ກອງປະຊຸມສຸດຍອດ ຄັ້ງທີ່ 3 ຂອງບັນດາປະເທດ ເຂຕລຸ່ມແມ່ນ້ຳຂອງ

2008-03-17
ອີແມວລ໌
ຄໍາເຫັນ
Share
ພິມ

ຕາມກາຣເປີດເຜີຽ ຂອງທາງທະນາຄານ ພັທນາເອເຊັຽ ຢູ່ກັມພູຊາ ແຈ້ງຕໍ່ທາງແລ່ງຂ່າວ ໃນມື້ວັນອາທິດນີ້ວ່າ: ກອງປະຊຸມສຸດຍອດ ຄັ້ງທີ່ 3 ຂອງຄະນະນາຍົກ ຣັຖມົນຕຣີ ຈາກບັນດາ ປະເທດ ເຂຕລຸ່ມແມ່ນ້ຳຂອງ ມີກຳໜົດ ຈະຈັດຂື້ນ ຢູ່ນະຄອນຫລວງ ວຽງຈັນ ໃນວັນທີ 31 ມີນາ ນີ້, ເພື່ອເສີມສ້າງ ດ້ານກາຣຮ່ວມມື ໃນໂຄງກາຣພັທນາ ເສຖກິຈ, ກາຣຄ້າ, ຄົມມະນາຄົມ ແລະ ຂົນສົ່ງ ຣະຫວ່າງກັນ ແລະ ເພື່ອເປັນກາຣສົ່ງເສີມ ພາຄສ່ວນເອກຊົນ ໃຫ້ຫລາຍກວ່າເກົ່າ.

ພ້ອມດຽວກັນນີ້ ທາງອົງກາຣຂ່າວຊິນຮວ໋າ ກ່າວວ່າ: ທາງຄະນະຜູ້ນຳ ຈາກບັນດາປະເທດ ກ່ຽວຂ້ອງ ອັນປະກອບດ້ວຍ ກັມພູຊາ, ສ ປ ຈີນ, ລາວ, ພະມ້າ, ໄທຽ ແລະ ວຽດນາມ ຍັງຈະໄດ້ຫາຣືກັນ ດ້ານຄວາມຮ່ວມມື ໃນໂຄງກາຣ ຫລຸດຜ່ອນຄວາມຍາກຈົນ ຂອງປະຊາຊົນ, ໂດຽສະເພາະ ທີ່ຈະໃຫ້ມີ ກາຣສົ່ງເສີມ ເພື່ອກາຣພັທນາ ເສຖກິຈ ໃນແຕ່ລະປະເທດ ໃຫ້ມີຫລາຍ ເພີ່ມຂື້ນ.

ເຂຕກາຣພັທນາເສຖກິຈ ທີ່ທາງທະນາຄານ ພັທນາເອເຊັຽ ໃຫ້ກາຣສົ່ງເສີມ ດັ່ງກ່າວ ຮວມເປັນ ເນື້ອທີ່ທັງໝົດ ບໍ່ຕໍ່າກວ່າ 811,000 ຕາຣາງກິໂລແມ໊ຕ ຕາມເຂຕແມ່ນ້ຳຂອງ ແລະນອກຈາກນັ້ນ ທາງທະນາຄານ ຍັງມີ ກາຣປະສານງານ ເພື່ອຄວາມຮ່ວມມື ຕາມເຂຕ ແມ່ນ້ຳ ອື່ນໆ ໃນເຂຕ ລຸ່ມແມ່ນ້ຳຂອງ ດັ່ງກ່າວນີ້.

ຣາຍງານ ໂດຍ ຫວາດ ສີມູນ

ຄໍາເຫັນ (0)
Share
ເຕັມຫນ້າ