ພນັກງານຣັດ ສຶກສາຕໍ່ທີ່ຍີ່ປຸ່ນ

ຍີ່ປຸ່ນ ຈັດ ງົບປະມານ ໄວ້ 3 ລ້ານ ດອລລາຣ໌ ສໍາລັບ ເປັນທຶນ ກາຣສຶກສາ ແກ່ເຈົ້າ ໜ້າທີ່ລາວ.
ຫວາດ ສີມູນ
2011.06.16
F-Japanese-student ນັກສຶກສາຍີ່ປຸ່ນ ທີ່ມາຢ້ຽມຢາມ ສປປລາວ
LPDR

ກົດຟັງສຽງ

ທາງກາຣ ຍີ່ປຸ່ນ ໄດ້ຕົກລົງ ທີ່ຈະໃຫ້ທຶນ ກາຣຊ່ວຍເຫລືອ ແກ່ ທາງກາຣ ສປປລາວ ເພື່ອຈັດສົ່ງ ບັນດາ ເຈົ້າໜ້າທີ່ ຂອງ ຣັຖບາລລາວ ເພື່ອໄປ ສຶກສາຕໍ່ ຕາມ ສະຖາບັນ ກາຣສຶກສາ ຣະດັບສູງ ຕ່າງໆ ຢູ່ໃນ ປະເທສ ຍີ່ປຸ່ນ ໃນຂັ້ນ ຕໍ່ໄປ.

ກາຣຕົກລົງ ໃຫ້ທຶນ ກາຣຊ່ວຍເຫລືອ ດັ່ງກ່າວ ໄດ້ມີກາຣ ລົງນາມ ໃນຂໍ້ ສັນຍາ ຢ່າງເປັນ ທາງກາຣ ຣະຫວ່າງ Mme Junko Yokota ເອກອັຄຣາຊທູຕ ຍີ່ປຸ່ນ ປະຈຳລາວ ແລະ ທ່ານຫຽມ ພົມມະຈັນ ຮອງ ຣັຖມົນຕຣີ ກາຣ ຕ່າງປະເທສ ສປປລາວ ຊຶ່ງຈັດຂຶ້ນ ຢູ່ກະຊວງ ກາຣຕ່າງ ປະເທສ ທີ່ ນະຄອນຫລວງ ວຽງຈັນ ໃນມື້ວັນ ທີ່ 14 ມີຖຸນາ ນີ້.

ທາງກາຣ ຣັຖບາລ ຍີ່ປຸ່ນ ໄດ້ເຣີ່ມ ໃຫ້ທຶນ ກາຣຊ່ວຍເຫລືອ JDS ແກ່ ຣັຖບາລ ລາວ ແຕ່ປີ 1999 ເປັນຕົ້ນມາ ມີນັກສຶກສາ ລາວ ໄປຮຽນຕໍ່ ມະຫາວິທຍາລັຍ ຕ່າງໆ ໃນປະເທສ ຍີ່ປຸ່ນ ເກືອບຮອດ 200 ຄົນ ແລ້ວ. ຊຶ່ງສ່ວນຫລາຍ ແມ່ນຮຽນຫລັກສູຕ ຣ ະດັບ ປຣິນຍາໂທ ແລະ ໃນທ້າຍປີ 2011 ນີ້ ກໍຈະມີ ນັກສຶກສາ ລາວ ທີ່ມີກຳໜົດ ອອກເດີນທາງ ໄປຮຽນຕໍ່ ຢູ່ຍີ່ປຸ່ນ ຕື່ມອີກ ບໍ່ຕໍ່າ ກວ່າ 20 ຄົນ ໃນແຂນງກາຣ ຕ່າງໆ ເຊັ່ນ: ເສຖກິຈ ກາຣສຶກສາ ກົດໝາຍ ດ້ານກາຣ ກະເສຕ ແລະ ວິສະວະກັມສາຕ ແລະອື່ນໆຫລາຍໆຢ່າງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.