ເຂື່ອນຈະປ່ຽນແປງ ທັມມະຊາດ

ແຜນການ ສ້າງເຂື່ອນ ໃສ່ ແມ່ນໍ້າຂອງ ນາບຂູ່ ຕໍ່ຄວາມ ເປັນ ປົກກະຕິ ຂອງ ທັມມະຊາດ.
ໂພໄຊສວັດ
2011-06-30
ອີແມວລ໌
ຄໍາເຫັນ
Share
ພິມ
ທັມມະຊາດ ໃນແມ່ນໍ້າຂອງ ບໍ່ໄດ້ແມ່ນ ພຽງແຕ່ຫາປາ
ທັມມະຊາດ ໃນແມ່ນໍ້າຂອງ ບໍ່ໄດ້ແມ່ນ ພຽງແຕ່ຫາປາ
RFA

ກົດຟັງສຽງ

ການປ່ຽນແປງ ລະບົບ ການໄຫລ ຂອງນໍ້າ ໃນ ແມ່ນໍ້າຂອງ ຈະສົ່ງຜົນ ກະທົບ ຕໍ່ແຫລ່ງ protein 80 ລ້ານ ຊນິດ ໃນສາຍນໍ້າ. ແຜນການ ກໍ່ສ້າງເຂື່ອນ ໃສ່ ແມ່ນໍ້າຂອງ ໄຊຍະບຸຣີ ປະເທດລາວ ໄດ້ກາຍເປັນ ຈຸດສົນໃຈ ໃນການ ສົນທະນາ ກ່ຽວກັບ ອະນາຄົດ ຂອງ ແມ່ນນໍ້າຂອງ ຢ່າງກວ້າຂວາງ.

ປັດຈຸບັນ ຄວາມຂັດຂ້ອງ ແບ່ງແຍກກັນ ຂອງ 6 ປະເທດ ແມ່ນໍ້າຂອງ ລາວ, ຈີນ, ໄທ, ພະມ້າ, ກໍາພູຊາ ແລະ ວຽດນາມ ຍັງບໍ່ເຖິງ ຂັ້ນແຕກຫັກ ກັນເທື່ອ ຊຶ່ງສະພາບການ ອາດຈະຮຸນແຮງ ຂຶ້ນໄດ້. ມີແຕ່ ພະມ້າ ປະເທດດຽວ ທີ່ບໍ່ ຮ່ວມກຸ່ມ, ສ່ວນປະເທດ ອື່ນໆ ໃຜກໍມີ ຄວາມຄິດ ຄວາມເຫັນ ຂອງ ໃຜລາວ.

ນັບຕັ້ງແຕ່ ຊຸ່ມປີ 1980 ຈີນ ໄດ້ສ້າງເຂື່ອນ ໃສ່ ແມ່ນໍ້າຂອງ ແລ້ວ 4 ແຫ່ງ, ປັດຈຸບັນນີ້ ກໍາລັງສ້າງ ອີກແຫ່ງນຶ່ງ ແລະ ມີແຜນການ ທີ່ຈະສ້າງ ໃຫ້ແລ້ວອີກ 3 ແຫ່ງ ພາຍໃນປີ 2030. ເຂື່ອນເມືອງ Xiaowan ຊຶ່ງເປັນ ເຂື່ອນໃຫຍ່ ທີສອງ ຂອງຈີນ, ຫາກສ້າງແລ້ວ ໃຊ້ການໄດ້ ຮ່ວມກັບ ເຂື່ອນ ແຫ່ງອື່ນໆ ກໍຈະສາມາດ ຄວບຄຸມ ປ່ຽນແປງ ການໄຫລ ຂອງ ນໍ້າໃນ ແມ່ນໍ້າຂອງ ໄດ້, ຊຶ່ງຈະຫລຸດຜ່ອນ ການຜ່ານ ລົງມາ ຂອງ ອາຫານ ການກິນ ຕາມລໍາແມ່ນໍ້າຂອງ ໃນຍາມຝົນ ແລະ ກັນບໍ່ໃຫ້ ນໍ້າບົກແຫ້ງ ເກີນໄປ ໃນຍາມແລ້ງ ໄດ້ ໃນເຂດ ປະເທດຈີນ.

ການສາມາດ ຄວບຄຸມ ກະແສນໍ້າ ໄດ້ຖືວ່າ ເປັນການພັທນາ ທີ່ມີຄວາມ ຕ້ອງການ, ແຕ່ນີ້ ເປັນຄວາມ ເຂົ້າໃຈຜິດ ເພາະວ່າ ພັຍນໍ້າຖ້ວມ ມີສ່ວນ ສໍາຄັນ, ໂດຍສະເພາະ ການພັດພາ ເອົາດິນຝຸ່ນ ລົງມາໃສ່ ພາກລຸ່ມ ເຂດ ກະສິກັມ. ເຖິງວ່າຜົນ ກະທົບ ຈາກ ເຂື່ອນຈີນ ຈະໃຊ້ ເວລາດົນນານ ພໍສົມຄວນ ຈຶ່ງຈະອອກລິດ, ແຕ່ເຂື່ອນ ໃນພາກລຸ່ມ ຂອງ ແມ່ນໍ້າຂອງ ຈະສົ່ງຜົນ ກະທົບ ທັນທີ ໃຫ້ ປະຊາຊົນ 60 ລ້ານ ຄົນ ທີ່ອາສັຍ ຢູ່ອ່າງ ແມ່ນໍ້າຂອງ ນີ້.

ສະຖານະການ ທີ່ເປັນໄປໄດ້ ກໍແມ່ນວ່າ ຫາກນໍ້າຂອງ ກາຍເປັນ ພື້ນທີ່ ທີ່ບໍ່ມີປາ ເປັນອາຫານ ຄືເກົ່າ ແລະ ບໍ່ເປັນພື້ນທີ່ ກະສິກັມ ທີ່ອຸດົມ ສົມບູນ ແລະ ສາຍນໍ້າ ທີ່ໄຫລຜ່ານມາ ຈາກ ຈີນ ກາຍເປັນພຽງ ແຕ່ບຶງໃຫຍ່ ທີ່ບໍ່ ອຸດົມ ສົມບູນ ແລ້ວ ປະເທດ  ໃນລຸ່ມ ແມ່ນໍ້າຂອງ ຈະເປັນຈັ່ງໃດ.

ນີ້ແມ່ນ ຄໍາຖາມຈາກ ທ່ານ Milton Osborne ນັກຄົ້ນຄວ້າ ຈາກ ສະຖາບັນ ນະໂຍບາຍ ນາໆຊາດ Lowy ໃນ ຊິດນີ ອອສເຕຣເລັຍ ທີ່ໄດ້ຂຽນ ບົດຄວາມ ຫລາຍຢ່າງ ກ່ຽວກັບ ແມ່ນໍ້າຂອງ.

ຄໍາເຫັນ (2)
Share

ຜູ້ອ່ານທີ່ບໍ່ອອກຊື່

ເປັນການເຫັນຜົນປະໂຫຍດສ່ວນຕົວຂອງ ນັກການເມືອງຂັ້ນສູງຫລາຍກວ່າ ຜົນປະໂຫຍດຂອງປະຊາຊົນ.. ພວກກິນບ້ານກິນເມືອງ!

Jul 10, 2011 12:56 PM

ຜູ້ອ່ານທີ່ບໍ່ອອກຊື່

I agree with Sir Milton, We leaving with the nature so we should keeping the nature same like they try to keep us up

Jul 08, 2011 12:26 AM

ເຕັມຫນ້າ