ໂຣຄເອດສມີຢາຕ້ານແລ້ວ

ການວິຈັຍ ຄົ້ນຄວ້າ ກ່ຽວກັບ ຢາຕ້ານ ໂຣຄເອດສ ປະສົບຜົລ ສຳເຣັດ ໃຫຍ່ຫລວງ ໃນປີ 2011
ສິດນີ
2011.12.23
F-Aids ຄົນທີ່ຕິດເຊື້ອໂຣຄເອດສ
phrabatnampu.org

ກົດຟັງສຽງ

ການວິຈັຍ ທີ່ສຳເຣັດຜົລ ຄັ້ງປວັດການ ທີ່ສາມາດ ສະແດງໃຫ້ ເຫັນວ່າ ຢາທີ່ໃຊ້ ຕ້ານເຊື້ອໂຣຄ HIV ທີ່ ຖືກທົດລອງນັ້ນ ໄດ້ຜົລເທົ່າກັນ ກັບການໃຊ້ ຖົງຢາງອະນາມັຍ.

ການຕ້ານເຊື້ອ ທີ່ເຮັດໃຫ້ຄົນ ເປັນໂຣຄເອດສ ໄດ້ປະກາດ ອອກໃນ ວາຣະສານ ວິທຍາສາດ ປະຈຳປີ 2011 ໃນມື້ວັນ ພຣະຫັດ. ຜົລສຳເຣັດ ໃນການວິຈັຍ ດັ່ງກ່າວ ໄດ້ບັນຈຸ ໃນບັນຊີ ສູງສຸດຣະດັບ 10 ຂອງ ສະມາຄົມ ນັກວິທຍາສາດ ອະເມຣິກັນ ທີ່ຈະພິມ ເຜີຍແພ່ ໃນວາຣະສານ ວິທຍາສາດ ສະບັບວັນທີ 23 ເດືອນ ທັນວາ ໂດຍຣະອຽດ.

ການວິຈັຍ ເລີ້ມມາແຕ່ ປີ 2007 ໂດຍການເອົາ ຢາຕ້ານໂຣຄ ເອດສຊນີດ HPTN 052 ໃຫ້ຜູ້ທີ່ມີ ຜົວຫລືເມັຽ ເປັນເອດສກິນ ໃນຈຳນວນ 1,700 ຄູ່ກໍຣະນີ ຈາກປະເທດ ທີ່ຕິດເຊື້ອ HIV ສູງຄືປະເທດ ບອດຊາວານາ ບຣາຊຽວ ອີນເດັຽ ແຄນຢາ ມາລາວີ ອະຝຣີກກາໃຕ້ ໄທ ສະຫະຣັຖ ແລະ ຊີມບາວີ ພົບວ່າ 96% ຢາດັ່ງກ່າວ ສາມາດ ຕ້ານເຊື້ອໂຣຄ HIV ທີ່ຈະທ່າຍທອດ ຈາກ ຄູ່ຜົວເມັຽ ໄດ້.

ການຄົ້ນພົບ ດັ່ງກ່າວ ສ້າງຄວາມຫວັງ ໃຫ້ແກ່ ນັກວິທຍາສາດ ໃນການຕ້ານ ໂຣຄເອດສ ຊື່ງປັດຈຸບັນ ມີປະຊາກອນ ໂລກ ກວ່າ 33 ລ້ານ ຄົນຕິດເຊື້ອ HIV ແລະ ໃນປີ 2009 ມີຄົນເສັຽ ຊິວິດເຖິງ 1 ລ້ານ 8 ແສນຄົນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.