ຄົນຕິດໂຣຄເອດສ ໃນແຂວງວຽງຈັນ

ຈໍານວນ ຄົນຕິດ ເຊື້ອໂຣຄ ເອດສ ໃນ ນະຄອນຫລວງ ວຽງຈັນ ເພີ້ມຂຶ້ນ ຮອດ 1,000 ກວ່າຄົນ ແລ້ວ.
ໂພໄຊສວັດ
2011-09-27
ອີແມວລ໌
ຄໍາເຫັນ
Share
ພິມ
ນາງພຍາບານ ໃນສູນບໍາບັດ ໂຣຄເອດສ ກໍາລັງ ອະທິບາຍ ກ່ຽວກັບ ວິທີ ຮັກສາ ຕົນເອງ ໃນເວລາ ທີ່ຕິດເຊື້ອ ວາຍຣັສ ໂຣຄເອດສ ເພື່ອຊ່ວຍ ຫຼຸດຜ່ອນ ການແພ່ຂຍາຍ ໄປສູ່ ຄົນອື່ນ
(ພາບທີ່ເຫັນ ແມ່ນ ສູນສູນ ບໍາບັດ ໃນແຂວງ ສວັນນະເຂດ)
ນາງພຍາບານ ໃນສູນບໍາບັດ ໂຣຄເອດສ ກໍາລັງ ອະທິບາຍ ກ່ຽວກັບ ວິທີ ຮັກສາ ຕົນເອງ ໃນເວລາ ທີ່ຕິດເຊື້ອ ວາຍຣັສ ໂຣຄເອດສ ເພື່ອຊ່ວຍ ຫຼຸດຜ່ອນ ການແພ່ຂຍາຍ ໄປສູ່ ຄົນອື່ນ (ພາບທີ່ເຫັນ ແມ່ນ ສູນສູນ ບໍາບັດ ໃນແຂວງ ສວັນນະເຂດ)
HIV/AIDS training/education national staff patient medical

ກົດຟັງສຽງ

ຈໍານວນ ຄົນ ຕິດເຊື້ອ ໂຣຄເອດສ ໃນ ນະຄອນຫລວງ ວຽງຈັນ ນັບຕັ້ງແຕ່ ປີ 1990 ຮອດ 2011 ມີເພີ້ມຂຶ້ນ ທຸກໆປີ. ດຣ. ໄຊຍະວົງ ດວງມະນີ ຮອງຫົວໜ້າ ອົງການ ຕ້ານເຊື້ອ ໂຣຄເອດສ ນະຄອນຫລວງ ວຽງຈັນ ເວົ້າວ່າ:

"ສໍາລັບ ໃນ ນະຄອນຫລວງ ວຽງຈັນ ຕາມລາຍງານ ຈາກສູນ ທີ່ເພິ່ນໄດ້ ສໍາຮວມ ມາຮອດ ປີ 2011 ນີ້ ຈໍານວນ ຜູ້ຕິດເຊື້ອ ມີປະມານ ພັນກວ່າຄົນ ສໍາລັບ ຜູ້ເສັຍ ຊີວິດ ນີ້ແມ່ນ ເປັນຈໍານວນ ຮວມ ທົ່ວປະເທດ ພັນກວ່າຄົນ ສະເພາະ ແຕ່ປີ 1990 ຈົນຮອດ 2011 ນີ້".

ດຣ. ໄຊຍະວົງ ເວົ້າຕໍ່ ໄປວ່າ ທີ່ຜ່ານມາ ທາງສູນກາງ ຕ້ານໂຣຄເອດສ ໄດ້ຈັດ ການຝຶກ ອົບຮົມ ໃຫ້ຄວາມຮູ້ ພື້ນຖານ ຂອງເຊື້ອ HIV ແລະ ພຍາດຕິດຕໍ່ ທາງເພດ ສໍາພັນ ໃຫ້ບັນດາ ແພດໝໍ ໃນ 5 ເມືອງ ພາຍໃນ ນະຄອນຫລວງ ວຽງຈັນ ເພື່ອໃຫ້ ພະນັກງານ ຮູ້ເຖິງ ສະພາບການ ໂຣກເອດສ ໃນລາວ. ຄວາມຮູ້ ພື້ນຖານ ກ່ຽວກັບ ໂຣຄເອດສ ເປັນສິ່ງ ຈໍາເປັນ ທີ່ຕ້ອງ ຮຽນຮູ້ ເພື່ອໃຫ້ ສາມາດ ກວດອາການ ປ່ວຍ ຂອງ ຄົນເຈັບ ໃນເບື້ອງຕົ້ນ ໄດ້ ພ້ອມທັງ ຈະສາມາດ ໃຫ້ຄໍາ ປຶກສາ ທີ່ຖືກຕ້ອງ ແລະ ແຈ່ມແຈ້ງ ແກ່ຜູ້ ຕ້ອງການ ຄໍາແນະນໍາ ໄດ້. ໃນ ປັດຈຸບັນ ຢູ່ ສປປລາວ ມີຜູ້ປ່ວຍ ເປັນໂຣຄເອດສ ທັງໝົດ 4,000 ກວ່າຄົນ, ແຕ່ສະເພາະ ໃນເຂດ ນະຄອນຫລວງ ວຽງຈັນ ມີ 1,000 ກວ່າຄົນ, ຊຶ່ງ ຖືວ່າຫຼາຍ ເມື່ອທຽບໃສ່ ກັບແຂວງ ອື່ນໆ.

ການກວດ ຊອກຫາ ໂຣຄເອດສ ໃນລາວ ແມ່ນມີແຕ່ ການກວດເລືອດ ໂດຍຄວາມ ສມັກໃຈ ຂອງຜູ້ປ່ວຍ. ທາງສູນຕ້ານ ໂຣຄເອດສ ແນະນໍາ ໃຫ້ແມ່ຍິງ ທີ່ຖືພາ ໄປກວດເລືອດ ເພື່ອປ້ອງກັນ ບໍ່ໃຫ້ ເດັກນ້ອຍ ເກີດໃໝ່ ຕິດເຊື້ອ ພຍາດ ດັ່ງກ່າວ.

ເຕັມຫນ້າ