ລາວ ຖືກຈັດ ຢູ່ໃນກຸ່ມປະເທດ ທີ່ມີກາຣທຸຈຣິຕ ຫລາຍທີ່ສຸດ ໃນເອເຊັຽ

ອົງກາຣຂ່າວ Reuters ໄດ້ນຳເອົາຜົລ ຂອງກາຣສຳຣວຈ ກ່ຽວກັບ ບັນຫາ ຂອງກາຣທຸຈຣິຕ ໃນຫລາຍປະເທສ ເຂຕເອເຊັຽ ອອກເຜີຽແຜ່ ໃນມື້ວັນທີ່ 17 ທັນວານີ້, ຊຶ່ງລາວ ກໍຖືກຈັດ ຢູ່ໃນປະເທດ ທີ່ມີການສໍ້ຣາສບັງຫລວງ ຫລາຍທີ່ສຸດ.
ຫວາດ ສີມູນ ຣາຍງານ
2008-12-18
ອີແມວລ໌
ຄໍາເຫັນ
Share
ພິມ

ອົງການ ຂ່າວ ດັ່ງກ່າວ ຍັງ​ເວົ້າ​ອີກ​ວ່າ: ກາຣຍັງມີ ກາຣສໍ້ ຣາສບັງຫລວງ ໃນບາງປະເທສ ເຂເອເຊັຽ ເປັນບັນຫາສຳຄັນ ທີ່ກີດກັ້ນ ໃນດ້ານລົງທຶນ ແລະ ກາຣເຕີບໂຕ ທາງເສຖກິໂດຽສະເພາະໃນຣະຫວ່າງທີ່ມີວິກິຈກາຣ ດ້ານກາຣເງີນ ຕົກຕໍ່າ ໃນທົ່ວໂລກ ດັ່ງປັຈຈຸບັນນີ້ທີ່ແຕ່ລະປະເທສ ມີກາຣແຂ່ງຊີງ ​​ເພື່ອຫວັງ ໃຫ້ມີນັກລົງທຶນເຂົ້າມາໃນປະເທສຕົນ ຫລາຍກວ່າເກົ່ານັ້ນ.

ອີງຕາມດັຊນີ ກາຣວັຕແທກ ແບບທັມພິບາລ ຫລື ກາຣບໍຣິຫາຣ ດ້ວຍຄວາມ​​ໂປ່​​​ໃສ ທີ່ທາງທະນາຄາຣໂລກໄດ້ນຳໃຊ້ ໃນຣະຍະ 5 ປີ ຜ່ານມາ​ ​ດ້ວຍກາຣໃຫ້ຄະແນນ ແຕ່ສູນເປັນຂັ້ນຕໍ່າສຸດຈົນເຖີງ 100 ​ຊື່ງເປັນຄະແນນສູງສຸດ ຫລື ເປັນປະເທສ ທີ່ວ່າ ບໍ່ມີກາຣສໍ້ໂກງ ແຕ່ຢ່າງໃດເລີຽ ໃນເມື່ອທຽບໃສ່ໃນຣະດັບໂລກ ດັ່ງຕົວຢ່າງ: ສີງຄະໂປ ເປັນປະເທສ ທີ່ໄດ້ຮັບຄະແນນ ສູງຫລາຍທີ່ສຸດ ເຖີງ 96.1 ​ໃນປີ 2007, 97.1 ​ໃນປີ 2006, 98.1 ​ໃນປີ 2005 ​ແລະ 2004, ​ແລະ 98.5 ​ໃນປີ 2003. ຮອງລົງມາແມ່ນ ຮົງກົງ ທີ່ໄດ້ຄະແນນແຕ່ 92.3 ລົງໄປຫາ 91.3. ນອກນັ້ນ ກໍມີໄຕ໊ຫວັນເກົາຫລີໃຕ້ ມາເລເຊັຽໄທຽແລະ ສປຈີນ ທີ່ໄດ້ຄະແນນ ລຸດເລັ່ຽກັນ ແຕ່ 70.00 ລົງມາຮອດ 43.2 ຄະແນນ.

ສ່ວນ ສປປລາວ ນັ້ນໄດ້ຄະແນນ 13.00 ​ໃນປີ 2007, 12.6 ​ໃນປີ 2006, 11.7 ​ໃນປີ 2005, 12.6 ​ໃນປີ 2004 ​ແລະ 13.6 ​ໃນປີ 2003 ຊື່ງຖືວ່າເປັນປະເທສ ທີ່ຍັງມີກາຣທຸຈຣິຕ-ສໍ້ຣາສບັງຫລວງຫລາຍ​ ​ເກືອບ​​ເປັນທີ່ຫລ້າສຸດ ໃນເອເຊັຽ, ​ແລະ ສອງປະເທສ ທີ່ໄດ້ຄະແນນຕໍ່າກວ່າ ສປປລາວ ກໍມີກັມພູຊາ ແລະ ພະມ້າ.


ເຕັມຫນ້າ