ໂຮງໄຟຟ້າລິກໄນຕ໌ ເມືອງຫົງສາ

ໂຄງກາຣ ກໍ່ສ້າງ ໂຮງໄຟຟ້າ ລິກໄນຕ໌ ເມືອງ ຫົງສາ ປະສົບ ກັບ ຄວາມ ຫລ້າຊ້າ ຍ້ອນຝົນ ຕົກໜັກ.
ຫວາດ ສີມູນ
2011.10.07
F-Hongsa-power-plant ໂຄງກາຣ ກໍ່ສ້າງ ໂຮງໄຟຟ້າ ລິກໄນຕ໌ ເມືອງຫົງສາ ແຂວງໄຊຍະບູຣີ
KPL Lao News Agency

ກົດຟັງສຽງ

ໂຄງກາຣ ກໍ່ສ້າງ ໂຮງໄຟຟ້າ ຫົງສາ ລິກໄນຕ໌ ຢູ່ເມືອງ ຫົງສາ ແຂວງ ໄຊຍະບູຣີ ກໍາລັງ ປະສົບ ກັບຄວາມ ຫລ້າຊ້າ ຍ້ອນມີຝົນ ຕົກໜັກ ໃນຣະຍະ ຜ່ານມາ ທີ່ຍິ່ງ ສ້າງຄວາມ ລຳບາກ ຕໍ່ກາຣ ເດີນທາງ ຂອງ ແຮງງານ ແລະ ກາຣຂົນສົ່ງ ອຸປກອນຕ່າງໆ. ດັ່ງເຈົ້າໜ້າ ກະຊວງ ພລັງງານ ແລະ ບໍ່ແຮ່ ໄດ້ກ່າວວ່າ:

"ຄວາມຄືບໜ້າ ໂດຽຮວມ ກໍຢູ່ ປະມານ 2.7% ຄາດວ່າ ຈະແລ້ວ ເສຣັຈ 2015 ໜ້າຝົນນີ້ ກາຣກໍ່ສ້າງ ກໍມີຄວາມ ຫຍຸ້ງຍາກ ຄາດວ່າ ເດືອນ 10 ເດືອນນີ້ ແຫລະ ສິເຣີ່ມເຣັ່ງ ເຣັ່ງມືແດ່ ແລະ ກິຈກັມ ໃຫ້ໄດ້ ຕາມແຜນ ກຳໜົດ ໄວ້ເນາະ".

ທ່ານຍັງ ເວົ້າອີກວ່າ ເຖິງຈະມີ ບັນຫາ ທີ່ຖນົນ ຫົນທາງ ເປ່ເພ ແລະ ດິນເຈື່ອນ ໃນຣະຍະ ຜ່ານມາ ນີ້ນັ້ນ ກໍຕາມ ແຕ່ຫລັງຈາກ ຣະດູຝົນ ໝົດສິ້ນ ໄປແລ້ວ ກໍຄາດວ່າ ຈະສາມາຕ ດຳເນີນ ກິຈກັມຕ່າງໆ ຕາມ ກຳໜົດ ຕໍ່ໄປ ຊຶ່ງກໍຮວມທັງ ກາຣຕັດສ້າງ ຫົນທາງ ຈາກ ສະຖານທີ່ ກາຣ ກໍ່ສ້າງ ອອກໄປ ຫາ ເມືອງເງິນ.

ເຖິງຢ່າງໃດ ກໍດີ ໂຄງກາຣ ກໍ່ສ້າງໂຮງໄຟຟ້າ ຫົງສາ ລິກໄນຕ໌ ໄດ້ລົງມື ບຸກເບີກ ພື້ນທີ່ ແຕ່ເດືອນ ມີນາ 2010 ຜ່ານມາ ພາຍໃຕ້ ໂຄງກາຣ ຫຸ້ນສ່ວນ ຣະຫວ່າງ ບໍຣິສັທ ໄຟຟ້າ ບ້ານປູ ແລະ ຣາຊບູຣີ ຂອງໄທຽ ກັບ ຣັຖວິສາຫະກິຈ ໄຟຟ້າ ລາວ ໂດຽມີກາຣ ເຊັນສັນຍາ ຊື້-ຂາຍ ກັບກາຣ ໄຟຟ້າ ຝ່າຍຜລິຕ ແຫ່ງ ປະເທສໄທຽ ໃນຈຳນວນ 1,473 ເມກກະວັຕ  ເປັນ ເວລາ 25 ປີ ຫລັງຈາກ ສ້າງແລ້ວ ສຳເຣັຈ ແຕ່ ປີ 2015 ເປັນຕົ້ນໄປ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.