ທາງການລາວແລະຈີນ ຮ່ວມຕ້ານການສໍ້ໂກງ

ທາງກາຣລາວ ຈະໄດ້ຮັບ ກາຣຮ່ວມມື ຈາກ ທາງກາຣຈີນ ສຳລັບ ຕໍ່ຕ້ານ ກາຣ ສໍ້ຣາສ ບັງຫລວງ.
ຫວາດ ສີມູນ
2011-09-23
ອີແມວລ໌
ຄໍາເຫັນ
Share
ພິມ
ທະນາຄານ ອຸດສາຫະກັມ ການກໍ່ສ້າງ ທີ່ກຸງປັກກິ່ງ ທີ່ຖືກທາງການ ສອບສວນ ໃນຂໍ້ຫາ ຣະເມີດ ກົດຣະບຽບ ທະນາຄານ ຊື່ງມີ ເຈົ້າໜ້າທີ່ ພະນັກງານ ທະນາຄານ ເຖີງ 1,841 ຄົນ ໃນຈໍານວນ 157 ສາຂາ ທີ່ຖືກດໍາເນີນ ຄະດີ ແລະ ເປັນຄັ້ງໃຫຍ່ ໃນ ປະວັທການ ເມື່ອວັນທີ  26 ເດືອນ ມົກກະຣາ 2005. (ຕົວຢ່າງ ປາບປາມ ການສໍ້ໂກງ)
ທະນາຄານ ອຸດສາຫະກັມ ການກໍ່ສ້າງ ທີ່ກຸງປັກກິ່ງ ທີ່ຖືກທາງການ ສອບສວນ ໃນຂໍ້ຫາ ຣະເມີດ ກົດຣະບຽບ ທະນາຄານ ຊື່ງມີ ເຈົ້າໜ້າທີ່ ພະນັກງານ ທະນາຄານ ເຖີງ 1,841 ຄົນ ໃນຈໍານວນ 157 ສາຂາ ທີ່ຖືກດໍາເນີນ ຄະດີ ແລະ ເປັນຄັ້ງໃຫຍ່ ໃນ ປະວັທການ ເມື່ອວັນທີ 26 ເດືອນ ມົກກະຣາ 2005. (ຕົວຢ່າງ ປາບປາມ ການສໍ້ໂກງ)
AFP PHOTO/Frederic J. BROWN


ກົດຟັງສຽງ

ໃນຂນະທີ່ ຮ່ວມປະຊຸມ ກັນຢູ່ ກຸງປັກກິ່ງ ຣະຫວ່າງ ທ່ານ He Guoqiang ສະມາຊິກ ກົມກາຣເມືອງ ສູນກາງພັກ ຄອມມີວນິສຕ໌ຈີນ ແລະ ທ່ານ ບຸນທອງ ຈີຕມະນີ ປະທານ ຄນະ ກວດກາ ສູນກາງພັກ ໃນມື້ວັນ ພຣະຫັດ ນີ້ນັ້ນ, ຕ່າງກໍ ຢືນຢັນ ທີ່ຈະໃຫ້ ມີກາຣຂຍາຍ ດ້ານ ກາຣຮ່ວມມື ແລະ ກາຣແລກປ່ຽນ ຂໍ້ມູລ ຕໍ່ຕ້ານ ກາຣສໍ້ຣາສ ບັງຫລວງ ຮ່ວມກັນ ໃຫ້ໄດ້ ໃນຂັ້ນ ຕໍ່ໄປ.

ທ່ານ He Guoqiang ໄດ້ກ່າວ ເນັ້ນວ່າ ທາງກາຣຈີນ ໄດ້ເອົາ ມາຕກາຣ ດ້ານປາບປາມ ກາຣທຸຈຣິຕ ພ້ອມຍັງມີ ກາຣຈັດຫ້ອງ ກາຣຍຸທສາຕ ແຫ່ງຊາຕ ເພື່ອດຳເນີນ ກາຣສືບສວນ ແລະ ສອບສວນ ພ້ອມກັບ ຫາວິທີທາງ ປ້ອງກັນ ບໍ່ໃຫ້ ບັນຫາ ຂອງກາຣ ທຸຈຣິຕ ເກີດຣະບາດ ຮ້າຍແຮງ ໄປກວ່ານີ້ ແຕ່ຢ່າງໃດ. ສະນັ້ນ ທາງກາຣຈີນ ຈຶ່ງມີກາຣ ເນັ້ນ ແລະ ພ້ອມແລ້ວ ທີ່ຈະໃຫ້ ຄວາມຊ່ວຍເຫລືອ ແກ່ ທາງກາຣລາວ ໃນດ້ານ ກຳຈັດ ແລະ ປາບປາມ ບັນຫາ ກາຣສໍ້ຣາສ ບັງຫລວງ ຢູ່ລາວ ໃນປັຈຈຸບັນ.

ເຖິງຢ່າງໃດ ກໍຕາມ ໃນຣາຍງານ ປະຈໍາປີ 2010 ທີ່ຜ່ານມາ ຂອງ ອົງກາຣ ຕິດຕາມ ເບີ່ງ ດ້ານຄວາມ ໂປ່ງໃສ ໃນທົ່ວໂລກ ຫລື Transparency International ທີ່ນຳອອກ ເຜີຽແພ່ ໃນຕົ້ນປີ 2011 ນັ້ນ ກໍມີກາຣ ກ່າວເຖິງ ບັນຫາ ກາຣສໍ້ຣາສ ບັງຫລວງ ຢູ່ໃນ ສປປລາວ ວ່າ ຍັງບໍ່ມີ ຄວາມຄືບໜ້າ ແຕ່ຢ່າງໃດ ຊຶ່ງຕົກຢູ່ ໃນອັນດັບ 154 ໃນຈຳນວນ ປະເທສ ທີ່ມີກາຣ ສຳຣວຈ ທັງໝົດ 178 ປະເທສ ດ້ວຍກັນ ທຽບໃສ່ ປະເທສຈີນ ທີ່ຢູ່ໃນ ອັນດັບ 78.

ເຕັມຫນ້າ