ຊໍ ການຊ່າງໝັ້ນໃຈວ່າ ເຂື່ອນຈະໄດ້ສ້າງ

ບໍຣິສັດ ຊໍ ການຊ່າງ ຂອງໄທ ເປີດເຜີຍ ວ່າ ໂຄງການ ສ້າງເຂື່ອນ ໄຟຟ້າ ໄຊຍະບຸຣີ ຈະໄດ້ ຮັບການ ອະນຸມັດ ໃຫ້ກໍ່ສ້າງ ພາຍໃນ 30 ມື້
ໂພໄຊສວັດ
2011-04-25
ອີແມວລ໌
ຄໍາເຫັນ
Share
ພິມ
ການປະທ້ວງຕໍ່ຕ້ານເຂື່ອນຂອງຊາວລຸ່ມແມ່ນໍ້າຂອງຢູ່ໜ້າສໍານັກງານຂອງ ບໍຣິສັດຊໍການຊ່າງຊື່ງເປັນຜູ້ຮັບເໝົາກໍ່ສ້າງເຂື່ອນທີ່ແຂວງໄຊຍະບູຣີ
ການປະທ້ວງຕໍ່ຕ້ານເຂື່ອນຂອງຊາວລຸ່ມແມ່ນໍ້າຂອງຢູ່ໜ້າສໍານັກງານຂອງ ບໍຣິສັດຊໍການຊ່າງຊື່ງເປັນຜູ້ຮັບເໝົາກໍ່ສ້າງເຂື່ອນທີ່ແຂວງໄຊຍະບູຣີ
RFA

ກົດຟັງສຽງ

ທ່ານ ປຣິວ ໄຕຣວິສວາເວດ ປະທານ ຜູ້ຈັດການ ບໍຣິສັດ ຊໍ ການສ່າງ ກ່າວ ໃນກອງປະຊຸມ ຂອງຜູ້ຖືຮຸ້ນ ບໍຣິສັດ ໃນມື້ ວັນທີ 22 ເມສາ 2011 ວ່າ ທ່ານເຊື່ອວ່າ ຣັຖບານລາວ ຈະອະນຸມັດ ໂຄງການ ກໍ່ສ້າງເຂື່ອນ ໄຟຟ້າ ໄຊຍະບຸຣີ ພາຍໃນ 30 ມື້. ອີງຕາມ ລາຍງານ ຈາກ The Nation ຂອງໄທ ໃນມື້ ວັນທີ 23 ເມສາ 2011.

ໂຄງການ ດັ່ງກ່າວ ໄດ້ຮັບການ ຕໍ່ຕ້ານ ຢ່າງກວ້າງຂວາງ ຈາກ ກຸ່ມຄົນ ຕ່າງໆ ແລະ ອົງການ ທີ່ບໍ່ສັງກັດ ຣັຖບານ ທີ່ມີຄວາມ ວິຕົກ ກັງວົນ ກ່ຽວກັບ ຜົນກະທົບ ຕໍ່ສະພາບ ແວດລ້ອມ ໃນແມ່ນໍ້າຂອງ, ດັ່ງນັ້ນ ການອອກແບບ ຈຶ່ງໄດ້ໃຊ້ ງົບປະມານ ຫລາຍກວ່າ 10 ຕື້ບາດ ໃນການສ້າງ ລະບົບ ປົກປ້ອງ ສິ່ງແວດລ້ອມ.

ທ່ານກ່າວ ຕໍ່ໄປວ່າ ທ່ານເຊື່ອວ່າ ສັນຍາ 3 ສະບັບ ກ່ຽວກັບ ໂຄງການ ດັ່ງກ່າວ ຈະມີການ ລົງນາມ ພາຍໃນ 30 ມື້ ຂ້າງໜ້ານີ້. ສັນຍາ ທັງ 3 ສະບັບ ທີ່ຈະຕ້ອງ ໄດ້ເຊັນ ກໍມີ 1/- ສັນຍາ ກໍ່ສ້າງ ໂຮງງານ ເຂື່ອນໄຟຟ້າ ກັບຣັຖບານ ລາວ 2/- ສັນຍາ ຊື້ຂາຍ ກະແສ ໄຟຟ້າ ກັບການ ໄຟຟ້າ ຝ່າຍຜລິດ ແຫ່ງປະເທດໄທ ແລະ 3/- ສັນຍາ ກູ້ຢືມເງິນ 80 ຕື້ບາດ ຈາກ 4 ທະນາຄານ ເພື່ອໃຊ້ ໃນການ ກໍ່ສ້າງ.

ທ່ານ ປຣິວ ໄດ້ກ່າວ ຕໍ່ໄປ ອີກວ່າ ຣັຖບານລາວ ໄດ້ສົ່ງ ຄໍາຢືນຢັນ ຢ່າງບໍ່ເປັນ ທາງການ ວ່າໂຄງການ ດັ່ງກ່າວ ຈະດຳເນີນ ຕໍ່ໄປ ແລະ ຈະສົ່ງຄຳ ຢືນຢັນ ຢ່າງເປັນ ທາງການ ພາຍໃນ 2 ອາທິດ.
ຫາກໂຄງການ ກໍ່ສ້າງ ເຂື່ອນໄຟຟ້າ ໄຊຍະບຸຣີ ໄດ້ຮັບ ອະນຸມັດ ບໍຣິສັດ ຊໍ ການຊ່າງ ກໍຈະໄດ້ ສັນຍາ ກໍ່ສ້າງ ມູນຄ່າ 76 ຕື້ບາດ ພາຍໃນ 8 ປີ. ທາງ ບໍຣິສັດ ຍັງຈະໄດ້ ເງິນສ່ວນແບ່ງ ຈາກ ບໍຣິສັດ ໄຊຍະບຸຣີ ຈຳກັດ ຫລັງຈາກ ໂຮງງານ ໄຟຟ້າ ດັ່ງກ່າວ ເລີ້ມໃຊ້ ບໍຣິການ ແລະ ຂາຍ ກະແສ ໄຟຟ້າ ໃຫ້ການໄຟຟ້າ ຝ່າຍຜລິດ ແຫ່ງ ປະເທດໄທ Egat.

ເຕັມຫນ້າ