ຄໍາກ່າວຫາເຣື້ອງຄວາມໄວ ຂອງຣົດໄຟຈີນ

ເຈົ້າໜ້າທີ່ ທາງການ ຣົດໄຟ ຈີນ ປະຕິເສດ ຄໍາກ່າວຫາ ໃນເຣື້ອງ ໃຫ້ຂໍ້ມູນ ທີ່ບໍ່ເປັນຈິງ.
ສົມເນ
2011-06-28
ອີແມວລ໌
ຄໍາເຫັນ
Share
ພິມ
ຣົດໄຟຈີນ ຄວາມໄວສູງ 250km/h ທີ່ກໍາລັງໃຊ້ແລ່ນ ໃນພາກໃຕ້ ຂອງຈີນ ແລະເປັນຣົດໄຟ ແບບດຽວກັນ ທີ່ຈະຕໍ່ເຂົ້າ ຫາສປປລາວ
ຣົດໄຟຈີນ ຄວາມໄວສູງ 250km/h ທີ່ກໍາລັງໃຊ້ແລ່ນ ໃນພາກໃຕ້ ຂອງຈີນ ແລະເປັນຣົດໄຟ ແບບດຽວກັນ ທີ່ຈະຕໍ່ເຂົ້າ ຫາສປປລາວ
china-speed-train

ກົດຟັງສຽງ

ໃນວັນຈັນ ນີ້ ເຈົ້າໜ້າທີ່ ລະດັບສູງ ການຣົດໄຟ ຈີນ ໄດ້ ປະຕິເສດ ຄໍາກ່າວຫາ ຂອງອາດີດ ເຈົ້າໜ້າທີ່ ກະຊວງ ດຽວກັນ ທີ່ລົງຂ່າວ ໃນ ວາຣະສານ ໄກຈິງ ອ້າງວ່າ ທາງກະຊວງ ໂຄສະນາ ວ່າ ຣົດໄຟ ຄວາມໄວສູງ ຂອງຈີນ ສາມາດ ແລ່ນ ໄວໄດ້ເຖິງ 350 km/h ອັນນີ້ ແມ່ນຜິດ. ທ່ານວ່າ ທາງກະຊວງ ບໍ່ໄດ້ເວົ້າ ແນວນັ້ນ ມີແຕ່ ເວົ້າວ່າ ຣົດໄຟ ຄວາມໄວສູງ ຂອງຈີນ ແລ່ນໄວ ສະດວກ ສະບາຍ ແລະ ມີຄວາມປອດໄພ.

ໃນລະຍະນີ້ ທາງການ ກະຊວງ ຣົດໄຟຈີນ ພຍາຍາມ ປະຊາສໍາພັນ ໃຫ້ປວງຊົນ ເຂົ້າໃຈ ກ່ຽວກັບ ຄວາມປອດໄພ ຂອງຣົດໄຟ ຄວາມໄວສູງ ເສັ້ນທາງ ປັກກິ່ງ-ຊ່ຽງໄຮ້ ຊື່ງ ກໍານົດແລ່ນ ບໍຣິການ ໃນທ້າຍເດືອນ ມີຖຸນາ ນີ້. ເສັ້ນທາງ ຣົດໄຟ ຄວາມໄວສູງ ລະຫ່ວາງ ກຸງປັກກິ່ງ ກັບ ນະຄອນຊ່ຽງໄຮ້ ມີຄວາມຍາວ 1,318 km ທົດລອງ ແລ່ນ ເມື່ອວັນທີ່ 11 ພືສພາ ຜ່ານມາ ຊື່ງຄາດວ່າ ຈະຮັບ ຜູ້ໂດຍສານ ລະຫ່ວາງ ສອງໂຕ ເມືອງນີ້ ໄດ້ 97,000 ຄົນ ໃນແຕ່ ລະວັນ.

ເຈົ້າໜ້າທີ່ ກະຊວງ ຣົດໄຟຈີນ ວ່າ ຣົດໄຟ ຄວາມໄວສູງ ສອງຊນິດ ທີ່ ສາມາດ ແລ່ນດ້ວຍ ຄວາມໄວ ສູງສຸດ 350 km/h ແລະ 380 km/h ຖືກພັທນາ ຕ່າງຫາກ ໂດຍຈີນ ດ້ວຍການໃຊ້ ເທັກໂນໂລຈີ ຣົດໄຟ ຄວາມໄວສູງ ທີ່ແລ່ນ 200 km/h ແລະ 250 km/h ນໍາເຂົ້າຈາກ ຕ່າງປະເທດ ເປັນພື້ນຖານ ໃນການ ອອກແບບ ແລະສ້າງ. ສ່ວນຣົດໄຟ ຄວາມໄວສູງ ແລ່ນ ລະຫ່ວາງ ກຸງປັກກິ່ງ- ຕຽນຈິນ ແລະ ຊ່ຽງໄຮ້ ມີຄວາມໄວ 350 km/h.

ເຕັມຫນ້າ