ການໃຫ້ສິນບົນ ເພື່ອເຮັດທຸຣະກິດ

ການໃຫ້ສິນບົນ ເຈົ້າໜ້າທີ່ ເປັນເລື່ອງປົກຕິ ທີ່ນັກລົງທຶນ ສ່ວນໃຫຍ່ ປະຕິບັດກັນ ເມື່ອເຂົ້າ ໄປລົງທຶນ ໃນລາວ.
ມະນີຈັນ ຣາຍງານ
2008-09-17
ອີແມວລ໌
ຄໍາເຫັນ
Share
ພິມ

ການ​ເຂົ້າ​ໄປ ​ລົງທຶນ ຫລື​ ເຮັດ​ທຸຣະກິດ​ ໃນ​ລາວ ສ່ວນ​ຫລາຍ ນັກ​ລົງທຶນ​ ຈະ​ຕິດ​ຕໍ່ ​ກັບຜູ້​ທີ່​ມີ ​ອິດ​ທິພົນ ຫລື ພະນັກງານ​ ຂອງຣັຖບານ ທີ່​ສາມາດ​ ໃຫ້ການ​ຊ່ວຍ​ເຫລືອ​ໄດ້  ​​ແຕ່​ມັກ​ຈະ​​ຕ້ອງ​​ ໄດ້​​ໃຫ້ ​ສິນ​ບົນ ​​ເປັນ​ເງິນ ຫລື ວັດຖຸ​ອຶ່ນໆ ​ແກ່​ເຈົ້າໜ້າທີ່ ທີ່​ຮັບປາກ​ວ່າ​ ຈະ​ໃຫ້ການ​ຊ່ວຍ​ເຫລືອ, ຕາມ​ຄໍາ​ເວົ້າ ​ຂອງ ນັກທຸຣະກິດ​​​ໄທ ທ່ານ​ນຶ່ງ ທີ່​ໄດ້​ເຂົ້າ​​ໄປ​ເຮັດ​ທຸຣະກິດ​ ໃນ​ລາວ.

ລາວ ​ເປີດ​ຮັບ ​ນັກ​ລົງທຶນ ​ພໍ​ສົມຄວນ ​ເປັນ​ໂຄງການ ຂນາດ​ໃຫຍ່ ​ເປັນ​ທໍາ​ມະ​ດາ ​ຢູ່​ແລ້ວ ​ທີ່​ຈະ​ມີ ຣາຍຈ່າຍ​​ ໃຕ້​ໂຕະ ດ້ວຍ​ຈໍານວນ​ເງິນ ​ບໍ່ພໍ​ເທົ່າ​ໃດ ​10 ລ້ານ​ບາດ ເພື່ອ​ທີ່ ​ຈະ​ໄດ້ ​ໃບ​ອະນຸຍາດ ​ແຕ່​ກໍ ​ຖື​ວ່າ ​ຄຸ້ມ​ຄ່າ.”

ນັ້ນ ກໍ​ເປັນ​ວິ​ທີ​ການ​ ທີ່​ນັກ​ລົງທຶນ​ ສ່ວນ​ຫລາຍ ຍອມຮັບ ​ແລະ ​ປະຕິບັດ​ ກັນ​ມາ ​ເປັນ​ເວລາ​ນານ ​ເຖິງ​ແມ່ນ​ວ່າ​ ໃນ​ໄລຍະ​ ຫລັງໆມາ​ນີ້ ທາງຣັຖບານ​ລາວ ຈະ​ໄດ້​ປະກາດ​ວ່າ ຈະ​ຕໍ່ຕ້ານ​ ການ​ສໍ້ຣາດບັງ​ຫລວງ ການ​ຮັບ​ສິນ​ບົນ ​ຂອງ​ ພະນັກງານ​ ພັກຣັດ ຢ່າງ​ແຂງ​ຂັນ ​ກໍ​ຕາມ.  ການ​ຮັບ​ສິນ​ບົນ ດັ່ງກ່າວ ມັກ​ຈະ​ເກີດ​ຂຶ້ນ ​ໃນ​ເຂດ​ແຂວງ​ ທີ່​ມີ​ການ​ລົງທຶນ  ຊຶ່ງທາງ​ສູນ​ກາງ ​ກໍ​ມັກ​ຈະ​ເວົ້າ ​ວ່າ ບໍ່​ມີ​ສ່ວນ​ຮູ້​ ເຫັນ​ນໍາ ​ແຕ່​ປະການ​ໃດ.

ນັກທຸຣະກິດ​ໄທ ທ່ານ​ນີ້ ກ່າວ​ຕໍ່​ໄປ​ວ່າ:

ເຈົ້າ​ແຂວງ ​ກໍ​ເປັນ​ໃຫຍ່ ​ຊຶ່ງ​ຕ້ອງມີ​ ຄວາມ​ສໍາພັນ ​ເລິກ​ເຊິ່ງ ກັບທ່ານ  ​ແລະ ​ຜົນ​ທີ່​ໄດ້ ຈະ​ຄຸ້ມ​ກວ່າ ທີ່​ຈະ​ໄປ​ລົງທຶນ​ໃນ​ປະ​ເທດ​ອຶ່ນ ​ເພາະ​ຕ້ອງ ​ໄດ້​ຈ່າຍ​ ຫລາຍ​ກວ່ານີ້.”

ການ​ໃຫ້​ສິນ​ບົນ ​ແກ່​ພະນັກງານ​ ພັກ-ຣັດ ຂອງ​ລາວ ​ເປັນ​ສ່ວນ​ນຶ່ງ ​ຂອງ​ຕົ້ນ​ທຶນ ​ໃນ​ການ​ທໍາ​ທຸຣະກິດ​ ໃນ​ລາວ  ຊຶ່ງ​ບາງ​ກໍຣະນີ ກໍ​ອາດ ​ເປັນ​ເງິນ ​ນັບ​ແສນ ​ຫລື ​ຫລາຍ​ລ້ານ​ບາດ ຂຶ້ນ​ຢູ່​ກັບ ​ຂນາດ​ ຂອງ​ໂຄງການ ​ແຕ່ລະ​ປະ​ເພດ.  ສິນ​ບົນ​ນັ້ນ ກໍ​ອາດ​ຈະ​ຕ້ອງ ​ໄດ້​ຈ່າຍ​ ເພື່ອທີ່​ ຈະ​ໄດ້ ​ໃບ​ອະນຸຍາດ ທໍາ​ທຸຣະກິດ ​ໃນ​ລາວ,  ​ໃບ​ອະນຸຍາດ ​ນໍາ​​ໃຊ້ ທີ່​ດິນ,  ​ໃບ​ອະນຸຍາດ ສໍາ​ປະທານ​ ຂຸດ​ຄົ້ນ ​ແຮ່ທາດ ຫລື​ ປ່າ​ໄມ້ ​ເປັນ​ຕົ້ນ.


ເຕັມຫນ້າ