ຫລີກລ້ຽງ ການກືກໜັງສື ຄືນໃໝ່

ແຂວງຈໍາປາສັກ ພວມສືບຕໍ່ ເອົາໃຈໃສ່ ບັນຫາ ການກັບມາ ກືກໜັງສືຄືນ ຂອງຊາວບ້ານ ທີ່ຜ່ານການບໍາລຸງ ການສຶກສາ ຂັ້ນພື້ນຖານ ໄປແລ້ວ.
ຈະເຣີນສຸກ ຣາຍງານ
2008-07-21
ອີແມວລ໌
ຄໍາເຫັນ
Share
ພິມ

ເມື່ອ​ບໍ່​ດົນມາ​ນີ້, ​ແຂວງ​ຈໍາປາ​ສັກ ຖື​ເປັນ​ແຂວງ​ນຶ່ງ ທີ່​ສາມາດ ປະກາດ ການ​ຊຸກຍູ້ ການ​ສຶກສາ  ຂັ້ນ​ປະຖົມ, ຊຶ່ງ​ເປັນການ ສຶກສາ ຂັ້ນ​ພື້ນຖານ ທົ່ວ​ທັງ 10 ​ເມືອງ​ໄດ້​ແລ້ວ, ​ແຕ່​ຄາດ​ວ່າ ​ແຂວງ​ດັ່ງກ່າວ ຍັງ​ມີ​ຊາວບ້ານ ທີ່​ກືກ​ໜັງສື ອີກ​ບໍ່​ຫລວງຫລາຍ ພໍປານ​ໃດ ທີ່​ລໍຖ້າ ​ເຈົ້າ​ໜ້າ​ທີ່ ​ເຂົ້າ​ໄປ ບໍາລຸງ ການ​ສຶກສາ​ໃຫ້. ດັ່ງ​ນັ້ນ ​ເພື່ອ​ເປັນ​ການ ຮັບປະກັນ ​ເຖິງ​ກຸ່ມ​ຊາວບ້ານ ​ເປົ້າ​ໝາຍ, ​ໂດຍສ​ະ​ເພາະ ອາຍຸ ຣະຫວ່າງ 15 ຫາ 40 ປີ, ທີ່​ຜ່ານ ການ​ບໍາຣຸງ ການ​ສຶກສາ ຂັ້ນ​ພື້ນຖານ ​ໄປ​ແລ້ວ ບໍ່​ໃຫ້​ກັບ​ຄືນມາ ກືກ​ໜັງສືອີກ, ທາງ​ການ ກ່ຽວຂ້ອງ ຈຶ່ງ​ສືບຕໍ່ ປ້ອງ​ກັນ ບັນຫາ ດັ່ງ​ກ່າວ, ດັ່ງ​ອາຈານ ຖາວອນ, ຫົວໜ້າ ຂ​ແນ​ງການ ສຶກສາ ​ແລະ ວິຊາ​ຊີບ ປະ​ຈໍາ​ແຂວງ​ຈໍາປາ​ສັກ ກ່າວ​ວ່າ:

“ມັນ ກໍ​ມີ​ຈໍາ​ນວນ​ນຶ່ງ ບໍ່​ໄດ້​ຮຽນ​ຕໍ່ ​ເຂດ​ຫ່າງ​ໄກ ສອກຫລີກ, ​ເຂດ​ຊົນນະບົດ ກໍ​ມີ​ກືກ​ຄືນ ຢູ່​ຄຶ​ກັນ ​ໄດ໋, ​ເພື່ອ​ຊ່ອຍ​ໃຫ້​ຮັບປະກັນ​ນັ້ນ, ພວກ​ເຮົາ ຈະ​ຕ້ອງ ບໍາລຸງ ມັທຍົມ ຕິດ​ພັນ​ກັບ​ການ​ຝຶກ​ອົບຮົມ ວິຊາ​ຊີບ ​ເພາະວ່າ ມັນ​ຈະ​ຊ່ອຍ​​ໃຫ້ ການຮູ້ໜັງສື ຂອງ​ປະຊາຊົນ ​ໃຫ້​ດີ​ຂຶ້ນ”

ອາຈານ ຖາວອນ ຊີ້​ແຈງ ​ເພີ້​ມຕື່ມ​ວ່າ ທາງ​ການ ກ່ຽວຂ້ອງ ກໍາລັງ ຊຸກ​ຍູ້ ​ໃຫ້​ເດັກ​ນັກຮຽນ ພາກ​ປົກກະຕິ ​ແລະ ຊາວບ້ານ ຜູ້​ທີ່​ຕ້ອງ​ຮຽນ ນອກຣະບົບ ມີ​ໂອກາດ​ສຶກສາ​ຕໍ່ ​ໃນຣະດົບ ທີ່​ສູງ​ຂຶ້ນ ​ເທົ່າ​ທີ່ ຂະ​ເຈົ້າ ຈະ​ມີ​ທ່າ​ແຮງ, ​ໂດຍ​ສະ​ເພາະ ​ໃນຣະດັບ ມັທຍົມ​ຕົ້ນ, ຊຶ່ງ​ແຂວງ​ຈະສູ້​ຊົນ ປະກາດ​ໃຫ້ ​ເປັນ​ການ​ສຶກສາ ຂັ້ນ​ພື້ນຖານ ​ໃຫ້​ໄດ້​ພາຍ​ໃນ ປີ 2015 ຫາ 2020. ພ້ອມ​ດຽວ​ກັນ​ນັ້ນ, ຈະ​ມີ​ການ​ສົ່ງ​ເສີມ ວິຊາ​ຊີບ ທີ່​ເຮັດ​ໃຫ້ ຊາວບ້ານ ຮູ້ຈັກ​ໃຊ້ ຄວາມ​ຮູ້​ຕ່າງໆ ທີ່​ຮໍ່າຮຽນ ມາ​ໃຊ້​ເປັນ​ປ​ໂຍດ, ບໍ່​ແມ່ນ ຈະ​ປະ​ລະ ຄວາມ​ຮູ້ ​ໄປ​ລ້າໆ.

ນອກ​ຈາ​ກນັ້ນ, ທາງ​ແຂວງ​ ຍັງ​ພະຍາຍາມ ຍາດ​ແຍ່ງ​ປື້ມ ໜັງສື​ຕ່າງໆ ​ແລະ ລົງ​ຈັດ​ຕັ້ງ ຫໍສມຸດ ປະ​ຈໍາ​ບ້ານ ​ໃຫ້​ທົ່ວ​ເຖິງ ​ແຕ່​ລະ​ຊຸມ​ຊົນ ​ເພື່ອ​ເຮັດ​ໃຫ້ ຊາວບ້ານ ສາມາດ ຄົ້ນ​ຄ້ວາ ຄວາມ​ຮູ້ ​ໃນ​ຂ​ແນ​ງການ​ຕ່າງໆ ​ເພີ້​ມຕື່ມ ດ້ວຍ​ຕົນ​ເອງ. ຜ​ແນ​ກດັ່ງກ່າວ​ ຄາດ​ວ່າ ຈະ​ຊ່ອຍ​ຮັບປະກັນ ​ໃຫ້​ຊາວບ້ານ ທີ່​ກືກ​ໜັງສື​ຄືນ ​ສາມາດ ປັບປຸງ ການ​ສຶກສາ ຂອງ​ຂະ​ເຈົ້າ​ໄດ້ ດີພໍ​ສົມຄວນ.


ເຕັມຫນ້າ