ກອງປະຊຸມປ້ອງກັນ ການຂາດແຄນອາຫານ

ອົງການ ຊ່ວຍເຫລືອ ສາກົນ ໃນລາວ ໄດ້ເລີ້ມ ໂຄງການ ຊ່ວຍ ຫລຸດຜ່ອນ ການຂາດແຄນ ອາຫານ ໃນລາວ: ອີງຕາມ ອົງການ ຂ່າວຊິນຫົວ ຂອງ ທາງການຈີນ.

ຄນະກັມມະການ ສະຫະພາບ ຢູໂຣບ, ອົງການ ອາຫານ ແລະ ການກະເສຕ ສະຫະປະຊາຊາດ ຮ່ວມກັນຈັດ ກອງປະຊຸມ ທີ່ ນະຄອນຫລວງ ວຽງຈັນ ໃນມື້ວັນທີ 22-23 ກັນຍາ 2011 ເພື່ອ ຫາທາງ ແກ້ໄຂ ສໍາຣວດ ພັທນາ ບໍ່ໃຫ້ລາວ ມີ ຄວາມສ່ຽງ ຕໍ່ການ ຂາດແຄນ ອາຫານ.

ກອງປະຊຸມ 2 ມື້ ມີຜູ້ ເຂົ້າຮ່ວມ ປະຊຸມ 35 ຄົນ ຮວມທັງ ພະນັກງານ ຈາກ ຣັຖບານ ລາວ, ອົງການ ບໍ່ສັງກັດ ຣັຖບານ, ອົງການ ສະຫະປະຊາຊາດ, ສະຫະພາບ ຢູໂຣບ ແລະ ຝ່າຍ ວິຊາການ. ກອງປະຊຸມ ປຶກສາ ຫາລື ໃນປະເດັນ ທີ່ສໍາຄັນ 3 ຢ່າງ: 1. ການວິໄຈ 2. ຂໍ້ມູນ ຂ່າວສານ ທີ່ ຕ້ອງການ ແລະ 3. ການເກັບ ຕົວຢ່າງ.

ເອກອະທິບໍດີ ກົມແຜນການ ກະຊວງ ກະສິກັມ ແລະ ປ່າໄມ້ ທ່ານ ພວງປາຣີສັກ ປຣະວົງວຽງຄໍາ ເວົ້າວ່າ ການສໍາຣວດ ມີຄວາມ ສໍາຄັນ ທີ່ພົວພັນ ກັບດ້ານ ການກະເສດ ໂດຍກົງ. ທ່ານເວົ້າ ອີກວ່າ ສປປລາວ ຕ້ອງການ ຂໍ້ມູນ ແລະ ການວິໄຈ ກ່ຽວກັບ ສະພາບ ຂອງການ ຂາດແຄນ ອາຫານ ເພື່ອໃຊ້ ໃນການ ວາງແຜນ ແລະ ອອກແບບ ວິທີ ປ້ອງກັນ ການຂາດແຄນ ອາຫານ ແລະ ອາຫານ ທີ່ມີ ຄຸນນະພາບ ຕໍ່ ຮ່າງກາຍ.

ເຖິງຢ່າງໃດ ກໍຕາມ ການສໍາຣວດ ດ້ານການ ກະເສຕ ເປັນ ໂອກາດ ອັນສໍາຄັນ ເພື່ອເພີ້ມ ຄວາມເຂົ້າໃຈ ເພີ້ມຂໍ້ມູນ ໃຫ້ຜູ້ຮັບ ຜິດຊອບ ໃນການ ຕັດສິນໃຈ ໃນເຣື້ອງ ຫລຸດຜ່ອນ ຄວາມສ່ຽງ ແລະ ຫລຸດຜ່ອນ ການຂາດແຄນ ອາຫານ ໃນ ສປປລາວ.