Hillary Clinton ຊຸກຍູ້ ໃຫ້ຕໍ່ຕ້ານ ການຄ້າມະນຸສ

ຣັຖມົນຕຣີ ກະຊວງການ ຕ່າງປະເທດ ສະຫະຣັຖ ອະເມຣິກາ Hillary Rodham Clinton ກ່າວວ່າ ການຄ້າມະນຸດ ຈະເຣີນເຕີບໂຕ ຖ້າມກາງ ສະພາບເສຖກິດໂລກ ຕົກຕໍ່າ.
ມະນີຈັນ
2009.09.15
N100914MP
ສຽງບັນທຶກໄວ້ ດາວໂລ້ດ

ຕາມຣາຍງານຂ່າວ ຈາກກຸງວຽນນາ ປະເທດ Austria ໃນວັນຈັນນີ້, ມາດາມ Clinton ໄດ້ກ່າວຜ່ານ ເທບວີດີໂອ ຕໍ່ກອງປະຊຸມ ສາກົນ, ວ່າດ້ວຍແຮງງານ ບັງຄັບ ຂ້າທາດທາງເພດ ແລະ ຮູບການຂູດຮີດ ໃນແບບອຶ່ນໆນັ້ນວ່າ: ຈໍາເປັນຕ້ອງມີ ບາດກ້າວອັນຮີບດ່ວນ ເພື່ອປາບປາມ ພວກຄ້າມະນຸດ. ມາດາມ Clintin ໃນຂນະດຽວກັນ ກໍກ່າວເຖິງພວກ ເຄາະຮ້າຍ, ທີ່ໄດ້ຮັບການ ກະທົບກະເທືອນ ຈາກການຄ້າມະນຸດ ໃນຕອນນຶ່ງວ່າ:

"I’ve seen firsthand of suffering  that trafficking causes in Thailand....  ນາງໄດ້ເຫັນຄວາມ ທໍຣະມານ ຄວາມເຈັບປວດໂດຍກົງ,     ຊຶ່ງການຄ້າມະນຸດ ໄດ້ກໍ່ຂຶ້ນ."

ທີ່ປະເທດໄທ ນາງໄດ້ເຫັນ ພວກແມ່ຍິງ ທີ່ຖືກຂາຍໄປ ແຕ່ຕອນອາຍຸ ເຍົາໄວ, ແລະຂນະນີ້ກໍາລັງ ຈະເສັຽຊີວິດຍ້ອນ ໂຣກເອດສ. ທີ່ປະເທດເຂດຢູໂຣບ ຕາເວນອອກ ນາງກໍໄດ້ພົບ ຜູ້ເປັນແມ່ ຊຶ່ງລູກສາວ ຂອງເຂົາເຈົ້າ ໄດ້ຫາຍສາບສູນໄປ ແລະເຂົາເຈົ້າບໍ່ມີ ບ່ອນທີ່ຈະໄປ ຂໍຄວາມຊ່ວຍເຫລືອ.

ມາດາມ Clinton ພ້ອມດຽວກັນ ກໍເຕືອນວ່າ ຄວາມກົດດັນ ທາງດ້ານເສຖກິດ ຄັ້ງໃໝ່ນີ້ປາກົດວ່າ, ຈະເຮັດໃຫ້ ບັນຫານັ້ນ ມີຄວາມໜັກໜ່ວງ ຂຶ້ນຢູ່ຕໍ່ໄປ.

ກອງປະຊຸມ ດັ່ງກ່າວ ຂອງອົງການ ເພື່ອຄວາມປອດໄພ ແລະການຮ່ວມມື ໃນຢູໂຣບ ມີກໍານົດ ດໍາເນີນໄປ ເປັນເວລາ2ວັນ ຢູ່ກຸງວຽນນາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.