ລາວຫຼີ້ນເກມເດີນຫນ້າ ສ້າງເຂື່ອນໄຊຍະບູຣີ

ວຽກງານ ການກໍ່ສ້າງ ເຂື່ອນ ໄຊຍະບູຣີ ໃນເຂດ ພາກເຫນືອ ຂອງລາວ ກຳລັງ ຈະເດີນຫນ້າ ໃນເວລາ ນີ້.
ສິດນີ
2012-07-24
Share

ການເດີນໜ້າ ໃນໂຄງການ ສ້າງເຂື່ອນ ໄຊຍະບູຣີ ຊື່ງ ເປັນຄວາມສ່ຽງ ຕໍ່ການ ຕັດສີນໃຈ ຂອງ ຄນະ ກັມມະທິການ ແມ່ນ້ຳຂອງ ໃນເດືອນ ທັນວາ ຜ່ານວ່າ ໃຫ້ສລໍ ການກໍ່ສ້າງ ໄປກ່ອນ ເພື່ອສືກສາ ຜົລກະທົບ ຕໍ່ ສີ່ງແວດລ້ອມ ເພີ້ມເຕີ່ມ. (ອົງການ ປົກປ້ອງ ສັດປ່າ ຕັກເຕືອນ)

ອົງການ ດັ່ງກ່າວ ຖແລງວ່າ ໃນອາທິດ ທີ່ຜ່ານມາ ໂຕແທນ ນັກການທູດ ຈາກ ຫລາຍປະເທດ ໃນລາວ ອົງການ ບໍຣິຈາກ ແລະ ອົງການ ທີ່ບໍ່ຂື້ນ ກັບຣັຖບານ ຫລາຍອົງການ ຮ່ວມດ້ວຍ ອົງການ ກອງທືນ ສາກົນ ໄດ້ເຂົ້າຮ່ວມ ກອງປະຊຸມ ກັບເຈົ້າຫນ້າທີ່ ລາວ ແລະ ທີ່ປືກສາ ຈາກ ຕ່າງປະເທດ ເພື່ອຮັບຟັງ ການຊີ້ແຈງ ລາຍລະອຽດ ກ່ຽວກັບ ເຂື່ອນດັ່ງກ່າວ ຮ່ວມດ້ວຍ ການໄປ ທັສນະ ສືກສາ ພື້ນທີ່ ທີ່ຈະສ້າງ ເຂື່ອນ.

ກອງປະຊຸມ ດັ່ງກ່າວ ຖືກຈັດຂື້ນ ຫລັງຈາກ ທີ່ມີການ ຕຳນິ ແລະ ປະທ້ວງ ກ່ຽວກັບ ການສະສາງ ພື້ນທີ່ ແລະ ການເລີ້ມຕົ້ນ ບຸກເບີກ ທີ່ດີນ ໃນບ່ອນ ທີ່ຈະສ້າງ. ດຣ. ຈຽນ ຮົວເມັງ ນັກຊ່ຽວຊານ ດ້ານການ ພັທນາ ທີ່ຢືນຢົງ ຈາກການສ້າງ ເຂື່ອນ ຂອງ ອົງການ ກອງທືນ ປົກປ້ອງ ສັດປ່າ ສາກົນ ກ່າວວ່າ ໃນຂນະ ທີ່ ຣັຖບານ ເປັນເຈົ້າພາບ ຈັດໃຫ້ ມີການຢ້ຽມຢາມ ພື້ນທີ່ ສ້າງເຂື່ອນ ຢ່າງຈະແຈ້ງ ແບບນີ້ ມັນເປັນການ ສະແດງ ໃຫ້ເຫັນວ່າ ການສ້າງເຂື່ອນ ຂອງລາວ ກຳລັງ ຈະເດີນຫນ້າ ຕໍ່ໄປ ທ່ານວ່າ ມັນເປັນເວລາທີ່ ເຫມາະສົມ ແລະ ສຳຄັນ ໃນເວລານີ້ ທີ່ ຣັຖບານ ຂອງປະເທດ ໃນຂົງເຂດ ຈະອອກມາ ປະກາດ ຈຸດຢືນ ຂອງຕົນ ກ່ຽວກັບ ຄວາມກັງວົນ ຕໍ່ຜົລກະທົບ ຕໍ່ ສີ່ງແວດລ້ອມ ໃຫ້ຈະແຈ້ງ ແລະ ແຂງແກ່ນ ຕໍ່ໂຄງການ ເຂື່ອນ ໄຊຍະບູຣີ.

ສປປລາວ ໄດ້ຈ້າງ ບໍຣິສັດ ຝຣັ່ງເສດ ແລະ ຟີນແລນ ໃນການສືກສາ ຜົລກະທົບ ຕໍ່ ສີ່ງແວດລ້ອມ ເພີ້ມຕື່ມ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ