ກາຣພັທນາແລະການ ສູນເສັຽຊັພຍາກອນ ໃນລາວ

ເພື່ອປະຕິບັຕ ຕາມໂຄງກາຣ ພັທນາປະເທສ ທາງກາຣ ສປປລາວ ຕ້ອງໄດ້ອາສັຍຊາວ ຕ່າງປະເທສເຂົ້າມາ ລົງທຶນ ໃນດ້ານຊັພຍາກອນ ໂດຽສະເພາະກາຣ ຂຸດຄົ້ນ ບໍ່ແຮ່ທາຕຕ່າງໆ ທີ່ທາງກາຣລາວ ຫວັງຈະມີຣາຍຮັບ ເພື່ອນຳໄປໃຊ້ ໃນໂຄງກາຣອື່ນໆ ຊ່ວຍເຫລືອ ປະຊາຊົນ ໃຫ້ຫລຸດພົ້ນຈາກ ຄວາມທຸກຂ໌ຍາກ ດັ່ງທ່ານ ທອງມີ ພົມວິໄຊ ຮອງຣັຖມົນຕຣີ ກະຊວງແຜນກາຣໆ ລົງທຶນກ່າວວ່າ:

“ບໍ່ແຮ່ ພວກເຮົາກໍໄດ້ ເຣີ່ມຕົ້ນຂຸດຄົ້ນ ທີ່ຈຸດສຳຄັນ ຕົວຢ່າງ ເຊໂປນບໍ ພູເບັ້ຽ ມາຍນິ໊ງບໍ ອັນນີ້ກໍເຣັດໃຫ້ ຖືວ່າມີຣາຍຮັບ ເພີ່ມຂຶ້ນ ໃນງົບປະມານ ພວກເຮົາມີຄວາມ ຈຳເປັນ ທີ່ວ່າປະເທສ ຂອງເຮົາຍັງທຸກຂ໌ຍາກ ກໍຈະຕ້ອງໄດ້ ຂຸດບາງຈຸດ ທີ່ມີເສຖກິຈ ເພື່ອສົ່ງອອກ”.

ພ້ອມດຽວກັນນີ້ ທ່ານກໍວ່າ ໃນປັຈຈຸບັນນີ້ ມີກາຣຂຸດຄົ້ນ ບໍ່ແຮ່ທາຕຕ່າງໆ ເຊັ່ນ:ກາຣຂຸດຄົ້ນ ບໍ່ທອງ ບໍ່ຄຳ ບໍ່ເຫລັກ ບໍ່ຖ່ານຫີນ ແລະ ອື່ນໆຫລາຍແຫ່ງ ໂດຽມີນັກ ລົງທຶນ ຈາກພາຍໃນແລະ ຕ່າງປະເທສ ທີ່ເຂົ້າມາຂໍ ສັມປະທານ. ນອກຈາກນັ້ນ ກໍມີກາຣໃຫ້ ສັມປະທານ ໃນໂຄງກາຣກໍ່ສ້າງ ເຂື່ອນໄຟຟ້າພລັງງານ ຫລາຍໆແຫ່ງ ມາເລື້ອຽໆ ທີ່ທາງກາຣລາວ ຈະມີຣາຍຮັບ ເຂົ້າງົບປະມານ.