ບັຕກວດສຸຂພາບ ເດັກນ້ອຍໃນໄທຽ

ດຣ. ວິທຍາ ບູຣະນະສີຣີ ຣັຖມົນຕຣີ ກະຊວງ ສາທາຣະນະສຸຂ ໄດ້ແຈ້ງຕໍ່ ທາງສື່ມວລຊົນ ໃນວັນອັງຄາຣ ຜ່ານມານີ້ວ່າ ກາຣທີ່ທາງຣັຖບາລ ຂອງ ນາຍົກຣັຖມົນຕຣີ ຍີ່ງລັກສ໌ ຊີນວັຕ ໄດ້ພິຈາຣະນາ ແລະ ຕົກລົງທີ່ຈະ ອອກບັຕສຸຂພາບ ກໍເພື່ອປິ່ນປົວ ແລະ ຮັກສາສຸຂພາບ ຂອງເດັກນ້ອຍ ທັ້ງຊາວໄທຽ ແລະ ເດັກນ້ອຍທີ່ເກີດ ຢູ່ປະເທສໄທຽ ຈາກພໍ່ແມ່ ຊາວຕ່າງດ້າວ ທີ່ເປັນແຮງງານ ຢູ່ໃນປະເທສໄທຽ.

ດຣ. ວິທຍາ ໄດ້ແຈ້ງເພີ່ມວ່າ ຜົລຂອງກາຣສຳຣວຈ ເດັກນ້ອຍ ທີ່ມີອາຍຸແຕ່ 6 ປີ ຂຶ້ນໄປນັ້ນ ມີ 7% ຂອງຈຳນວນ ເດັກນ້ອຍ ປະມານ 5 ລ້ານຄົນ ມີຣະດັບ ສະຕິປັນຍາ ຫລື IQ ຕໍ່າກວ່າ ຣະດັບມາຕຖານ ຊຶ່ງສ່ວນຫລາຍ ຈະພົບເຫັນຢູ່ ໃນກຸ່ມເດັກນ້ອຍ ຂອງບັນດາ ແຮງງານຕ່າງດ້າວ ໃນປັຈຈຸບັນ.

ສະນັ້ນຈຶ່ງຢາກ ໃຫ້ມີກາຣແກ້ໄຂ ແລະ ປັບປຸງໃໝ່ ດ້ວຍກາຣ ພິຈາຣະນາ ອອກບັຕພິເສດ ເພື່ອໃຫ້ພໍ່ແມ່ ນຳເອົາລູກເຕົ້າ ຂອງພວກຕົນ ໄປຮັບກາຣ ສີດຢາ ແລະ ກວດສຸຂພາບ ທຸກຢ່າງ ໂດຽບໍ່ຕ້ອງໄດ້ ເສັຍຄ່າ ແຕ່ຢ່າງໃດ ໃນຂັ້ນຕໍ່ໄປ.