ກາຊີໂນ ຂ.ຈໍາປາສັກ ຍັງບໍ່ເກີດ

ແຜນການ ເປີດບ່ອນ ກາຊີໂນ ໃນແຂວງ ຈໍາປາສັກ ຍັງບໍ່ຄືບໜ້າ.
ສົມເນ
2012-09-26
ອີແມວລ໌
ຄໍາເຫັນ
Share
ພິມ
ນໍ້າຕົກຕາດ ຄອນພະເພັງ
ນໍ້າຕົກຕາດ ຄອນພະເພັງ
RFA/Viengsay

ເຈົ້າໜ້າທີ່ ຈາກ ແຂວງ ຈໍາປາສັກ ວ່າປັດຈຸບັນ ແຜນການສ້າງ ກາຊີໂນ ຢູ່ໃນເຂດ ເສຖກິດ ພິເສດ ຄອນພະເພັງ ນັ້ນ ບໍ່ທັນມີ ຄວາມຄືບໜ້າ ເທື່ອ ຫລັງຈາກ ທາງການແຂວງ ໄດ້ມີແຜນສະເໜີ ຕໍ່ຣັຖບານ ເມື່ອເດືອນ ທັນວາ ປີ 2011 ແຕ່ທາງແຂວງ ກໍສົນໃຈນໍາ ແຜນການນັ້ນຢູ່:

"ຄືວ່າ ຍັງບໍ່ທັນມີໃດ ບໍ່ມີການຕົກລົງ ລະອຽດ ຕາມແຜນ ກໍຄືດວ່າຢູ່ ແຕ່ວ່າມັນ ບໍ່ທັນເປັນ ການອະນຸມັດ ທາງການ ແລະ ກໍບໍ່ມີວີ້ແວວ ບາງເທື່ອ ເພິ່ນກໍບໍ່ທັນ ມີເປົ້າໝາຍ ລະອຽດ ມີແຕ່ເປັນການ ຫາລືກັນ ກະບໍ່ທັນວ່າ ລືບລ້າງ ບໍ່ທັນວ່າ ອະນຸຍາດ".

ກ່ຽວກັບ ແຜນການສ້າງ ກາຊີໂນ ໃນແຂວງນີ້ ເມື່ອສອບຖາມ ປະຊາຊົນ ບາງຄົນກໍວ່າ ບໍ່ຮູ້ຈັກວ່າ ທາງແຂວງ ມີແຜນຈະສ້າງ ຮູ້ແຕ່ວ່າຈະສ້າງ ເຂດເສຖກິດ ພິເສດ ຂື້ນເທົ່ານັ້ນ. ເຖິງຢ່າງໃດ ກໍດີ ຊາວລາວຄົນນື່ງ ໃຫ້ຄໍາເຫັນວ່າ ບໍ່ເຫັນດີຢາກໃຫ້ ສ້າງຂື້ນ ເພາະວ່າ ບໍ່ຢາກໃຫ້ ຄົນລາວ ຕິດການພະນັນ ດັ່ງທີ່ເຄີຽເປັນ ມາແລ້ວ ໃນແຂວງອື່ນ.

"ແຕ່ດ້ວຍຄວາມຈິງ ເຮົາບໍ່ຢາກ ເຫັນດີນໍາປານໃດ ເພາະວ່າ ມັນເວົ້າເຣື້ອງ ການພະນັນ ຫລາຍຄົນ ເຄີຽມີບັນຫາ ຢູ່ວຽງຈັນ ໄດ້ສູນເສັຽຊັພສິນ ມໍຣະດົກ ພໍ່ແມ່ທີ່ສ້າງມາ ໄດ້ໝົດໄປເລີຽ ເຮັດຜົນກະທົບ ໃຫ້ແກ່ຄົນລາວ".

ເຈົ້າໜ້າທີ່ວ່າ ປັດຈຸບັນ ທາງ ແຂວງຈໍາປາສັກ ກໍາລັງ ຮ່າງກົດໝາຍ ເຂດເສຖກິດ ພິເສດ ໃຫ້ເປັນດໍາຣັດ ຊື່ງຄາດວ່າ ຫລັງຈາກການຮ່າງ ດໍາຣັສ ເປັນທີ່ຮຽບຮ້ອຍ ກໍຈະຮູ້ວ່າ ຈະມີກາສີໂນ ຫລືບໍ່.

ຄໍາເຫັນ (3)
Share

ຕົ້ນ

ຈາກ ປາກເຊ

ສ້າງຂື້ນມາລະດີ ພໍໄດ້ສ້າງເສດຖະກິດ ໄຫ້ບ້ານເຮົາ ກ້າວຫນ້າຂື້ນຕື່ມອິກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 28, 2012 10:08 PM

ສາລີ

ຫ້າມສ້າງເດັດຂາດ ເພາະມັນສິເຮັດໃຫ້ຄອບຄົວ ວຸ້ນວາຍຄື: ດັ່ງແຂວງ ສະຫວັນນະເຂດ ເພາະມີຄົນປຸ້ນຈີ້ຂ້າກັນຕາຍ ຫຼາຍຂື້ນ ໂດຍບໍ່ຮູ້ສາເຫດ

Oct 03, 2012 12:12 PM

ແພງພັນ

ຈາກ ເມືອງເກົ່າ

ສ້າງບໍ່ໄດ້ນັ້ນລະດີ, ຖ້າເກີດຂຶ້ນໄດ້ແລ້ວມັນຈະພາໃຫ້ ມີການປຽ່ນແປງ ໃນສັງຄົມລາວເຮົາ ຈາກດີມາເປັນເຖື່ອນ ແບບຄົບວົງຈອນ, ມີແຕ່ພວກຕ້ອງການທຳລາຍຊາຕ ທຳລາຍສັງຄົມ, ທຳລາຍປະຊາຊົນ ແລະແຜ່ນດິນລາວ ເທົ່ານັ້ນແລ້ວຕ້ອງການຢາກສ້າງ ເພາະພວກນີ້ຕາໂລ້, ຫົວໂປ, ກົ້ນລີບ, ທ້ອງປຸ້ງ, ພຸງຫນາ, ກິນບໍ່ຮູ້ອີ່ມ ພາກັນຄິດສ້າງສາ ແນວຈິບຫາຍວາຍວອດ ທຸກຢ່າງ ແລ້ວກໍ່ອ້າງວ່າ ຈະເຣີນທັນຍຸກທັນສະໄໝ.

Oct 01, 2012 11:55 AM

ເຕັມຫນ້າ