ລາວ ແລະ ວຽດນາມ ຈະຍົກຣະດັບ ຄວາມຮ່ວມມື ທາງດ້ານວັທນະທັມ ແລະ ການກິລາ

2008-03-25
ອີແມວລ໌
ຄໍາເຫັນ
Share
ພິມ

ຕົວແທນຈາກ ກະຊວງ ວັທນະທັມ ການກິລາ ແລະ ການທ່ອງທ່ຽວຂອງວຽດນາມ ຊື່ງນຳໂດຍ ຣັຖມນົຕຣີກະຊວງດັ່ງກ່າວ ທ່ານ Hoang Tuan Anh ໄດ້ພົບປະ ກັບຝ່າຍລາວ ທີ່ນຳໂດຍທ່ານມູນແກ້ວ ອໍຣະບູນ ຣັຖມົນຕຣີກະຊວງຖແລງຂ່າວ ແລະ ວັທນະທັມລາວ ທີ່ນະຄອນຫລວງວຽງຈັນ ໃນມື້ວັນທີ 21 ເດືອນມີນາ.

ທັງສອງ ຕົກລົງກັນ ຈະສືບຕໍ່ ການແລກປ່ຽນທາງດ້ານວັທະນະທັມ ແລະ ການກິລາລະຫວ່າງກັນໃຫ້ຫລາຍຂື້ນ ໃນອານາຄົດ, ໂດຍຈະສົ່ງເສີມ ວັທນະທັມ ຊື່ງກັນແລະກັນ ດ້ວຍການປະຕິບັດໃຊ້ ຂໍ້ຕົກລົງ ທາງດ້ານວັທນະທັມ ລະຫວ່າງ 3 ປະເທດ ເຊັ່ນ ວັທນະທັມ ກຳພູຊາ ລາວ ແລະວຽດນາມ ຮ່ວມກັນ.

ນອກຈາກນັ້ນ ທັງສອງຝ່າຍ ຍັງໄດ້ຕົກກັນ ຈະເພີ້ມຈຳນວນນັກສືກສາລາວ ທີ່ຈະໄປສືກສາຕໍ່ທີ່ວຽດນາມ ແລະ ຈະຂຍາຍຂອບເຂດ ການໄປຫາຫາສູ່ ຫລື ການແລກປ່ຽນເຈົ້າຫນ້າທີ່ ສູນກາງແລະ ເຈົ້າຫນ້າທີ່ ທ້ອງຖີ່ນລະຫວ່າງກັນ ໃຫ້ຫລາຍຂື້ນ ເພື່ອໄປເຂົ້າຮ່ວມ ໃນກິຈກຳ ທາງດ້ານວັທນະທັມ ຂອງແຕ່ລະປະເທດ.

ໃນປັດຈຸບັນ ລາວ ແລະ ວຽດນາມ ກໍ່ກຳລັງຕຽມພອ້ມ ໃນການເຮັດວຽກ ໃນໂຄງການຕ່າງໆ ທີ່ວຽດນາມ ລົງທືນແກ່ລາວເຊັ່ນ ການກໍ່ສ້າງ ມະຫາວີທຍາລັຍ ສີລະປະກອນ ແລະ ການປັບປຸງ ຫໍພີຕະພັນ ທ່ານໄກສອນ ພົມວິຫານ ທີ່ນະຄອນວຽງຈັນ. ໃນເວລາດຽວກັນ ຕົວແທນຂອງວຽດນາມ ກໍ່ໄດ້ພົບປະ ແລະ ໂອ້ລົມກັບ ຄະນະກັມມະການກິລາ ແລະ ອົງການທ່ອງທ່ຽວແຫ່ງຊາດລາວ ນຳອີກ.

ສເນີ ໂດຍ ຊິດນີ

ຄໍາເຫັນ (0)
Share
ເຕັມຫນ້າ