ສັດປ່າໃນທົ່ວໂລກ ຖືກຖ່າຍຮູປໄວ້
2011.08.17
ນໍ້າກະດິງ ສປປລາວ. ກວາງທີ່ຫາຍາກ ເຊື້ອພັນ ອິດເດັຍ. ຮູປນີ້ ເປັນນື່ງ ໃນຈໍານວນ 52,000 ຮູປ, ມີ 105 ປະເພດ ສັດ ທີ່ລ້ຽງລູກ ດ້ວຍນໍ້ານົມ ຊື່ງທາງ ອົງການ ອະນຸຮັກ ສັດປ່າ ໄດ້ຊອກຄົ້ນຫາ ເພື່ອບັນທຶກໄວ້. Nam Kading, Lao People's Democratic Republic. Muntiacus muntjak (Indian Muntjak). This image is one of nearly 52,000 photos of 105 mammal species, taken as part of the first global camera trap mammal study done by The Tropical Ecology Assessment and Monitoring Network (TEAM)
ກົດຟັງສຽງ
ໃນວັນຈັນ ຜ່ານມາ ນີ້ ກຸ່ມ ອະນຸຮັກ ສັດປ່າ ສາກົນ ໄດ້ນໍາເອົາ ຮູບ ຂອງ ສັດປ່າ ທີ່ຖ່າຍ ຢູ່ໃນປ່າ ປົກປ້ອງ ໃນປະເທດ Suriname Costa Rica Indonesia Tanzania Brazil Uganda ແລະ ສປປ ລ ໂດຍການ ໃຊ້ກ້ອງ ຖ່າຍພິເສດ ທີ່ເຊື່ອງໄວ້ ໃນປ່າ, ແລະ ໄດ້ພົບວ່າ ໃນ ຈໍານວນ 52,000 ກ່ວາ ຮູບທີ່ ຖ່າຍມານັ້ນ ໄດ້ສະແດງ ໃຫ້ເຫັນ ເຖິງການ ປະພຶດ ຂອງສັດ.
ກຸ່ມ ອານຸຮັກ ເວົ້າວ່າ ມັນເປັນການ ຄົ້ນຄວ້າ ຊີວະພັນ ນານາຊນິດ ທີ່ໜ້າ ສົນໃຈທີ່ສຸດ. ນັກຄົ້ນຄວ້າ ໄດ້ເລີ້ມເອົາ ກ້ອງຖ່າຍຮູບ ອັດຕະໂນມັດ ໄປເຊື່ອງໄວ້ ໃນປ່າ ທີ່ສາມາດ ຕິດຕາມ ອາຍອຸ່ນ ຂອງສັດ ຫລືຄົນ ທີ່ຜ່ານ ໄປມາ, ຫາກເວລາໃດ ທີ່ ກ້ອງຖ່າຍຮູປ ໄດ້ຮັບ ອາຍອຸ່ນ ຈາກສີ່ງ ມີຊີວິດ ມັນກໍຈະ ຖ່າຍຮູບ ເອົາໂລດ.
ຢູ່ໃນປ່າ ປົກປ້ອງ ຂອງ ສປປລາວ ພົບວ່າ ຈໍານວນ ສັດນານາ ຊີວະພັນ ມີໜ້ອຍ ເມື່ອທຽບກັບ 6 ປະເທດ ທີ່ ກ່າວມານັ້ນ. ສະມາຄົມ ອານຸຮັກ ສັດປ່າ ລາຍງານ ກ່ຽວກັບ ສັດປ່າ ໃນລາວ ວ່າ ສີ່ງທີ່ໜ້າ ສົນໃຈ ທີ່ສຸດ ແມ່ນສັດປ່າ ນານາ ຊີວະພັນ ຢູ່ໃນປ່າ ພູພຽງ ນາກາຍ ແຂວງ ບໍຣິຄໍາໄຊ ຊື່ງເປັນເຂດ ທີ່ມີ ຊ້າງປ່າ ເຫລືອຢູ່ ບໍ່ຫລາຍ, ມີກວາງ ເອເຊັຽ 3 ຊນິດ ທີ່ໃກ້ຈະ ສູນພັນ, ມີທະນີ ຊນິດ ທີ່ພົບເຫັນ ໃນ ປະເທດ ຕະເວັນຕົກ ແຕ່ວ່າ ສັດປະເພດ ນີ້ ຖືກຄົນ ໃນທ້ອງຖິ່ນ ຊອກຍິງ ຢູ່ເປັນ ປະຈໍາ ເພື່ອນໍາ ມາເປັນ ອາຫານ, ມີໝູ່ເສືອ ທີ່ເອີ້ນວ່າ ເສືອ ອິນໂດຈີນ ກຸ່ມນ້ອຍໆ ເຫລືອຢູ່.
ລາຍງານວ່າ ສິ່ງທີ່ ທ້າທາຍ ຫລາຍທີ່ສຸດ ໃນການ ປົກປັກ ຮັກສາ ສັດ ຈໍາພວກນີ້ ໄວ້ ແມ່ນວ່າ ການຄ້າຂາຍ ສັດປ່າ ໃນຂົງເຂດ ນັ້ນ ຍັງມີ ຫລາຍຢູ່. ໃນແຕ່ລະມື້ ນາຍພານ ຊອກຫາ ຕາມລ້າ ສັດ ທຸກຊນິດ ທີ່ມີ ຢູ່ໃນ ປ່າໄມ້ນັ້ນ. ນອກນັ້ນ ຍັງມີຄົນ ລັກລອບ ຕັດໄມ້ ເຮັດໃຫ້ ທີ່ຢູ່ອາໄສ ຂອງສັດ ເຫລືອ ໜ້ອຍລົງ.
