ການຄ້າຊາຍແດນລາວໄທ ເພີ້ມຂື້ນ

ຫົວໜ້າດ່ານ ພາສີ ໜອງຄາຍ ຂອງໄທ ເວົ້າວ່າ ມູນຄ່າການຄ້າ ຊາຍແດນ ໄທ-ລາວ ຜ່ານໜອງຄາຍ ຂຍາຍຕົວເພີ້ມຂຶ້ນ ເຖິງແມ່ນວ່າ ເສຖກິດ ຝືດເຄືອງ ແລະ ມີຜົນກະທົບ ຈາກຄ່າເງິນບາດ ແຂງຕົວຂຶ້ນ ກໍຕາມ.
ຈໍາປາທອງ
2010-11-02
Share

ກົດຟັງສຽງ

ພ້ອມກັນນັ້ນ ທ່ານກໍແນະນຳໃຫ້ ຕັ້ງເຂດ ປອດພາສີ ເພື່ອຕອບສນອງ ຄວາມຕ້ອງການ ຂອງປະເທດ ເພື່ອນບ້ານ ແລະຈັດຣະບົບ ການປູກມັນຕົ້ນ ເພື່ອແກ້ໄຂບັນຫາ ສິນຄ້າ ຂອງຊາວ ກະສິກອນໄທ ພາຍຫລັງມີການ ປັບພາສີ ເປັນ 0 ໃນອີກ 5 ປີຂ້າງໜ້າ.

ຫົວໜ້າດ່ານພາສີ ໜອງຄາຍ ເປີດເຜີຍເຖິງ ການນຳເຂົ້າ ແລະສົ່ງອອກ ທີ່ຜ່ານມາ ໃນງົບປະມານ ປີ 2010 ວ່າມູນຄ່າ ການຄ້າ ຊາຍແດນຣະຫວ່າງ ສປປລາວ ແລະ ປະເທດໄທ ຜ່ານດ່ານພາສີ ໜອງຄາຍ ລວມທັງໝົດ 38,128 ລ້ານ 6 ແສນ 3 ໝື່ນບາດ ຄືເພີ້ມຂຶ້ນ 21.75% ຖ້າທຽບໃສ່ປີ 2009 ຊຶ່ງເປັນປີທີ່ ເສຖກິດ ຂອງໂລກ ຂຍາຍຕົວ ພຽງ 2.75%. ສຳລັບການ ນຳເຂົ້າຂອງໄທ ມີມູນຄ່າ 2,858 ລ້ານ 4 ແສນ 9 ໝື່ນບາດ ຄືຂຍາຍຕົວ 40.86%. ສິນຄ້າທີ່ ນຳເຂົ້າ ສ່ວນໃຫຍ່ເປັນ ສິນຄ້າທີ່ໄທ ສົ່ງໄປລາວ ແລ້ວລາວນຳ ກັບຄືນມາໄທ ອີກ ເຊັ່ນ ຖັງແກສຫູງຕົ້ມ ມີມູນຄ່າ ຫລາຍ ເຖິງ 361 ລ້ານບາດ. ສ່ວນການສົ່ງອອກ ມີມູນຄ່າ ເພີ້ມຂຶ້ນ 35,270 ລ້ານ 1 ແສນ 3 ໝືືນບາດ ຄືຂຍາຍຕົວ 20.45%.

ກ່ຽວກັບບັນຫາ ຄ່າເງິນບາດ ແຂງຕົວ ທ່ານກໍວ່າ ໃນຂນະນີ້ ມີສ່ວນກະທົບ ໃສ່ການຊື້ຂາຍ ເພາະມີການ ຊື້ຂາຍ ເປັນເງິນໂດລາ. ຫາກຄ່າເງິນບາດ ແຂງຕົວຫລາຍຂຶ້ນ ປະເທດໃກ້ຄຽງ ເຊັ່ນ ວຽດນາມ ຫລື ຈີນ ກໍຈະເຂົ້າ ມາແຂ່ງຂັນ ໄທກໍຈະເສັຍທ່າ ຫລາຍຂຶ້ນ ໂດຍສະເພາະ ສິນຄ້າ ອຸປໂພກ ບໍຣິໂພກ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.