ສໍາຣວດ ຊາຍແດນ ລາວ-ໄທ ທາງພາກເໜືອ

ທະຫານໄທ ລົງມື ສຳຫລວດ ພື້ນທີ່ ປັກປັນ ເຂດແດນ ບໍລິເວນ ແຂວງ ຊຽງຮາຍ ຂອງໄທ ແລະ ແຂວງ ບໍ່ແກ້ວ ຂອງ ລາວ.
ຈໍາປາທອງ ຣາຍງານ
2008-11-19
ອີແມວລ໌
ຄໍາເຫັນ
Share
ພິມ

ທ້າວ ພອນສະຫວັນ ບຸນທັນ ພໍ່ບ້ານ ຈາກເມືອງ ຊຽງຂອງແຂວງຊຽງຮາ ຂອງໄທ ໃນຖານະ ຫົວໜ້າກຸ່ມ ການຮ່ວມມື ພາກປະຊາຊົນ ຕາມແນວ ຊາຍແດນ ບອກໃຫ້ຮູ້ວ່າ ທະຫານໄທ ​ເຣີ່ມລົງໄປ ສຳຫລວດພື້ນທີ່ເພື່ອກຽມຈຸດປັກປັນເຂດແດນ ລາວ-​ໄທ ກັນໃໝ່.

ຕອນນີ້ ກຳລັງ ເປັນສູນຈຸດ ແບ່ງປັນເຂດແດນ. ຕອນນີ້ ພວກທະຫານ ກົມແຜນທີ່ ກຳລັງມາຖາງ ທີ່ຜາໃດ ສັນພູແປເມືອງ. ກຳລັງຖາງ ປະມານ 140 ກວ່າໄລ່ ຖາງເພື່ອສ່ອງກ້ອງເພື່ອໃຫ້ຮູ້ວ່າ ທີ່ໃດ ເປັນເຂດລາວ ທີ່ໃດເປັນເຂດໄທ.”

ພື້ນທີ່ ທີ່ມີບັນຫາ ຊຶ່ງທາງການລາວແລະໄທ ຕ້ອງມາປັກປັນ ​​ເຂດແດນທາງນ້ຳກັນໃໝ່ນັ້ນ ມີຄວາມຍາວປະມານ 1,200 ກິໂລແມັດ. 2 ຝ່າຍມີຄວາມເຫັນ ແຕກຕ່າງກັນໃນຫລາຍບັນຫາ ຮວມທັງ ບັນຫາ​ ​ແຜນທີ່ ທີ່ຈະ​ໃຊ້ ໃນການສຳຫລວດເຂດແດນ ບັນຫາ ຮ່ອງນ້ຳເລິກ ບັນຫາດອນຕ່າງໆໃນແມ່ນ້ຳຂອງ ບັນຫາການປ່ຽນແປງ ແລວນ້ຳ ທີ່ເກີດຈາກ ຜົນກະທົບ ຂອງເຂື່ອນ ໃນປະເທດຈີນ.

ໃນການສຳຫລວດ ພື້ນທີ່ ທັງ 2 ຝ່າຍຈະ​ໃຊ້ແຜນທີ່ ທາງອາກາດແຜນທີ່ ສະໃໝ ຝຣັ່ງເສດແລະ ແລວສັນປັນນ້ຳ. ທີ່ຜ່ານມາ ກໍມີພື້ນທີ່ ທີ່ໄດ້ມີ ການກຳນົດ ເຂດແດນ ຊົ່ວຄາວແຕ່ຍັງບໍ່ທັນ ໄດ້ບອກວ່າເປັນຂອງ ປະເທດໃດກັນແທ້ ດັ່ງ ພໍ່ບ້ານ ພອນສະຫວັນເວົ້າວ່າ:

ຕອນນີ້ ອັນທີ່ເວົ້າກັນ ກໍຄື ຂ້ພະເຈົ້າເຄີຍຖາມຢູ່ຕະຫລອດເວລາ ວ່າ ປັກຫລັກເຂດຊາຍແດນແລ້ວຫລືຍັງເຂົາບອກວ່າ ຍັງບໍ່ທັນໄດ້ປັກ ຕອນນີ້ ສ່ວນທີ່ປັກຢູ່ ຄືປັກຊົ່ວຄາວ ຍັງບໍ່ໄດ້ເປັນຂອງໃຜ

ສຳລັບ ການປັກປັນ ເຂດຊາຍແດນ ລະຫວ່າງ ສອງປະເທດ ລາວ-​ໄທ ຊຶ່ງມີ ຄວາມຍາວ ທັງໝົດ 1,800 ກິໂລແມັດນັ້ນ ມາຮອດປັດຈຸບັນນີ້ເຂດແດນ ທາງບົກ ທີ່ຍັງບໍ່ທັນໄດ້ມີການຕົກລົງກັນ ມີ 800 ກິໂລແມັດ; ສ່ວນທາງນ້ຳແ ມ່ນຍັງຢູ່ໃນ ລະຫວ່າງ ການເຈລະຈາກັນຢູ່ ຮ້ອຍກວ່າຕອນ.


ເຕັມຫນ້າ