ທ.ອິນແປງສູຣິຍະໄທ ເຖີງແກ່ກັມແລ້ວ

ອະດີດ ພຣະຍາ ປຣະສິທ ອິນແປງ ສູຣິຍະໄທ ໄດ້ເຖີງ ແກ່ກັມ ໄປແລ້ວ ໃນມື້ ວັນເສົາ ທີ່ 22 ຕຸລາ 2011 ນີ້ ທີ່ ກຸງປາຣີສ໌ ຮວມອາຍຸ ໄດ້ 88 ປີ.
ຫວາດ ສີມູນ
2011.10.26

ກົດຟັງສຽງ

ພຣະຍາ ອິນແປງ ເກີດເມື່ອ ວັນທີ່ 13 ກຸມພາ ຄ.ສ. 1923 ທີ່ ເມືອງໂຂງ, ເປັນບຸຕ ຜູ້ທີ່ 2 ໃນຈໍານວນ ເອື້ອຍ-ນ້ອງ ສອງຄົນ ຂອງ ທ່ານໜູເຜືອກ ສູຣິຍະໄທ ແລະ ຍານາງ ສຸດສຸດາ ໂພທິສານ. ຫລັງຈາກ ຮຽນຈົບ ຢູ່ນະຄອນຫລວງ ວຽງຈັນ ແລ້ວ ພຣະຍາ ອິນແປງ ໄດ້ໄປຮັບ ກາຣສຶກສາ ຕໍ່ໃນ ແຂນງວິຊາ ກາຣເສຖກິຈ ແລະ ກາຣເມືອງ ທີ່ ກຸງປາຣີສ໌ ແລະ ກັບຄືນ ເມືອງລາວ ໃນປີ 1953 ແລະ ເຣີ່ມເຂົ້າ ຮັບໃຊ້ ໃນຣາຊກາຣ ພຣະຣາຊ ອານາຈັກ ລາວ ໃນຫລາຍໆ ຕຳແໜ່ງ ຊຶ່ງ ກໍຮວມທັງ ເລຂາເອກ ປະຈໍາ ສະຖານ ເອກອັຄຣາຊທູຕ ລາວ ທີ່ ກຸງວໍຊິງຕັນ ດີຊີ, ເອກອະທິບໍດີ ປະຈຳ ກະຊວງ ກາຣຕ່າງ ປະເທສ, ຣັຖມົນຕຣີ ຊ່ວຍ ປະຈໍາ ກະຊວງ ຍຸຕິທັມ ແລະ ສຶກສາ ທິກາຣ ຕລອດຮອດ ຣັຖມົນຕຣີ ກະຊວງ ເສຖກິຈ ແລະ ກາຣຄັງ ພ້ອມກັບ ເປັນ ສະມາຊິກ ຂອງ ສະພາ ຣາສດອນ ແຫ່ງຊາຕ ແລະ ຮອງປະທານ ສະພາ ແຫ່ງຊາຕ ແລະ ອື່ນໆຫລາຍ ແຂນງກາຣ ຈົນເຖີງ ທ້າຍປີ 1975 ທີ່ມີກາຣ ປ່ຽນແປງ ໃນຣະບົບ ກາຣປົກຄອງ ໃນລາວ ຈຶ່ງໄດ້ໄປ ຕັ້ງຖິ່ນຖານ ຢູ່ ປະເທສ ຝຣັງເສສ ຈົນເຖິງ ວາຣະ ສຸດທ້າຍ ດັ່ງກ່າວ.

ຢ່າງໃດ ກໍດີ ພິທີ ຊາປະນາກິຕສົພ ຂອງ ມື້ລາງ ພຣະຍາ ປຣະສິທ ອິນແປງ ສູຣິຍະໄທ ມີກຳໜົດ ຈະຈັດຂຶ້ນ ຢູ່ທີ່ ກຸງປາຣີສ໌ ໃນມື້ ວັນພຣະຫັດ ທີ່ ຈະມາເຖີງ ນີ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Oct 27, 2011 07:20 PM

ສະແດງຄວາມອາໄລອາວອນນຳ ແລະ ຂໍໃຫ້ທ່ານຈົ່ງໄປສູ່ສຸຂຕິເທີ້ນ.ສັງຂານບໍ່ມີໃຜຈະກົດໜ່ວງທ່ວງດຶງໄວ້ໄດ້,ແລະຂໍເສຍໃຈນຳ່ທ່ານທີ່ ບໍ່ໄດ້ມາຫລັບສະຫງົບທີ່ແຜ່ນດິນເກີດ