ຊາວບ້ານທີ່ໂຍກຍ້າຍ ຈະໄດ້ຄ່າຊົດເຊີຍ

ກ່ຽວກັບ ຄວາມຄືບຫນ້າ ບັນຫາ ຊາວບ້ານ ທີ່ຖືກໂຍກຍ້າຍ ອອກຈາກເຂຕ ກໍ່ສ້າງເຂື່ອນ ເທີນຫິນບູນ ພາຄຂຍາຍ ໃນແຂວງ ບໍ່ຣິຄຳໄຊ ບໍ່ພໍ່ໃຈໃນຄ່າ ຊົດເຊີຍ ທີ່ໃຫ້ ບໍ່ເປັນທັມ ແລະ ຖືກເຈ້າຫນ້າທີ່ ນາບຂູ່ ຫາກຊາວບ້ານ ບໍ່ຍອມຢຸດຮຽກຮ້ອງ ຄ່າເສັຍຫາຍ ແລະ ອາດຖືກ ຈັບກຸມໄດ້ນັ້ນ.

ເຣື່ອງດັງກ່າວ ຜູ້ສື່ຂ່າວໄດ້ ສອບຖາມໄປຍັງ ເຈ້າຫນ້າທີ່ ກະຊວງ ພະລັງງານ ແລະບ່ແຮ່ ທີ່ນະຄອນຫລວງ ວຽງຈັນ ວ່າມີຄວາມຈິງ ຫລືບໍ່ນັ້ນ ທ່ານບອກວ່າ ທາງຂັ້ນເທິງ ກຳລັງ ພິຈາຣະນາ ແລະ ກະຕຣຽມ ການເຈຣະຈາ ຣະຫວ່າງ ຊາວບ້ານ ກັບບໍລິສັດ ເທີນຫີນບູນ ພາຄຂຍາຍ ແຕ່ວ່າ ໃນຕອນນີ້ຍັງ ບໍ່ມີກາຣສລຸບ ເທື່ອ ວ່າຈະມີກາຣ ຈ່າຍ ຄ່າຊົດເຊີຍ ຊັພສິນຕົກຄ້າງ ໃຫ້ຊາວບ້ານ ແຕ່ລະຄອບຄົວ ເປ້ນຈຳນວນເງິນ ເທົ່າໃດກັນແທ້ ຊື່ງຫລາຍຝ່າຍ ກຳລັງ ປະສານງານກັນ.

ໃນເຣື່ອງ ຕົວແທນ ບາງຄົນຂອງ ບໍຣິສັດ ເທິນຫິນບູນ ພາຄຂຍາຍ ທີ່ນາບຂູ່ ຊາວບ້ານ ຫາກຍັງແສດງ ຄວາມບໍ່ພໍໃຈ ຕໍ່ເຣື່ອງນີ້. ເຈ້າຫນ້າທີ່ ຜູ້ເກົ່າກ່າວວ່າ ເຂົາເຈົ້າບໍ່ມີສິດ ນາບຂູ່ ປະຊາຊົນ ແລະ ຖືວ່າເປ້ນເຣື່ອງ ຜິດກົດຫມາຍ.

ວິທຍຸເອເຊັຍເສຣີ ເຄີຍສເນີຂ່າວ ເຣື່ອງຄວາມຂັດແຍ້ງ ດັງກ່າວວ່າ ມີຕົ້ນຕໍ ມາຈາກ ຕົວແທນ ບໍຣິສັດ ບໍ່ລົງໄປຊີ້ແຈງ ຣາຍຣະອຽດ ເຣື່ອງຄ່າຊົດເຊີຍ ໃຫ້ຊາວບ້ານ ຮູ້ຢ່າງ ແຈ່ມແຈ້ງ ຈື່ງເຮ້ດໃຫ້ ພວກເຂົາເຈົ້າ ພຍາຍາມຮຽກຮ້ອງ ກັບຄືນໄປຍັງ ບໍຣິສັດ ຂໍໃຫ້ຕື່ມເງິນ ໃຫ້ຖືກຕ້ອງ ເຫມາະສົມ ຕາມຂໍ້ຕົກລົງ ແຕ່ຄັ້ງທຳອິດ ທີ່ເຄີຍແຈ້ງໄວ້.