ແຂວງອັຕຕະປື ຄວບຄຸມ ສັມປະທານ ກາຣ ຂຸດຄົ້ນໄມ້ ຈາກເຂຕ ໜ້າເຂື່ອນ ເຊຂະໝານ

ແຂວງອັຕຕະປື ເປັນແຂວງໜື່ງທີ່ ປ່າໄມ້ນັບມື້ມີ ນ້ອຍລົງ ຍ້ອນມີໂຄງກາຣ ພັທນາຕ່າງໆຊື່ງ ຮວມທັງກາຣຂຸດຄົ້ນ ໄມ້ບໍ່ຕໍ່າກວ່າ 1,200,000 ແມຕກ້ອນຈາກໂຄງ ກາຣສ້າງເຂື່ອນ ເຊຂະໝານ 1 ຂນາດ 460 ເມກະວັຕໃນເຂຕ ເມືອງຊານໄຊໂດ ບໍຣິສັທເອກຊົນ ວຽຕນາມ ທີ່ທາງກາຣ ສປປລາວ ໃຫ້ຄວາມສຳຄັນ ແກ່ວຽຕນາມ ຕລອດມາ. ກ່ຽວກັບເຣື່ອງນີ້ ທ່ານສີສວັນ ຈັນທະໄພບູນ ຫົວໜ້າແຜນກແຜນກາຣ ແລະກາຣລົງທຶນ ປະຈຳແຂວງ ອັຕຕະປື ໄດ້ກ່າວວ່າ:

ໂຄ໊ຕ໊າຂອງເຂື່ອນ ໄຟຟ້າເຊຂະໝານ 1 ປີແລ້ວຕັດບໍ່ໝົດ ປີນີ້ກໍບໍ່ໝົດ ປີໜ້າຕັດຕໍ່ອີກ ຕົວນີ້ພວກເຮົາມີ ຄະນະກັມມະກາຣ ຂອງແຂວງກັບກະຊວງ ຕິດຕາມກາຣຄວບ ຄຸມນັ້ນ ມີກາຣວັດແທກ ໄມ້ຢູ່ໃນສນາມ 1 ແລ້ວຂົນມາສນາມ 2 ແລ້ວຈື່ງເຣີ່ມເຄື່ອນຍ້າຍ.

ທ່ານສີສວັນວ່າ ທາງກາຣຍັງລົງ ກວດກາບັນດາ ເອກຊົນທີ່ເຂົ້າ ມາສັມປທານ ໃຫ້ຂຸດຄົ້ນຕາມກຳໜົດ ແລະຕ້ອງໃຫ້ມີ ກາຣປູກຕົ້ນໄມ້ ເປັນກາຣທົດແທນ ຄືນໂດຽບໍ່ ໃຫ້ມີກາຣເສັຽ ປະໂຍຊໂດຽສະເພາະ ໄມ້ຕາມເຂຕບໍຣິເວນ ສ້າງເຂື່ອນນັ້ນລ້ວນ ແຕ່ເປັນໄມ້ເນື້ອແຂງ ທີ່ມີຄຸນນະພາບ ທາງດ້ານເສຖກິຈ ແລະເທົ່າປັຈຈຸບັນ ໄດ້ຂຸດ ຄົ້ນທັງໝົດແຕ່ 300,000 ແມຕກ້ອນເທົ່ານັ້ນ ຈາກທັງໝົດກວ່າ 1,200,000 ແມຕກ້ອນ ສະນັ້ນທາງກາຣແຂວງ ຈື່ງຕ້ອງຫາທາງ ບໍຣິສັທເຂົ້າມາ ຂຸດຄົ້ນຕື່ມອີກ ດັ່ງທີ່ໄດ້ຊີ້ແຈງເພີ່ມວ່າ:

ເພາະວ່າຍັງຈະ ມີຜູ້ອື່ນມາ ຂຸດຄົ້ນອີກ ເຮົາຕັດເປັນລອ໊ກ ເຂົາກໍມາສຳຣວຈ ມາກຽມກາຣຂຸດ ຄົ້ນຕໍ່ປີໜ້າຕ້ອງ ຂຸດຄົ້ນໃຫ້ຫລາຍ ເພາະເຂົາຈະເຣີ່ມ ກັ້ນເຂື່ອນແລ້ວ.

ເຈົ້າໜ້າທີ່ລາວທ່ານນີ້ ໄດ້ຊີ້ແຈງເພີ່ມວ່າ: ເພື່ອດຶງດູດແລະ ໃຫ້ຄວາມສະດວກ ແກ່ຜູ້ເຂົ້າມາ ສັມປະທານ ທາງກາຣລາວມີ ນະໂຍບາຍອະນຸຍາຕ ໃຫ້ເຂົາເຈົ້າສົ່ງ ເປັນ ລັກສະນະໄມ້ ທ່ອນອອກຂາຍຕ່າງ ປະເທສໄດ້  ແທນທີ່ຈະໃຫ້ເປັນ ໄມ້ແປຮູບຢູ່ ເມືອງລາວເສັຽກ່ອນ  ແລະພ້ອມດຽວກັນ ນີ້ທາງກາຣແຂວງ ຍັງຕ້ອງກາຣ ຜູ້ມາ ສັມປະທານ ຈາກໂຄງກາຣສ້າງເຂື່ອນ ນ້ຳກົງເຂດເ ມືອງພູວົງ ໂດຽແມ່ນເອກຊົນ ຣັສເຊັຽໄດ້ຣັບ ສັມປະທານນັ້ນ.