ລາວແລະໄທຽປະຊຸມ ເຣື້ອງປັກປັນເຂຕແດນ

ທາງກາຣ ລາວແລະໄທຽ ມີກຳໜົດ ຮ່ວມປະຊຸມກັນ ເປັນຄັ້ງທີ່9 ໃນມື້ວັນທີ່7-9 ກຸມພານີ້ ຢູ່ທີ່ບາງກອກ ເພື່ອພິຈາຣະນາ ເຣື່ອງກາຣປັກປັນ ເຂຕແດນ ທາງນ້ຳ ແລະ ທາງບົກ ຣະຫວ່າງກັນ ໂດຽສະເພາະ ຈະມີກາຣ ປຶກສາຫາຣື ກາຣເຮັດແຜນທີ່ ເພື່ອກວດທາງນ້ຳ ແລະປັກເຂຕ ແດນກັນໃໝ່ ດັ່ງທ່ານພູເຂົາ ພົມວົງສາ ປະທານ ອະນຸກັມມະກາຣ ເທຄນິຄ ລາວ-ໄທຽ ຝ່າຍລາວວ່າ:

“ສ່ວນໄທຽຍັງສືບ ຕໍ່ກາຣສຳຣວຈ ປັກຫລັກໝາຍ ຮ່ວມກັນຢູ່ ບ່ອນໃດທີ່ ມັນມີກາຣປ່ຽນ ແປງຫລາຍ ຈາກຕາຝັ່ງ ຫລືຮ່ອງນ້ຳ ເລິກຫັ້ນນ໋າ ມັນກໍຕ້ອງ ມາສຶກສາ ເບິ່ງນຳກັນ ວ່າຕາມ ຫລັກຖານ ທາງປະວັຕສາຕ ມັນຈະຄວນ ມັນຈະຢູ່ ຣະຫວ່າງໃດ ທີ່ຈະຖືກ ຕ້ອງຫັ້ນນ໋າ”.

ກາຣປະຊຸມ ຄນະກັມມາທິກາຣ ເຂຕແດນ ລາວ-ໄທຽ ດັ່ງກ່າວ ຈະມີຣັຖມົນຕຣີ ກາຣຕ່າງປະເທສ ຂອງທັງສອງຝ່າຍ ພ້ອມກັບເຈົ້າໜ້າທີ່ ກ່ຽວຂ້ອງ ທຸກຣະດັບ ເຂົ້າຮ່ວມເພື່ອ ພິຈາຣະນາ ຫາຣື ແກ້ໄຂຮ່ວມກັນ ແລະໃຫ້ສາມາດ ຍຸຕິ ຂໍ້ພິພາທ ເຣື່ອງແນວປັກປັນ ເຂຕແດນທາງນ້ຳ ທີ່ທາງສອງຝ່າຍ ຍັງບໍ່ສາມາດ ຕົກລົງກັນໄດ້ ນັ້ນໃຫ້ສຳເຣັຈ.

ຢ່າງໃດກໍຕາມ ນັບແຕ່ວັນທີ່6 ພຶສພາ 1998 ມາຮອດ ປັຈຈຸບັນນີ້ ທາງເຈົ້າໜ້າທີ່ ກ່ຽວຂ້ອງ ທັງສອງປະເທສ ໄດ້ສຳຣວຈ ເຂຕແດນ ທາງບົກທັງໝົດ 190ຫລັກ ຮວມຣະຍະທາງ 676 ກິໂລແມ໊ຕ ຫລື96% ຂອງຄວາມຍາວ ຂອງຊາຍແດນ ທາງບົກ702 ກິໂລແມ໊ຕ. ສ່ວນກາຣປັກປັນ ເຂຕແດນ ທາງນ້ຳນັ້ນ ກໍໄດ້ຮ່ວມມືກັນ ເພື່ອສຳຣວຈ ຕາມຮ່ອງນ້ຳເລິກ ຄືນໃໝ່ ແຕ່ກໍຍັງບໍ່ທັນ ສຳເຣັຈເທື່ອ ຍ້ອນຍັງມີອຸປສັກ ຕ່າງໆໃນຫລາຍໆຈຸດ ເທົ່າປັຈຈຸບັນນີ້.