ເຈົ້າໜ້າທີ່ ຂອງອົງການຮ່ວມມື ສະຫະປະຊາຊາດກ່ຽວກັບ ການຕໍ່ຕ້ານການຄ້າມະນຸດຫລື UNIAP ທີ່ນະຄອນຫລວງວຽງຈັນ ເປີດເຜີຍເຖິງ ພວກຜູ້ຍິງສາວລາວທີ່ຍັງມີ ອາຍຸນ້ອຍຊຶ່ງຖືກຫລອກລວງ ຈາກເຂດຊົນນະບົດ ຂອງລາວ ໄປເຮັດວຽກ ຢູ່ຝັ່ງໄທວ່າ:
"ສ່ວນ ທີ່ ຖືກ ຫລອກ ແມ່ນ ຈະ ຖືກ ຫລອກ ໄປ ໄທ ນໍ. ມີ ກໍລະນີ ຄື ວ່າ ຖືກ ຫລອກ ຈາກ ທາງ ພາກ ເໜືອ ຂ້າມ ໄປ ໄທ ແຕ່ ວ່າ ຜູ້ ສິມາ ເຮັດ ວຽກຢູ່ ໃນ ຕົວ ເມືອງ ໃຫຍ່ ຫັ້ນກໍ ມີ ນໍ, ເຮັດ ວຽກນຳ ແບບ ຮ້ານ ຂາຍ ເຄື່ອງ ດື່ມຈັ່ງຊີ້ຫັ້ນນະ ."
ພ້ອມກັນນັ້ນທ່ານຍັງກ່າວຕໍ່ໄປວ່າສຳລັບເດັກນ້ອຍ ຜູ້ຍິງລາວທິ່ຖືກຫລອກ ໄປຂາຍ ບໍລິການຢູ່ປະເທດໄທ ທີ່ທາງເຈົ້າໜ້າທີ່ ຕຳຫລວດສາມາດ ຊ່ວຍໄດ້ ແລະ ບໍ່ສາມາດ ຊ່ວຍໄດ້ນັ້ນຍັງບໍ່ມີສະຖິຕິທີ່ແນ່ນອນ ເນື່ອງຈາກວ່າຍັງບໍ່ທັນມີ ໜ່ວຍງານໃດ ເກັບກຳຂໍ້ມູນ ໃນເລື່ອງນີ້ ໂດຍກົງ.
ທ່ານ ໄດ້ອະທິບາຍ ເຖິງເຫດຜົນທີ່ບໍ່ມີ ການເຮັດສະຖິຕິ ກ່ຽວກັບ ເລື່ອງນີ້ ໂດຍກົງວ່າ:
"ເ ພາະວ່າ ເຮົາ ບໍ່ ໄດ້ ເຮັດ ການ ສຳ ຫລວດ ມີ ແຕ່ ວ່າ ຜູ້ນັ້ນ ເຫັນ ຜູ້ນີ້ ເຫັນ ຜູ້ນັ້ນ ເວົ້າ ຜູ້ນີ້ ເວົ້າຊື່ໆ ຄັນ ສິ ເຮັດ ສຳ ຫລວດ ມັນ ກໍ ບໍ່ ແມ່ນ ເລື່ອງ ງ່າຍ ເຮົາ ກໍ ຕ້ອງ ໄດ້ ໄປ ຊອກ ກະຊວງ ວັດທະນະທຳ ບາງ ເທື່ອ ທ່ານບໍ່ ໃຫ້ ເຮັດ ຊ້ຳການ ສຳ ຫລວດ ທາງ ດ້ານ ເລື່ອງ ນີ້."
ແຕ່ເຖິງຢ່າງ ໃດກໍຕາມ ເຈົ້າໜ້າທີ່ທ່ານດຽວກັນນີ້ກໍໄດ້ບອກໃຫ້ຮູ້ວ່າ ເວລານີ້ 6 ປະເທດໃນພູມີພາກລຸ່ມແມ່ນ້ຳຂອງຊຶ່ງມີລາວ ໄທກຳພູຊາພະມ້າວຽດນາມ ແລະຈີນພະຍາຍາມ ເຮັດຂໍ້ຕົກລົງ ຮ່ວມກັນ ເພື່ອແກ້ໄຂບັນຫາ ການສະແຫວງ ຫາຜົນປະໂຫຍ ດທາງເພດ ຈາກເດັກທັງໃນຮູບແບບ ຂອງກອງປະຊຸມ, ການອອກກົດໝາຍ, ການສົ່ງກັບຄືນ ປະເທດເດີມ. ແຕ່ຕ້ອງໃຊ້ເວລາ ໃນການລວບລວມ ຄວາມເຫັນຈາກທຸກຝ່າຍ ເພາະມັນມີ ຫລາຍເລື່ອງຮວມທັງເລື່ອງ ການບໍ່ມີ ສັນຊາດ ແລະ ການຂາດການສຶກສາ ນຳດ້ວຍ. ດັ່ງນັ້ນ ຕ້ອງໄດ້ອາໃສ ຫລາຍພາກສ່ວນຈະໃຫ້ໜ່ວຍງານໃດໜ່ວຍງານນຶ່ງ ເຮັດຜູ້ດຽວ ແມ່ນເປັນໄປບໍ່ໄດ້.