ສູນບຳບັດຢາເສພຕິດ ຄວນປາສຈາກການທາຣຸນ

ມາດາມ ຄຣິນຕັນ ຄວນແນະນຳ ຣັຖບານ ລາວ ໃຫ້ອອກຄໍາສັ່ງ ຍຸຕິ ການທາຣຸນ ທີ່ສູນບຳບັດ ຢາເສພຕິດ.
ສິດນີ
2012-07-10
ອີແມວລ໌
ຄໍາເຫັນ
Share
ພິມ
ພວກຜູ້ຍິງ ຕິດຢາບ້າ ທີ່ປິ່ນປົວ ໃນ ສູນບໍາບັດ ສົມສງ່າ ນະຄອນຫຼວງ ວຽງຈັນ (ຮູປຖ່າຍ 29 ກັນຍາ 2010)
ພວກຜູ້ຍິງ ຕິດຢາບ້າ ທີ່ປິ່ນປົວ ໃນ ສູນບໍາບັດ ສົມສງ່າ ນະຄອນຫຼວງ ວຽງຈັນ (ຮູປຖ່າຍ 29 ກັນຍາ 2010)
Prince Roy

ອົງການສິ້ງຊອມ ດ້ານ ສິດທິມະນຸດ ອອກຖແລງ ໃນມື້ນີ້ ວ່າ  ຣັຖມົນຕຣີ ຕ່າງປະເທດ ສະຫະຣັຖ ມາດາມ ຄຣິນຕັນ ຄວນແນະນຳ ໃຫ້ຣັຖບານ ລາວ ປ່ອຍໂຕ ຜູ້ຕິດ ຢາເສພຕິດ ທີ່ຖືກກັກຂັງ ຢູ່ສູນ ບ້ານສົມສງ່າ ໃນໂອກາດ ທີ່ຈະມີ ການພົບປະກັບ ນາຍົກຣັຖມົນຕຣີ ລາວ ທ່ານ ທອງສິງ ທັມມະວົງ ທີ່ກຳນົດຂື້ນ ໃນວັນທີ 11 ກໍຣະກະດາ 2012 ທີ່ ນະຄອນ ຫລວງ ວຽງຈັນ.

ອົງການດັ່ງກ່າວ ຖແລງວ່າ  ຣັຖບານ ສະຫະຣັຖ ຕ້ອງງົດເງີນ ຊ່ອຍເຫລືອ ໃນສູນບຳບັດ ແຫ່ງນັ້ນ ຈົນກວ່າຈະມີ ການສືບສວນ ຈາກ ກຸ່ມເອກຣາຊ ຢ່າງຄົບຖ້ວນ ກ່ຽວກັບ ການ ຣະເມີດ ສິດທິມະນຸດ ໃນສູນບໍາບັດ ດັ່ງກ່າວ ແລະ ສ້າງຕັ້ງມາຕການ ການປົກປອ້ງ ເພື່ອບໍ່ໃຫ້ ບັນຫາ ການທາຣຸນ ເກີດຂື້ນອີກ ໃນອະນາຄົດ ຕໍ່ຜູ້ທີ່ຖືກ ກັກຂັງ ຮ່ວມທັງ ເດັກນ້ອຍ ໃນສູນແຫ່ງນັ້ນ.

ທ່ານ Joe Amon ຫົວຫນ້າຫ້ອງການ ດ້ານສຸຂພາບ ຂອງອົງການ ສີ້ງຊອມ ດ້ານ ສິດທິມະນຸດ ກ່າວວ່າ ຣັຖບານລາວ ແລະ ສະຫະຣັຖ ອ້າງວ່າ ສູນບຳບັດ ທີ່ ບ້ານສົມສງ່າ ນະຄອນຫລວງ ວຽງຈັນ ເປັນສູນ ທີ່ທັນສມັຍ ໃນການບຳບັດ ທາງດ້ານ ສຸຂພາບ ແຕ່ໃນສະພາບ ໂຕຈີງແລ້ວ ການຊ່ອຍເຫລືອ ຂອງ ສະຫະຣັຖ ເປັນເວລາ ດົນນານ ໃນສູນ ແຫ່ງນັ້ນ ບໍ່ໄດ້ປ່ຽນແປງ ຫຍັງຫມົດ ຍັງເປັນສູນ ທີ່ມີການ ທາຣຸນ ຕໍ່ຜູ້ຄົນ ທີ່ຕິດຢາ ຜູ້ຄົນທີ່ ທາງຣັຖບານ ບໍ່ຕ້ອງການນັ້ນ ຍັງຖືກກັກຂັງ ໄວ້ໃນສູນ ແຫ່ງນັ້ນ ຢ່າງບໍ່ເປັນທັມ.

ເຕັມຫນ້າ