັກຮຽນໃນເຂດຊົນນະບົດ ເພີ່ມຂຶ້ນ ໃນທົ່ວປະເທດ ໂດຍສະເພາະ ເມື່ອທາງຣັຖບານ ລົດໂຄຕ້າ ຣັຖກອນຄຣູລົງ ກໍຍິ່ງເຮັດໃຫ້ເພີ່ມບັນຫາ ການຂາດຄຣູສອນ ໃນເຂດຫ່າງໄກ.
2023-05-25
ນັກຮຽນ ແລະ ພໍ່ແມ່ຜູ້ປົກຄອງ ຈຳນວນຫລາຍ ຖືກກຸ່ມຄົນບໍ່ດີ ຕົວະໃຫ້ເສັຽເງິນ ຍ້ອນຫລົງເຊື່ອຄຳໂຄສະນາ ທາງອອນລາຍນ໌ ທີ່ວ່າ ຈະຊ່ວຍຫາທຶນ ການສຶກສາໄປຮຽນ ຕໍ່ຢູ່ຈີນ ແລະ ວຽດນາມ.
2023-05-22
ແມ່ຍິງລາວ ຍັງມີຄວາມເທົ່າທຽມທາງເພດຕໍ່າ ໃນການເຮັດທຸຣະກິຈ, ໃນການເປັນເຈົ້າໜ້າທີ່ ຂັ້ນສູງ ແລະໃນການຕັດສິນໃຈ ໃນຊີວິດປະຈໍາວັນ ລວມໄປເຖິງ ແມ່ຍິງລາວ ໃນເຂດຊົນນະບົດ ຍັງບໍ່ມີສິດສຽງໃນທຸຣະກິຈ ບໍ່ວ່າຈະເປັນທຸຣະກິຈ ຂນາດນ້ອຍ ຫຼື ຂນາດໃຫຍ່ກໍຕາມ ຜູ້ຍິງຈະໃຫ້ສິດແກ່ຜູ້ຊາຍໝົດ.
2023-05-17
ງົບປະມານ ຂອງໂຄງການອາຫານທ່ຽງ ທີ່ຣັຖບານຮັບຄືນມາຈາກ ອົງການອາຫານໂລກ ຢູ່ 3 ແຂວງພາກເໜືອ ເຊິ່ງມີງົບປະມານ ບໍ່ພຽງພໍ ເຮັດໃຫ້ ພໍ່ແມ່ຜູ້ປົກຄອງ ແລະ ຊຸມຊົນ ຕ້ອງໄດ້ຈ່າຍຄ່າອາຫານຊ່ວຍໂຮງຮຽນ ຫຼື ເອົາເຂົ້າໄປກິນເອງ.
2023-05-10
ສະພາບເສຖກິຈ ທີ່ເປັນຢູ່ໃນປັດຈຸບັນ ສ້າງຜົລກະທົບ ກັບການຮຽນ ຂອງນັກຮຽນ ຈຳນວນຫຼາຍ ໂດຍສະເພາະ ເດັກນ້ອຍອາຍຸ ລະຫວ່າງ 13-14 ປີ ທີ່ຢູ່ເຂດຊົນນະບົດ ໄດ້ປະລະການຮຽນ ຫຼາຍຂຶ້ນ ຍ້ອນຄອບຄົວທຸກຍາກ ແລະ ອີກຈໍານວນນຶ່ງ ໄປຊອກວຽກເຮັດຢູ່ໄທຍ ສ່ວນພາກຣັຖ ຍັງບໍ່ມີແນວທາງ ແກ້ໄຂບັນຫານີ້ເທື່ອ.
2023-04-27
ປີ 2023 ນີ້, ຈະມີການຮັບຣັຖກອນຄຣູ ພຽງແຕ່ 285 ຄົນ ຫຼືໜ້ອຍກວ່າປີກາຍ, ແຕ່ໃນເມືອງ ຂອງຫຼາຍແຂວງ ພັດມີຄວາມຕ້ອງການຄຣູຫຼາຍກວ່ານັ້ນ ແລະ ຍິ່ງຈະປະສົບບັນຫາຂາດແຄນຄຣູ ຖ້າຫາກຄຣູ ທີ່ມີຢູ່ ຕ້ອງອອກບຳນານໄປ.
2023-04-17
ເດັກນ້ອຍເສັຽຊີວິດ 1 ຄົນ ແລະ ບາດເຈັບອີກ 7 ຄົນ ບໍຣິເວນຫຼິ້ນປາຕີ້ໂຟມ ເນື່ອງໃນໂອາກາດງານຄອນເສີດ ປີໃໝ່ລາວ ຢູ່ສູນການຄ້າ ສວັນໄອເຕັກ ໃນນະຄອນໄກສອນພົມວິຫານ ແຂວງສວັນນະເຂດ ໂດຍເຫດການໄຟຟ້້າດູດ (ໄຟຟ້າຊ໊ອດ).
2023-04-04
ເກີດການວິພາກ ວິຈານ ໃນສື່ສັງຄົມອອນລາຍນ໌ ເຖິງກໍຣະນີ ຄຣູໂຮງຮຽນ ມສ ວຽງຈັນ ລົງໂທດ ນັກຮຽນ ດ້ວຍການບິດຫູ ຂະນະທີ່ພາກສ່ວນທີ່ກ່ຽວຂ້ອງ ໄດ້ແກ້ໄຂບັນຫາ ລະຫວ່າງ ຄຣູ, ນັກຮຽນ ແລະຜູ້ປົກຄອງ ຄູ່ກໍຣະນີ ທີ່ຖືກເຜີຍແຜ່ ລົງໃນເຟສບຸກຄ໌ແລ້ວ.
2023-03-29
ຍີ່ປຸ່ນຊ່ວຍເຫຼືອ ສປປ ລາວ ເພື່ອຝຶກອົບຮົມຄຣູ ໃຫ້ຮູ້ວິທີສອນ ເດັກນັກຮຽນຊົນເຜົ່າ ໃນການ ເວົ້າ, ອ່ານ ແລະຂຽນພາສາລາວ ໄດ້ດີຂຶ້ນ ເຊິ່ງທີ່ຜ່ານມາ ຣັຖບານ ຍີ່ປຸ່ນໄດ້ຊ່ວຍເຫຼືອລາວມາຢ່າງຕໍ່ເນື່ອງ ໃນຫຼາຍດ້ານ ເຊັ່ນດ້ານອາຫານ, ການສຶກສາ ແລະ ສາທາຣະນະສຸຂ.
2023-03-23
ນັກຮຽນປະຖົມ ແລະ ມັທຍົມ ຢູ່ເມືອງໄຊພູທອງ ແຂວງສວັນນະເຂດ ປະລະການຮຽນ ຫລາຍແບບບໍ່ເຄີຍມີມາກ່ອນ ໃນສົກຮຽນປີນີ້ ຖືວ່າຫລາຍກວ່າ 90 ຄົນ ຊຶ່ງສົກຮຽນປີກາຍ ມີພຽງ 30 ປາຍຄົນເທົ່ານັ້ນ, ພາກສ່ວນທີ່ກ່ຽວຂ້ອງ ໄດ້ພຽງແຕ່ ສຶກສາອົບຮົມ ພໍ່ແມ່ຜູ້ປົກຄອງ ໃຫ້ເອົາລູກຫຼານ ເຂົ້າໄປຮຽນຕໍ່.
2023-03-22
ອົງການສາກົລ ປະຈຳປະເທດລາວ ຮ່ວມກັບຣັຖບານລາວ ວາງມາຕການ ປັບປຸງຊີວິດ ຄວາມເປັນຢູ່ ຂອງຄົນງານ ແມ່ຍິງລາວ ທີ່ເດີນທາງໄປເຮັດວຽກ ຢູ່ຕ່າງປະເທດ ພາຍຫລັງພົບສິ່ງທ້າທາຍ ແລະ ຄວາມສ່ຽງຫຼາຍດ້ານ.
2023-03-19
ເຈົ້າຂອງຮ້ານ ມັດເດັກນ້ອຍ ຕິດກັບຣົຖຈັກ ຖືກຕຳຣວດ ປກສ ແຂວງໄຊສົມບູນ ສອບສວນແລ້ວ, ໃນຂະນະທີ່ ເດັກນ້ອຍ ໄດ້ຮັບການຊ່ອຍເຫລືອ ຈາກສັງຄົມ ເປັນຈຳນວນ ຫລວງຫລາຍ.
2023-03-14
ຣັຖບານຍີ່ປຸ່ນ ມອບເງິນຊ່ອຍເຫລືອ ເພື່ອກໍ່ສ້າງຫ້ອງນໍ້າ ແລະບ່ອນລ້າງມື ໃຫ້ໂຮງຮຽນຢູ່ນະຄອນຫລວງພຣະບາງ ແລະ ເມືອງໂພນໄຊ ແຂວງຫລວງພຣະບາງ ມູນຄ່າ 190,000 ໂດລ້າຣ໌ສະຫະຣັຖ ຂະນະທີ່ໂຮງຮຽນຫຼາຍແຫ່ງ ໂດຍສະເພາະເຂດຊົນນະບົດ ເດັກນ້ອຍຍັງຖ່າຍຊະຊາຍ.
2023-03-08
ທາງການລາວ ໄດ້ຈັດສະຫລອງ ວັນແມ່ຍິງສາກົນ ຄົບຮອບ 113 ປີ ຄືກັບທຸກປີທີ່ຜ່ານມາ ກິຈກັມການສລອງ ສ່ວນໃຫຍ່ແມ່ນປະຖະກະຖາ ຄວາມເປັນມາ ຂອງວັນແມ່ຍິງສາກົນ ແລະ ການສລອງມ່ວນຊື່ນທົ່ວໄປ ສ່ວນແມ່ຍິງລາວ ຫຼາຍຄົນເຫັນວ່າ ຄວາມສເມີພາບ ລະຫວ່າງຊາຍ-ຍິງ ດີຂຶ້ນກວ່າອະດີດ.
2023-03-07
ຄລິບວີດີໂອ ຖືກເຜີຍແຜ່ ຜ່ານສື່ສັງຄົມອ໋ອນລາຍນ໌ ທີ່ເຫດການເດັກນ້ອຍ ຊົນເຜົ່າມົ້ງອາຍຸ 9 ປີ ຮຽນຢູ່ຊັ້ນ ປ.2 ໂຮງຮຽນປະຖົມ ພູຫົວຊ້າງ ເມືອງອະນຸວົງ ແຂວງໄຊສົມບູນ ຖືກເຈົ້າຂອງຮ້ານ ລົງໂທດ ດ້ວຍການມັດຕິດໃສ່ຣົຖຈັກ ປະຈານຢູ່ໜ້າຮ້ານ ຫຼັງຈາກພົບວ່າ ເດັກນ້ອຍຄົນນີ້ ໄດ້ລັກເຂົ້າໝົມ 1 ຫໍ່ ໃນລາຄາ 2,000 ກີບ.
