ໂຮງແຮມກາຊີໂນ ດອກຈໍາປາເປີດແລ້ວ

ບ່ອນຫລິ້ນ ການພະນັນ ຫລື ກາສິໂນ ແຫ່ງໃໝ່ ໃນນະຄອນຫລວງ ວຽງຈັນ ເປີດແລ້ວ.
ຈໍາປາທອງ
2012-09-11
ອີແມວລ໌
ຄໍາເຫັນ
Share
ພິມ

ຊາວນະຄອນຫລວງ ວຽງຈັນ ໄດ້ເລົ່າຕໍ່ ວິທຍຸ ເອເຊັຍເສຣີ ໃນວັນທີ 10 ກັນຍາ 2012 ນີ້ວ່າ ບ່ອນຫລິ້ນ ການພະນັນ ຫລື ກາສິໂນ ແຫ່ງໃໝ່ ໃນ ນະຄອນຫລວງ ວຽງຈັນ ເປີດແລ້ວ ເມື່ອຕົ້ນເດືອນ ກັນຍາ ນີ້. ບ່ອນຫລິ້ນ ການພະນັນແຫ່ງໃໝ່ນີ້ ເປັນຂອງນັກ ທຸຣະກິຈ ຕ່າງປະເທດ ຢູ່ໃນໂຮງແຮມ ດອກຈໍາປາ ທີ່ເມືອງ ຫາດຊາຍຟອງ.
ປະຊາຊົນ ຜູ້ຣາຍງານ ເວົ້າເຖິງບ່ອນຫລິ້ນ ການພະນັນ ນັ້ນວ່າ:

"ຊື່ມັນເປັນດອກຈໍາປາ Hotel ເລີຍນະ ຂະເຈົ້າເຮັດເປັນ complex ໃນຫັ້ນຄົບວົງຈອນ ແບບມີທັງຄາສິໂນ ມີທັງໂຮງແຮມ ຈັ່ງຊີ້ນະ ປ້າຍມັນຂຶ້ນແລ້ວ ທໍາອິດປ້າຍບໍ່ທັນ ຂຶ້ນເດ".

ທ່ານເວົ້າຕໍ່ໄປວ່າ ຄາສິໂນແຫ່ງນີ້ ເປັນບ່ອນຫລິ້ນ ການພະນັນ ຂນາດໃຫຍ່ ມີການພະນັນ ແບບຄົບວົງຈອນ ຕ່າງຈາກບ່ອນຫລິ້ນ ການພະນັນ ທີ່ຢູ່ໃກ້ກັບ ຂົວມິຕພາບ ລາວ-ໄທ ແຫ່ງທີ 1 ວຽງຈັນ-ໜອງຄາຍ ຊຶ່ງມີແຕ່ຕູ້ Slot machine ພຽງຢ່າງດຽວ. ຄາສິໂນ ແຫ່ງນີ້ ມີນັກທ່ອງທ່ຽວ ເຂົ້າໄປຫລິ້ນຫຼາຍ ສົມຄວນ ແລະຄາດຄິດວ່າ ຈະມີຄົນ ເຂົ້າໄປຫລິ້ນຫລາຍ ໃນໄວໆນີ້.

ແຕ່ເຖິງຢ່າງໃດ ກໍຕາມ ທ່ານກໍວ່າ ຕົນຍັງບໍ່ທັນ ເຫັນມີ ປະຊາຊົນ ໃນເຂດໃກ້ຄຽງ ຈົ່ມວ່າ ຫຼືວິພາກວິຈານ ກາສິໂນ ນັ້ນແຕ່ຢ່າງໃດ ແຕ່ສໍາລັບຕົນເອງ ແລ້ວແມ່ນ ບໍ່ຢາກໃຫ້ ເປີດຍ້ອນວ່າມັນເປັນ ແຫລ່ງອະບາຍມຸກ ເຮັດໃຫ້ສັງຄົມ ບໍ່ມີຄວາມສງົບ ມັນຈະເປັນທີ່ມາ ຂອງຫລາຍບັນຫາ ສັງຄົມ ຢ່າງແນ່ນອນ ເປັນຕົ້ນການ ຕິດໜີ້ຕິດສິນ ບັນຫາ ອາຊຍາກັມ ຕ່າງໆ.

ກ່ຽວກັບເຣື່ອງນີ້ ຜູ້ສື່ຂ່າວ ເອເຊັຍເສຣີ ໄດ້ຕິດຕໍ່ໄປຍັງ ພາກສ່ວນກ່ຽວຂ້ອງ ໃນນະຄອນຫລວງ ວຽງຈັນ ເພື່ອສອບຖາມ ແຕ່ບໍ່ມີ ເຈົ້າໜ້າທີ່ ຄົນໃດສາມາດ ໃຫ້ຂໍ້ມູນໄດ້.

ຄໍາເຫັນ (2)
Share

Lao people

ຈາກ RDPL

We don't need dok champa Casino Hotel, We need human right, Democracy and freedom.

Sep 18, 2012 10:30 AM

ທ. ທຳມະວົງ

ຈາກ ນະຄອນຫລວງວຽງຈັນ

ຂ້າພະເຈົ້າຄິດວ່າມັນແມ່ນກຸ່ມຄົນ ຂອງເຈົ້ານາຍຫັ້ນແລ້ວ ເພາະການອະນຸມັດຢ່າງເປັນທາງການ ມັນຕ້ອງໃຊ້ເງີນ ແລະ ອຳນາດມີແຕ່ລູກຫລານເພີ່ນເທົ່ານັ້ນແລ້ວ ຈື່ງເຮັດໄດ້ ສ່ວນປະຊາຊົນຄົນລາວ ຜູ້ໃດສະຫລາດນ້ອຍ ກໍ່ເຂົ້າໄປຫລີ້ນເອົາເງີນໄປເຄນໃຫ້ເຂົາ ຫລາຍຄົນກໍ່ຂ້າໂຕເອງຕາຍມາແລ້ວ ຢູ່ກາຊີໂນພູເຂົາຄວາຍ. ນີ້ແມ່ນຫາເງີນເຂົ້າຖົງ ສ່ວນບຸກຄົນທີ່ມີອຳນາດໃນສປປລາວ ແບບເອົາອຳນາດຕົນເອງແລກເອົາ.ຂໍຂອບໃຈ U can reply my email: aiyao2009@yahoo.com

Sep 12, 2012 10:23 AM

ເຕັມຫນ້າ