ກິນປາດິບອາຈເກີດ ເຊື້ອໂຣຄໃນຕັບ

ກາຣບໍຣິໂພຄ ປາດິບ ມີຄວາມສ່ຽງ ຕໍ່ກາຣຕິດ ເຊື້ອໂຣຄ ໃບໄມ້ ໃນຕັບ ຫລື ມະເຮັງ ໃນຫົວ ຂວັ້ນບີ.
ຫວາດ ສີມູນ
2011-04-26
ອີແມວລ໌
ຄໍາເຫັນ
Share
ພິມ

ກົດຟັງສຽງ

ປະຊາຊົນ ໃນເຂຕ ພາຄ ຕາເວັນອອກ ສ່ຽງເໜືອ ຂອງໄທຽ ມັກຈະນຳ ເອົາປາ ມາປຸງແຕ່ງກິນ ເປັນປະຈຳ ໂດຽທີ່ບໍ່ຮູ້ ເລີຽວ່າ ກາຣກິນ ປາດີບ ນັ້ນມີ ຄວາມສ່ຽງຕໍ່ ກາຣເກີດ ພຍາທ ຕ່າງໆເຊັ່ນ: ໂຣຄມະເຮັງ ໃນຫົວຂວັ້ນບີ ຊຶ່ງເປັນ ສ່ວນໜຶ່ງ ຂອງມະເຮັງ ທີ່ເຮັດໃຫ້ມີ ຜູ້ເສັຽ ຊີວີຕ ໄປປະມານ 70 ຄົນ ຕໍ່ມື້ ໃນປະເທສໄທຽ. ອີງຕາມກາຣ ຣາຍງານ ຂອງ ດຣ. ບັນຊົບ ສຣີພາ ຫົວໜ້າ ສູນວິຈັຍ ແລະ ຄົ້ນຄວ້າ ພຍາທ ເຂຕຮ້ອນ ທີ່ໃຫ້ກາຣ ຢືນຢັນວ່າ ເປັນໂຣຄ ມະເຣັງ ທີ່ອັນຕຣາຍ ທີ່ສຸດ.

ດຣ. ບັນຊົບ ກໍໄດ້ເນັ້ນວ່າ ທ່ານໄດ້ ພຍາຍາມ ປ່າວເຕືອນ ປະຊາຊົນ ໃນເຂຕ ຊົນນະບົດ ກ່ຽວກັບ ໂຣຄໃບໄມ້ ໃນຕັບ ຫລື Liver fluke ທີ່ເກີດຈາກ ກາຣກິນ ປາດິບ ຊຶ່ງນອກຈາກ ພົບເຫັນ ຢູ່ໃນເຂຕ ຕາເວັນອອກ ສ່ຽງເໜືອ ຂອງໄທຽ ແລ້ວ ຍັງພົບເຫັນ ຢູ່ຕາມ ປະເທສໃກ້ຄຽງ ເຊັ່ນ: ກັມພູຊາ ລາວ ວຽຕນາມ ທາງພາຄໃຕ້ ຂອງຈີນ ໃນແຫລມ ເກົາຫລີ ແລະປະເທສ Siberia ນຳດ້ວຍ.

ດຣ. ບັນຊົບ ໄດ້ແຈ້ງເພີ່ມວ່າ ກາຣນຳເອົາປາ ມາປຸກແຕ່ງ ເປັນອາຫາຣ ທີ່ວ່າມີ ຄວາມສ່ຽງຕໍ່ ກາຣເປັນໂຣຄ ມະເຮັງ ໃນຂວັ້ນບີ ແລະ ໂຣຄໃບໄມ້ ໃນຕັບ ນັ້ນ ກໍຮວມທັງ ອາຫາຣຕ່າງໆ ຫລາຍໆຢ່າງ ໂດຽ ສະເພາະ ລາບ ກ້ອຍ ສົ້ມປາ ແລະ ປາແດກ ກໍມີສ່ວນເຮັດ ໃຫ້ເກີດເຊື້ອໂຣຄ ດັ່ງກ່າວ ນີ້ໄດ້ ເຊັ່ນກັນ.

ໃນຂນະດຽວກັນ ຫ້ອງກາຣ ສະຖີຕິ ຂອງອົງກາຣ ສະຫະປະຊາຊາຕ ກໍມີກາຣ ຢືນຢັນວ່າ ປະຊາຊົນ ຊາວລາວ ກັມພູຊາ ແລະ ວຽຕນາມ ມີຄວາມສ່ຽງ ຫລາຍຕໍ່ກາຣເປັນ ໂຣຄມະເຮັງ ໃນຕັບ ແລະ ສະເພາະ ຢູ່ເມືອງລາວ ນັ້ນ ດຣ. ບັນຊົບ ກໍໃຫ້ ທັສນະ ວ່າ ປະມານ 10% ຂອງ ປະຊາຊົນລາວ ມັກຈະມີ ໂຣຄໃບໄມ້ ໃນຕັບ ໃນປັຈຈຸບັນ.

ເຕັມຫນ້າ