ການພົວພັນ ຈີນ-ລາວ

ຈີນ ຫາ ຊ່ອງທາງ ເພີ້ມ ການພົວພັນ ຈີນ-ລາວ ໃຫ້ ຫລາຍຂຶ້ນ.
ຈະເຣີນສຸກ
2011-06-29
ອີແມວລ໌
ຄໍາເຫັນ
Share
ພິມ
ການສ້າງສາຂອງ ເສັ້ນທາງ R3A ຊື່ງມີຈີນຮ່ວມ ລົງທຶນນໍາ
ການສ້າງສາຂອງ ເສັ້ນທາງ R3A ຊື່ງມີຈີນຮ່ວມ ລົງທຶນນໍາ
RFA

ກົດຟັງສຽງ

ເອກອັຄຣາຊທູດ ຈີນ ປະຈໍາລາວ, ຍານາງ ຈຽງໂກ ບູ, ກ່າວທີ່ ນະຄອນຫລວງ ວຽງຈັນ ໃນວັນ ອັງຄານ ນີ້ ວ່າ ຣັຖບານ ຈີນ ຈະພຍາຍາມ ໄປໃນ ທິດທາງ ບວກ ເພື່ອສົ່ງເສີມ ສາຍສັມພັນ ຣະຫວ່າງ ປະເທດຈີນ ແລະ ລາວ.

ຍານາງ ກ່າວ ທີ່ສະຖາບັນ ແຫ່ງຊາດລາວ ວ່າດ້ວຍ ການປົກຄອງ ແລະ ການເມືອງ ເພື່ອສລອງ ຄົບຮອບ 90 ປີ ຂອງການ ສ້າງຕັ້ງ ພັກ ຄອມມິວນິສທ໌ ຈີນ, ກົງກັບ ວັນທີ 1 ເດືອນ ກໍຣະກະດາ, ຊຶ່ງໃນນັ້ນ ຍານາງ ໄດ້ທົບທວນ ກ່ຽວກັບ ປວັດສາດ ແລະ ຂໍ້ມູນ ພື້ນຖານ ຂອງພັກ, ແລະ ອະທິບາຍ ວິທີການສ້າງ ປະເທດ ສັງຄົມ ນິຍົມ ໃນຮູບແບບ ຂອງຈີນ.

ໃນຂນະທີ່ ທົບທວນ ກ່ຽວກັບ ຄວາມສັມພັນ ຣະຫວ່າງ ສອງປະເທດ ໃນຫລາຍ ທົສວັດ ຜ່ານມາ, ຍານາງ ບູ ກ່າວວ່າ ຍານາງ ເຊື່ອວ່າ ຈີນ ແລະ ລາວ ຈະສືບຕໍ່ ເປັນປະເທດ ເພື່ອນບ້ານ, ເພື່ອນມິດ, ເພື່ອນສນິດ ແລະ ເພື່ອຮ່ວມງານ ທີ່ດີ ຕລອດໄປ.

ເພື່ອສົ່ງເສີມ ຄວາມສັມພັນ ແລະ ການຮ່ວມມື ທີ່ເປັນມິດ ຣະຫວ່າງ 2 ປະເທດ, ເອກອັຄຣາຊທູດ ຈີນ ກ່າວວ່າ ສອງຝ່າຍ ຄວນ ຮັກສາ ການແລກປ່ຽນ ການຢ້ຽມຢາມ ຣະດັບສູງ, ເພີ້ມຄວາມ ເຂັ້ມແຂງ ໃນການ ພົວພັນ ສອງຝ່າຍ, ປະສານງານ ແລະ ຕິດຕໍ່ ພັວພັນ ກ່ຽວກັບ ບັນຫາ ສໍາຄັນ ໃນຣະດັບ ສາກົນ, ເພີ້ມທະວີ ການແລກປ່ຽນ ປະສົພການ ໃນການ ບໍຣິຫານ ແລະ ການປົກຄອງ ຂອງພັກ, ແລະ ເຂົ້າຮ່ວມ ໃນການ ຝຶກອົບຮົມ ສະມາຊິກ ພັກ.

ຈີນ ມີຄວາມ ເຕັມໃຈ ໃຫ້ການ ຊ່ອຍເຫລືອ ແກ່ລາວ ຫລາຍຂຶ້ນ ກ່ຽວກັບ ພື້ນຖານ ຄວາມ ເທົ່າທຽມກັນ ແລະ ຜົນປໂຍດ ຮ່ວມກັນ ໃນຫລາຍ ຮູບແບບ ຂອງການ ພັທນາ, ຮວມທັງ ຜົນປໂຍດ ທາງດ້ານ ພູມີສາດ, ຂຍາຍ ເຂດການຄ້າ ແລະ ປັບປຸງ ການຮ່ວມມື ຂຶ້ນສູ່ ຣະດັບໃໝ່ ຜ່ານ ການສົ່ງເສີມ ໂຄງການ ການຮ່ວມມື ດ້ານຍຸທສາດ.

ເຕັມຫນ້າ