ເຄືອຂ່າຍແປດແຂວງ ໃນໄທຈັດປະຊຸມ

ກຸ່ມເຄືອຂ່າຍ ປະຊາຊົນ 8 ແຂວງ ຂອງໄທ ຈັດປະຊຸມ ຮວບຮວມ ຂໍ້ມູນຫຼັກຖານ ຄວາມບົກຜ່ອງ ຜິດພາດ ຂອງ ບໍຣິສັດ ແລະອົງການ ທີ່ກ່ຽວຂ້ອງ ໃນໂຄງການ ສ້າງເຂື່ອນ ໄຊຍະບູຣີ.
ສົມເນ
2012-02-27
ອີແມວລ໌
ຄໍາເຫັນ
Share
ພິມ
ຊາວໄທຈາກ 8 ແຂວງ ລຸ່ມແມ່ນໍ້າຂອງ ທີ່ຮ່ວມກັນຕໍ່ຕ້ານ ການສ້າງເຂື່ອນ ໄຊຍະບູຣີ
ຊາວໄທຈາກ 8 ແຂວງ ລຸ່ມແມ່ນໍ້າຂອງ ທີ່ຮ່ວມກັນຕໍ່ຕ້ານ ການສ້າງເຂື່ອນ ໄຊຍະບູຣີ
Prachathai-web

ກົດຟັງສຽງ

ໃນວັນຈັນ ວັນທີ 27 ກຸມພາ 2012 ນີ້ ກຸ່ມເຄືອຂ່າຍ ຊາວໄທ ຈາກ 8 ແຂວງ ໄດ້ຈັດ ກອງປະຊຸມ ເພື່ອອອກຄວາມເຫັນ ກ່ຽວກັບ ຜູ້ທີ່ຈະໄດ້ ຮັບຜົນກະທົບ ຈາກເຂື່ອນ ໄຊຍະບູຣີ ຮວມທັງ ຮວບຮວມ ຫລັກຖານ ແລະ ປືກສາຫາລື ຫາຊ່ອງທາງ ດໍາເນີນການ ທາງດ້ານກົດໝາຍ ຕໍ່ອົງການ ທີ່ມີສ່ວນ ກ່ຽວຂ້ອງກັບ ໂຄງການ ສ້າງເຂື່ອນ ໄຊຍະບູຣີ. ດັ່ງຜູ້ຕາງໜ້າ ເຄືອຂ່າຍ 8 ແຂວງ ໄດ້ກ່າວວ່າ:

"ວັນນີ້ຈັດ ເວທີ ທີ່ມຸກດາຫານ ມື້ອື່ນນີ້ ຈັດຢູ່ ບືຶງການ ກັບ ນະຄອນພະນົມ ມື້ຮື ຈັດຢູ່ຊຽງຄານ ເຣື້ອງທີ່ຈະ ສົນທະນາກັນ ກໍມີ ຢາກໃຫ້ພີ່ນ້ອງ ເຂົ້າໃຈເຣື້ອງ ຜົນກະທົບ ສອງ ຊ່ອງທາງ ໃນການຟ້ອງຮ້ອງ ອົງການ ແລະ ບໍຣິສັດ ທີ່ກ່ຽວຂ້ອງ ມີຄວາມຜິດ ໃນດ້ານໃດແດ່ ທໍາຜິດ ບ່ອນໃດແດ່ ຟ້ອງຫຍັງແດ່ ແລ້ວຈະລວບລວມ ຫລັກຖານ ເອກກະສານ".

ນາງເວົ້າວ່າ ເວທີສະແດງ ຄວາມຄິດເຫັນນີ້ ຈະຈັດຂື້ນ 3 ວັນເລີ້ມ ແຕ່ວັນທີ່ 27 ກຸມພາ ໂດຍມີ ປະຊາຊົນໄທ ຈາກແຂວງ ລຸ່ມແມ່ນໍ້າຂອງ ນັກກົດໝາຍ ແລະ ອົງການ ທີ່ບໍ່ຂື້ນກັບ ຣັຖບານ ເຂົ້າຮວມ ຖ້າຫາກວ່າ ປະຊາຊົນ ສ່ວນໃຫ່ຽ ເຫັນພ້ອມ ນໍາແນວທາງ ໃນການຟ້ອງ ກໍຈະມີການ ມອບເອກກະສານ ຫລັກຖານຟ້ອງ ແລະ ລາຍຊື່ ຜູ້ຄັດຄ້ານ ໂຄງການເຂື່ອນ ໃຫ້ທະນາຍຄວາມ ດໍາເນີນການຟ້ອງ ໃນທັນທີ ແລະຕໍ່ໄປ ຈະມີໂຕແທນ ເຄືອຂ່າຍ ອອກໄປ ໂຄສະນາ ແລກປ່ຽນ ຄວາມເຫັນກັບ ປະຊາຊົນ ຢູ່ຕາມເມືອງ ນ້ອຍຕ່າງໆ.

ເມື່ອວັນທີ 10-20 ກຸມພາ ຜ່ານມາ ພະສົງຈາກ ປະເທດໄທ ລາວ ແລະ ວຽດນາມ ໄດ້ເຮັດ ກິຈກັມ ທັມມະຍາຕຣາ ແມ່ນໍ້າຂອງ ດ້ວຍການຍ່າງ ຈາກ ເມືອງຊຽງແສນ ເຖິງ ເມືອງວຽງແກ່ນ ແຂວງຊຽງຮາຍ ຂອງໄທ ເປັນລະຍະ ທາງ 117 ກິໂລແມັດ.

ແຕ່ລະຈຸດຕ່າງໆ ທີ່ພຣະສົງ ໄດ້ໄປແວະນັ້ນ ໄດ້ມີການ ສະແດງ ທັມມະເທສນາ ບັນລະຍາຍ ເຖິງຄວາມສໍາຄັນ ຂອງ ແມ່ນໍ້າຂອງ ການຣັກສາ ລະບົບ ນິເວດ ແມ່ນໍ້າຂອງ ໂດຍກ່າວວ່າ ການພັທນາ ທີ່ບຽດບຽນ ທັມມະຊາດ ບໍ່ແມ່ນ ຢູ່ໃນກົດ ຂອງທັມມະ.

ຄໍາເຫັນ (2)
Share

ຜູ້ອ່ານທີ່ບໍ່ອອກຊື່

ເປັນການດີໄດ້ຄວາມຮູ້ໃສ່ຕົວເອງ ໄນສິ່ງທີ່ບໍ່ທັນຮູ້ ຂໍສະນັບສະຫນູນສືບຕໍ່ໄປ ໃນສິ່ງທີ່ສ້າງກຸສົນ ເພື່ອຊີວິດລວມຂອງມວນມະນຸດ ທົ່ວໄປໃນທົ່ວທຸກຂົງເຂດນີ້.

Mar 01, 2012 07:36 PM

ຜູ້ອ່ານທີ່ບໍ່ອອກຊື່

Bunch of short minded are protesting aginst their own interests.

Feb 29, 2012 01:28 PM

ເຕັມຫນ້າ