ຮ່າງກົດຫມາຍໃຫມ່ ເພື່ອໃຊ້ໃນການປາບປາມ ການຄ້າຢາເສບຕິດ

2008-03-17
ອີແມວລ໌
ຄໍາເຫັນ
Share
ພິມ

ປັດຈຸບັນ ບັນຫາຢາເສບຕິດໃນລາວ ຖືວ່າ ເປັນບັນຫາທີ່ສຳຄັນ ແຕ່ກົດຫມາຍ ໃນການປາບປາມ ແລະ ລົງໂທດນັ້ນ ຍັງບໍ່ທັນໄດ້ມາຕຖານ ແລະ ຖືກປະຕິບັດໃຊ້ກັນເທື່ອ. ເຮັດໃຫ້ກຸ່ມຄ້າຢາເສບຕິດ ແລະ ກຸ່ມອາສຍະກຳ ຂ້າມຊາດ ດຳເນີນກິຈການ ການຄ້າຢາເສບຕິດເພື່ອສົ່ງອອກ ຕ່າງປະເທດ ໄດ້ຢ່າງງ່າຍດາຍ. ເຫດຜົລກໍ່ແມ່ນ ຂາດກົດຫມາຍແລະຂາດການບັງຄັບໃຊ້ທີ່ເດັດຂາດແລະແນ່ນອນ ໃນການປາບປາມ ດັ່ງນັ້ນ ຄນະກັມມະການ ປາບປາມຢາເສບຕິດແຫ່ງຊາດຈື່ງສເນີ ຮ່າງກົດຫມາຍໃຫມ່ ວ່າດ້ວຍການປາບປາມຢາເສບຕິດໂດຍສເພາະ. ດັ່ງເຈົ້າຫນ້າທີ່ ທ່ານນື່ງ ຈາກຄນະກັມມະການດັ່ງກ່າວ ໄດ້ກ່າວ ກ່ຽວກັບກົດຫມາຍໃຫມ່ວ່າ:

“ເປັນຄົນຫມາຍໃຫມ່ ມັນຈະອອກມາ ເປັນກົດຫມາຍ ຢາເສບຕິດ ຈະມີເວົ້າເຮື້ອງໂທດເນາະ ແລະ ກໍ່ມີເວົ້າເຮືອງຄວາມເຂັ້ມຂົ້ນຂອງຢາ ເປັນກົດຫມາຍ ຢາເສບຕິດ ໂດຍສເພາະ”

ທ່ານກ່າວຕໍ່ໄປວ່າ ສຳລັບກົດຫມາຍໃຫມ່ນີ້ ເປັນກົດຫມາຍຮ່າງຂື້ນ ເພື່ອໃຊ້ໃນການປາບປາມ ການຄ້າຢາເສບຕິດ ໂດຍສເພາະ ເປັນກົດຫມາຍ ທີ່ແຍກອອກຈາກກົດຫມາຍ ອາຍາມາຕຣາ ທີ 146 ວ່າດ້ວຍ ການລັກຊັບ ການຂົ່ມຂືນ ແລະ ອາສຍະກຳ ປະເພດຕ່າງໆ- ແຕ່ເທື່ອນີ້ ຈະສະເພາະເຈາະຈົງໃສ່ ການປາບປາມ ການຄ້າຢາເສບຕິດ ໂດຍສະເພາະ ຊື່ງໃນຣະຍະທີ່ຜ່ານມາ ກົດຫມາຍ ດັ່ງກ່າວ ແມ່ນລະເລີງເກີນໄປ ຕ້ອງການຮັດແຫນ້ນ ແລະ ເຂັ່ງຄັດເພີ້ມຂື້ນ. ສ່ວນໃຫຍ່ຈະແນ່ໃສ່ການລົງໂທດ ຜູ້ຕ້ອງຫາ.

ກົດຫມາຍໃຫມ່ ວ່າດ້ວຍຢາເສບຕິດ ໂດຍສະເພາະນີ້ ທາງຄະນະ ກັມມະການ ຄວບຄຸມຢາເສບຕິດແຫ່ງຊາດ ຈະເປັນຜູ້ຮ່າງ ແລະ ສເນີຕໍ່ສພາ ເພື່ອການອອກສຽງ ພິຈາຣະນາ ຄາດວ່າ ຖ້າຜ່ານ ຈະເລີ້ມໃຊ້ໃນທ້າຍປີ 2008.

ຣາຍງານ ໂດຍ ຊິດນີ

ຄໍາເຫັນ (0)
Share
ເຕັມຫນ້າ