ຊາວມົ້ງບ້ານໂພນຄໍາ ຍັງຖືກສີ້ງຊອມ

ຊາວມົ້ງ ທີ່ຖືກ ພັກດັນ ໃຫ້ກັບ ສປປລາວ ຈາກໄທ ຖືກສີ້ງຊອມ ຢ່າງໃກ້ຊິດ ໃນລາວ.
ສິດນີ
2011.07.15
F-Hmong-borikhamsay ໝູ່ບ້ານ ຂອງຊາວມົ້ງ ທີ່ ບ.ໂພນຄໍາ ມ.ບໍຣິຄັນ ຂ.ບໍຣິຄໍາໄຊ
RFA

ກົດຟັງສຽງ

ຊາວມົ້ງ ທີ່ີ ເມືອງ ບໍຣິຄັນ ແຂວງ ບໍຣິຄຳໄຊ ທີ່ ຖືກສົ່ງກັບ ຈາກ ສູນ ທີ່ ປະເທດໄທ ເປີດເຜີຍ ກ່ຽວກັບ ສະພາບ ຄວາມເປັນຢູ່ ໃນລາວ ວ່າ ຕັ້ງແຕ່ ຖືກສົ່ງກັບ ກໍຖືກ ກວດກາ ແລະ ກົດດັນ ຈາກ ທາງການລາວ ຢ່າງຫນັກ. ເຈົ້າຫນ້າທີ່ລາວ ບອກວ່າ ຫ້າມທຳຜິດ ກົດຣະບຽບ ທີ່ທາງການ ຕັ້ງໄວ້ ເພື່ອຄຸ້ມຄອງ ຊາວມົ້ງ ຜູ້ທີ່ ກັບມາ ຈາກໄທ.

ເຈົ້າຫນ້າທີ່ ທະຫານ ແລະ ຕຳຣວດ ໄດ້ ສີ້ງຊອມ ພືດຕິກັມ ຂອງ ຊາວມົ້ງ ຢ່າງເຄັ່ງຄັດ. ດັ່ງ ຊາວມົ້ງ ຄົນນື່ງ ເວົ້າວ່າ:

"ເຂົາມາ ອ້ອມບ້ານ ເຂົາພາ ຂື້ນໄປ ພູດອຍ ເຂົາມາ ຫາເຣື້ອງ ໃສ່ເຮົາ ເຮົາໄປ ສເນີມື້ໃດ ເຂົາຫາ ເຣື້ອງໃສ່ວ່າ ເຮົາເປັນມົ້ງ ເຈົ້າຟ້າ ມື້ນີ້ ເຮົາບໍ່ມີກີນ ເຮົາໄປຊອກ ຫາກີນ ຢູ່ບອ່ນອື່ນ ແຕ່ໄປ ບໍ່ໄດ້".

ລາວກ່າວ ຕໍ່ໄປວ່າ ທະຫານ ແລະ ຕຳຣວດ ທີ່ຮັກສາການ ໃນເຂດ ຫມູ່ບ້ານ ຊາວມົ້ງ ໃນ ແຕ່ລະມື້ ຈະມາກວດກາ ຊາວມົ້ງ ວ່າ ຂະເຈົ້າ ເຮັດຫຍັງແດ່ ກຸ່ມດ່ັງກ່າວ ຈະບັນທຶກ ເປັນລາຍງານ ເພື່ອ ສເນີ ຕໍ່ຂັ້ນເທີງ ໃນການ ຄວບຄຸມ ຊາວມົ້ງ ໃນ ແຕ່ລະວັນ. ຊາວມົ້ງ ຈະ ໄປໃສ ມາໃສ ກໍ່ຕ້ອງ ໄດ້ຮັບ ອະນຸຍາດ ກ່ອນ ແລະ ສ່ວນຫລາຍ ກໍ່ຖືກ ປະຕິເສດ ແລະ ສອບຖາມ ວ່າຈະໄປ ເຮັດຫຍັງ. ຖ້າຊາວມົ້ງ ຜູ້ໃດ ເຮັດສິ່ງໃດ ທີ່ ຂະເຈົ້າ ບໍ່ພໍໃຈ ກໍ່ຈະຖືກ ລົງໂທດ ໃນຫລາຍ ຮູບແບບ ຈາກ ໂທດເບົາ ໄປຫາ ໂທດຫນັກ ແລ້ວແຕ່ ຄວາມພໍໃຈ ຂອງ ເຈົ້າຫນ້າທີ່.

ຊາວມົ້ງ ຫລາຍຄົນ ມີຄວາມ ຢ້ານກົວ ຕໍ່ເຈົ້າ ຫນ້າທີ່ ຍ້ອນວ່າ ເຈົ້າຫນ້າທີ່ ບາງຄົນ ເປັນຄົນ ຂະມຸ ຊື່ງເປັນ ກຸ່ມທີ່ ບໍ່ພໍໃຈ ໃນການ ມາຕັ້ງ ຖີ່ນຖານ ຂອງຊາວມົ້ງ ໃນເຂດນີ້. ຫມູ່ບ້ານ ຂະມຸ ທີ່ຕັ້ງຢູ່ ໃກ້ກັບບ້ານ ຊາວມົ້ງ ກໍ່ບໍ່ພໍໃຈ ເພາະ ຄິດວ່າ ຣັຖບານລາວ ໃຫ້ຄວາມ ສຳຄັນ ກັບຊາວມົ້ງ ຫລາຍກວ່າ ພວກ ຂະເຈົ້າ.

ນັບຕັ້ງແຕ່ ທາງການໄທ ໄດ້ສົ່ງ ຊາວມົ້ງ ກັບລາວ ຄັ້ງລ້າສຸດ ໃນປີ 2009 ທີ່ເມືອງ ບໍຣິຄັນ ແຂວງ ບໍຣິຄຳໄຊ ມີຊາວມົ້ງ ກັບຈາກ ໄທ ປະມານ 750 ຄອບຄົວ ກຸ່ມຊາວມົ້ງ ກຸ່ມນີ້ ຫາຢູ່ ຫາກີນ ຕາມ ທັມມະຊາດ ເຮັດໄຮ່ ເຮັດນາ ແລະ ກະສິກັມ ປະເພດຕ່າງໆ ຫລັງຈາກ ຫມົດການ ຊ່ອຍເຫລືອ ຈາກ ຣັຖບານ ພວກຂະເຈົ້າ ກໍຍັງ ທຸກຍາກ ຢູ່ຄືເກົ່າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Jul 20, 2011 08:27 PM

ທ່ານທີ່ອ່ານຂ່າວຄືຈະແມ່ນບໍ່ເຄີຍມາເຫັນຕົວຈິງສະເພາະ ພວກມົ້ງອົພະຍົກມາແຕ່ໄທເຖິງຈະເຮັດດີປານໃດກໍ່ຍັງຫຍຸ້ງຍາກເພາະເຂົາຢາກໄປແຕ່ອາເມລິກາສະນັ້ນແຕ່ລະມື້ບໍ່ເຮັດຫຍັງສ້າງແຕ່ບັນຫາປະຊາຊົນລາວມີຫຼາຍເຜົ່າແຕ່ກໍ່ຍັງບໍ່ ໄດ້ນະໂຍບາຍສູງສຳ່ກັບພວກນີ້ທັງທີ່ບໍ່ມເຈດຕະນາດີຕໍ່ ບ້ານເກີດເມືອງນອນຂອງຕົນ.