ບໍ່ສາມາດ ກໍານົດຜະລິດຕະພັນ ຕາມແຜນການ

ແຕ່ລະເມືອງ ໃນແຂວງ ສະຫວັນນະເຂດ ຍັງບໍ່ສາມາດ ກຳນົດ ຜະລິດຕະພັນ ທີ່ຈະຜະລິດ ອອກມາຂາຍໄດ້ ທັ້ງໆ ທີ່ມີແຜນການ ປະຕິບັດ ມານານແລ້ວ.
ຈໍາປາທອງ ຣາຍງານ
2008-07-22
ອີແມວລ໌
ຄໍາເຫັນ
Share
ພິມ

ພະນັກງານ ທີ່ກ່ຽວຂ້ອງ ຂອງສະຫະພັນ ແມ່ຍິງລາວ ແຂວງສະຫວັນນະເຂດ ທ່ານນຶ່ງ ກ່າວວ່າ ສະຫະພັນ ແມ່ຍິງ ໄດ້ພະຍາຍາມ ສົ່ງເສີມ ນະໂຍບາຍ 1 ​ເມືອງ 1 ຜະລິດຕະພັນ ຢູ່ພາຍໃນແຂວງ ເຊັ່ນດຽວ ກັບຢູ່ແຂວງອື່ນໆ ໃນໂຄງການຫັກຳ ຕ່າງໆ ໂດຍເລີ່ມ ຈາກເມືອງໃຫຍ່ກ່ອນ ແຕ່ມາຮອດປັດຈຸບັນນີ້ ຍັງມີບັນຫາ ໃນເມືອງຕ່າງໆ ທີ່ກຳນົດ ຜະລິດຕະພັນ ທີ່ຈະປະຕິບັດ ບໍ່ໄດ້.

“​ເພີ່ນກຳລັງ ຈັດຕັ້ງ ຢູ່ໃນປັດຈຸບັນນີ້ ແຕ່ປາກົດ ອອກມາວ່າ ເມືອງຈະເອົາຫຍັງ ແທ້ນະ ເພີ່ນກຳນົດຢູ່ສົມມຸດວ່າ ເມືອງນີ້ ຈະເອົາຫຍັງ ເອົາການເຮັດກະທູບ ບໍ່ເອົາສາດຜືບໍ່ ​​ເມືອງນີ້ ຈະເອົາແບບສ່ຽນເຄື່ອງຕ້ອນ ຂອງຝາກ ຄືທີ່ ເຮົາເຫັນຜ່ານມາ ຫັ້ນບໍ ແຕ່ຫາກວ່າຍັງບໍ່ທັນເຫັນ ເປັນຂະບວນຟົດຟື້ນ ເພີ່ນກຳລັງ ເລີ່ມຈັດຕັ້ງ ປະຕິບັດ ຢູ່ໃນແຕ່ລະເມືອງ ສຳລັບແຂວງ ຂອງພວກເຮົາ.”

ມາຮອດປັດຈຸບັນນີ້ ທ່ານວ່າ ໂຄງການ ພັດທະນາ ສິນຄ້າ 1 ​ເມືອງ 1 ຜະລິດຕະພັນ ຂອງແຂວງ ສະຫວັນນະເຂດ ແມ່ນຢູ່ໃນ ຂັ້ນເລີ່ມຕົ້ນ. ດັ່ງນັ້ນ ຈຶ່ງບໍ່ສາມາດ ກຳນົດໄດ້ ຢ່າງລະອຽດວ່າ ແຕ່ລະເມືອງຈະຜະລິດສິນຄ້າ ຊນິໃດ ເປັນອັນຕົ້ນຕໍ.

ໃນປັດຈຸບັນ ສະຫະພັນແມ່ຍິງລາວ ໄດ້ມີການປຸກລະດົມ ໃນຫລາຍໆດ້ານ ເພື່ອເຮັດ​​ໃຫ້ຄຸນນະພາບ ຊີວິດ ແລະ ການກູ້ມຕົນເອງ ຂອງແມ່ຍິງລາວ ຫລາຍຂື້ນ ໂດຍສະເພາະ ດ້ານການຝຶກ ອົບຣົມ ວິຊາຊີບໃຫ້ແກ່ແມ່ຍິງ ໃນເຂດຊົນນະບົດ ຫ່າງໄກ​ ​ແລະ ຮວມທັງແມ່ຍິງ ທີ່ໄດ້ປະສົບ ເຄາະຮ້າຍ ຈາກການຄ້າມະນຸດ ເພື່ອຊ່ວຍໃຫ້ ແມ່ຍິງ ມີອາຊີບ ຄົງທີ່ ແລະ ມີລາຍໄດ້ເພີ້ມ.

ສຳລັບ ພວກເຮົາ ຈະມີບາງເມືອງ ເຊັ່ນວ່າ ເມືອງພູດອຍ ຂອງແຂວງ ພວກເຮົາ ຈະສົ່ງເສີມ ເຣື່ອດ້ານສີມື

ໂຄງການ ພັດທະນາ ສີມືແຮງງານ ໃຫ້ແມ່ຍິງ ໃນໝູ່ບ້ານ ສອກຫລີກນີ້ ເປັນໂຄງການ ປະເພດ ຕ່ຳຫູກ ຍ້ອມຜ້າ ແລະ ຕັດເຄື່ອງ ທີ່ສາມາດ ຜະລິດອອກຂາຍໄດ້.

ເຕັມຫນ້າ