ຄໍາຄຸນນະພາບສູງ ໃນລາວ

ບໍຣິສັດ ຂຸດຄົ້ນ ແຮ່ທາດ ອອສເຕຣເຣັຽ ອີກ ບໍຣີສັດ ນຶ່ງ ທີ່ມີຊຶ່ວ່າ Argonaut Resources ໄດ້ຄົ້ນພົບ ແຮ່ທາດຄຳ ທີ່ມີ ຄຸນນະພາບ ສຸງ ໃນເຂດ ບ້ານກອງ ແລະ ບ້ານບາກ ແຂວງ ເຊກອງ ເປັນຈຳນວນ ຫຼວງຫຼາຍ.

ການຄົ້ນຄວ້າ ໃນພື້ນທີ່ ປະມານ 777 ກິໂລແມັດ ມົນທົນ ທີ່ແຂວງ ເຊກອງ ໄດ້ ດຳເນີນງານ ມາເປັນ ເວລາ ຫຼາຍເດືອນ ດ້ວຍການ ລົງທຶນ ຂອງ ບໍຣີິສັດ ຜ່ານ ບໍຣິສັດ ໃນເຄືອຂ່າຍ ເຊກອງ ຣີເວີ ມາຍນິງ ທີ່ເປັນຜູ້ ຖືຫຸ້ນ 65% ສ່ວນເຫລືອ 35% ແມ່ນຂອງ ຣັຖບານ ລາວ ຕາມສັນຍາ ທີ່ໄດ້ ລົງນາມ ກັນກັບ ຣັຖບານ ລາວ. ໃນປັດຈຸບັນ ທາງ ບໍຣິສັດ ໄດ້ພິສູດ ຫີນຕົວຢ່າງ ທີ່ເຈາະຂຶ້ນ ມາຈາກ ພື້ນທີ່ ດັ່ງກ່າວ ຈຶ່ງພົບວ່າ ມີທາດຄຳ ສະສົມ ຢູ່ໃຕ້ດີນ ທີ່ມີ ຄຸນນະພາບ ສຸງ ຄາດວ່າ ມີ ປະປົນ ຢູ່ ປະມານ 10.95 ກຣາມ ຕໍ່ຕັນ.

ທາງບໍຣິສັດ ຍັງຈະມີ ການສຳຣວດ ເພິ້ມເຕິ່ມ ເພຶ່ອດຳເນິນ ການຂຸດຄົ້ນ ເອົາແຮ່ທາດ ແລະ ກໍຈະເປັນ ແບບດຽວ ກັນກັບ ບໍຣິີສັດ ແຮ່ທາດອຶ່ນໆ ຂອງ ອອສເຕຣເຣັຽ ທີ່ສ້າງຄວາມ ຮັ່ງມີ ຍ້ອນການ ຂຸດຄົ້ນ ແຮ່ທາດ ໃນລາວ, ໃນນັ້ນ ກໍມີ ບໍຣິສັດ ໂອຊິອານາ ທີ່ບໍ່ຄຳ ເຊໂປນ ທີ່ຂາຍ ໃຫ້ຈີນ ແລະ ບໍຣິສັດ ແພນ ອອສເຕຣເຣັຽ ທີ່ຂຸດຄົ້ນ ຄຳທີ່ ບໍ່ຄຳ ພູເບັ້ຽ ແລະ ພູຄຳ.

ຣັຖບານລາວ ກໍໄດ້ ພຽງແຕ່ ການເກັບ ພາສີ ຈາກການ ໃຫ້ສຳປະທານ ເທົ່ານັ້ນ ຖ້າບໍ່ມີ ການລົງທຶນ ຮ່ວມ ໃນຣະຍະ ທີ່ຜ່ານມາ ຣັຖບານລາວ ບໍ່ໄດ້ ລົງທຶນ ໃນໂຄງການ ຂຸດຄົ້ນ ແຮ່ທາດ ຂອງ ອອສເຕຣເຣັຽ ໃນລາວ ແຕ່ຢ່າງໃດ.