ລາວ ເຕືອນປະຊາຊົນ ກ່ຽວກັບບັນຫາ ນົມຝຸ່ນຈີນ ເປັນພິດ

ກະຊວງ ສາທາຣະນະສຸກ ຂອງລາວ ຕິດຕາມຂ່າວ-ກໍຣະນີ ນົມຝຸ່ນຈີນ ເປັນພິດ ເພາະເຈືອປົນ ສານເຄມີ melamine ທີ່ເອົາຊີວິດ ເດັກນ້ອຍ ຊາວຈີນແລ້ວ 4 ຄົນ ແລະ ລົ້ມປ່ວຍອີກ 53 ພັນກວ່າຄົນ ນັ້ນ ຢ່າງຕໍ່ເນື່ອງ ເຖິງແມ່ນວ່າ ລາວ ຈະບໍ່ໄດ້ຮັບ ສີນຄ້າ ປະເພດນົມຝຸ່ນ ຈາກຈີນ ກໍຕາມ.
ມະນີຈັນ ຣາຍງານ
2008-09-25
Share

ດຣ. ສົມຈິດ ອັກຄະວົງ ກ່າວກ່ຽວກັບເລື່ອງນີ້ວ່າ:

ເລີ່ເຫັນ ບັນຫາແລ້ວ ພວກເຮົາກໍພະຍາຍາມ ໃຫ້ໂຄສນາ ວ່າ ຕ້ອງໃຫ້ເບິ່ງພຶ້ນ ວ່າ ທີ່ເວລາ ກິນນົມຜົງ ວ່າ ເປັນຜົງຊນິດໃດໄດ້ໃຫ້ຄວາມຮູ້.”

ຂ່າວນອງນັນນົມຝຸ່ນຂອງຈີນເຈືອປົນສານ melamine ທີ່ສາມາດເຮັດໃຫ້ ເປັນນິ້ວ ໝາກໄຂ່ຫລັງ-ໝາກໄຂ່ຫລັງ ບໍ່ເຮັດວຽກ ຍ່ຽວບໍ່ອອກ​​ນັ້ນເຮັດໃຫ້ຫລາຍປະເທດເຊັ່ນມາເລເຊັຽ ວຽດນາມ ຟິລິບປິນ ຮົງກົງຫ້າມການນໍາເຂົ້າ ສີນຄ້າ ນົມຝຸ່ນ ແລະສີນຄ້າ ປະເພດ ທີ່ສ່ຽງຕ່າງໆ ຈາກປະເທດຈີນ.

ພ້ອມດຽວກັນກໍມີ ການກວດກາ ສິນຄ້າຈີນທີ່ນໍາເຂົ້າມາແລ້ວນັ້ນ ຕື່ມອີກ. ເວົ້າສະເພາະ ປະເທດລາວ  ດຣ. ສົມຈິດ ກ່າວ​​ເພີ່ມຕື່ມ ກ່ຽວກັບ ວິທີການຕິດຕາມ ອາການ ຂອງເດັກນ້ອຍວ່າ:

ມີຣາຍງານ ປະຈໍາປີ ມີກໍຣະນີ ເດັກນ້ອຍ ອາດຈະມີ ອາດຈະສົງໃສ ວ່າ ມີ ແຕ່ທີ່ຜ່ານມາ ບໍ່ມີຣາຍງານ ຈະມີຣາຍງານ ແຕ່ລະ ຣະບົບຫລາຍແຕ່ລະຣະບົບ ແຂວງຈະຣາຍງານ ມາຕລອດ 24 ຊົ່ວໂມງໃນກໍຣະນີ ທີ່ມີອາການ ຕ່າງໆເພີ່ມ.”    

ເຖິງແມ່ນວ່າ ລາວ ຍັງບໍ່ມີ ກໍຣະນີເດັກລົ້ມປ່ວຍ ຍ້ອນກິນນົມຝຸ່ນປົນສານພິດນັ້ນ ເທື່ອກໍຕາມແຕ່ທາງການກ່ຽວຂ້ອງຂອງລາວ ກໍມີການ ​​ໂຄສນາ-​ໃຫ້ຄວາມຮູ້ແກ່ປະຊາຊົນແລະກໍາລັງກຽມ ມາຕການປ້ອງກັນເພື່ອໃຫ້ຄວາມຮູ້ທາງດ້ານ ວິທະຍາສາດ ກ່ຽວກັບສານພິດເຈືອປົນໃນນົມຝຸ່ນນັ້ນ. ​ແລະ ກໍໄດ້ມີການ ຂໍການຊ່ວຍເຫລືອ ຈາກອົງການ ອະນາໄມໂລກ WHO​ ກ່ຽວກັບການກວດກາ ສານ​​ເຈືອປົນໃນນົມເພື່ອເປັນການສະກັດກັ້ນ-ຮັບມືກັບບັນຫາ ດັ່ງກ່າວ.


ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.