ລາວ ຮັບເງີນກູ້ຈາກຍີ່ປຸ່ນ

ສປປລາວ ໄດ້ຮັບເງີນກູ້ ຈາກປະເທສ ຍີ່ປຸ່ນ ກວ່າ 63 ລ້ານ ດອລລາຣ໌
ຫວາດ ສີມູນ
2012.03.19
F-Thongsing-Noda ນາຍົກ ຣັຖມົນຕຣີລາວ ທ່ານທອງສິງ ທັມມະວົງ(ຊ້າຍ) ຖ່າຍຮູປຮ່ວມກັບ ທ່ານໂຢຊິຮິໂກ ໂນດ໋າ ນາຍົກ ຣັຖມົນຕຣີ ຍີ່ປຸ່ນ ທີ່ໂຕກຽວ ວັນທີ 16 ມິນາ 2012
AFP

ກົດຟັງສຽງ

ຣັຖບາລ ຍີ່ປຸ່ນ ໄດ້ຕົກລົງ ໃຫ້ກາຣຊ່ວຍເຫລືອ ແກ່ ສປປລາວ ຕື່ມອີກ 4.2 ຕື້ເຢັນ ຫລືປະມານ 63.4 ລ້ານດອລລາຣ໌ ສຳລັບ ໂຄງກາຣ ພັທນາ ດ້ານພລັງງານ ຢູ່ທາງພາຄໃຕ້ ຂອງ ປະເທສລາວ ຊຶ່ງກາຣຕົກລົງ ດັ່ງກ່າວ ມີຂຶ້ນ ໃນວັນສຸກ ຜ່ານມາ ໃນຣະຫວ່າງ ທີ່ທ່ານ ນາຍົກຣັຖມົນຕຣີ ລາວ ທ່ານ ທອງສິງ ທັມມະວົງ ເດີນທາງ ຢ້ຽມຢາມ ຍີ່ປຸ່ນ ເປັນເວລາ 5 ມື້ ເຣີ່ມ ແຕ່ວັນທີ່ 14 – 18 ມີນາ 2012 ຊຶ່ງເປັນ ເງິນກູ້ຢືມ ໃນອັຕຣາ ຄ່າດອກເບັ້ຽຕໍ່າ ໃນຣະຍະຍາວ.

ໃນເວລາ ດຽວກັນນັ້ນ ທ່ານ Yshihiko Noda ນາຍົກຣັຖມົນຕຣີ ຍີ່ປຸ່ນ ຍັງໄດ້ຢືນຢັນ ຕໍ່ຜູ້ນຳລາວ ວ່າ ທາງຍີ່ປຸ່ນ ຍັງຈະໃຫ້ທຶນ ກາຣຊ່ວຍເຫລືອ ແກ່ລາວ ໃນຂັ້ນຕໍ່ໄປ ຕື່ມອີກ ສຳລັບ ໂຄງກາຣ ຊ່ວຍເຫລືອ ປະຊາຊົນ ຜູ້ໄດ້ຮັບ ຜົລກະທົບ ຈາກພັຍພິບັຕ ນ້ຳຖ້ວມ ໃນຣະຍະ ທີ່ຜ່ານມາ ນຳອີກ.

ເຖີງຢ່າງໃດ ກໍຕາມ ໃນຣະຫວ່າງ ທີ່ຢ້ຽມຢາມ ປະເທສຍີ່ປຸ່ນ ຄັ້ງນີ້ ນອກຈາກກາຣ ປຶກສາຫາຣື ທາງດ້ານກາຣ ຊ່ວຍເຫລືອຕ່າງໆ ໂດຽສະເພາະ ກໍແມ່ນ ໂຄງກາຣ ຊ່ວຍເຫລືອ ແກ່ລາວ ເພື່ອຕຣຽມ ເປັນເຈົ້າພາບ ກອງປະຊຸມ ເອເຊັຽ-ຢູໂຣປ ຫລືອາເຊັມ (ASEM) ທີ່ຈະຈັດຂຶ້ນ ໃນ ຕົ້ນເດືອນ ພຶສຈິກາ 2012 ນີ້ ນຳດ້ວຍ ນັ້ນແລ້ວ ຜູ້ນຳທັງສອງ ຍັງມີກາຣຫາຣື ກັນທາງດ້ານ ສົ່ງເສີມ ແລະ ແລກປ່ຽນ ວັທນາທັມ ຣະຫວ່າງ ສອງປະເທສ ຕື່ມຕໍ່ໄປຈົນ ຮອດປີ 2015 ນຳອີກ ຕລອດຮອດ ແຜນກາຣເພີ່ມ ດ້ານກາຣລົງທຶນ ແລະ ກາຣຄ້າ ຂອງຍີ່ປຸ່ນ ໃນລາວ ຕື່ມອີກ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Mar 19, 2012 12:38 PM

ເກັ່ງກູ້ ເກັ່ງໂກງ ເອົາປະເທດຊາດເປັນ ຫນີ້ຕ່າງຊາດຫລາຍພັນລ້ານໂດລາແລ້ວ ໂອຍເບື່ອລັດຖະບານເດ

Anonymous
Mar 20, 2012 05:40 AM

ກູ້ລົງໄປ ຢືມລົງໄປ ອັນນີ້ເອີ້ນວ່າປຸ້ນລະດົມປະເທດຊາດທາງອ້ອມ

Anonymous
Mar 20, 2012 12:32 AM

SAHAI LAODENG KHO THAN IK LEO

Anonymous
Mar 20, 2012 05:34 AM

ສລາດໄນການ ກູ້,ສ່ອງໄສໄນການຢືມ ມັນກໍ່ສບາຽໃຈໄນການໃຊ້ຈ່າຽ.ຂໍຊົມເຊີຍ..ຊົມເຊີຽ ,ຫັນແລ້ວ!

Anonymous
Mar 20, 2012 07:41 AM

ມີຄວາມສລາດສ່ອງໃສ ຊອກກູ້ ຊອກຢືມເກ່ງ ກໍ່ຂໍໃຫ້ໃຊ້ຄວາມສລາດແກມໂກງນ້ອຍ ລົງແດ່,ໃຫ້ມີຜົລປະໂຍຊນ໌ ເຖິງປະຊາຊົນຈັກ ຊາວສ່ວນລ້ອຽ ກໍ່ຈະເປັນສິ່ງປະເສີດ ເລີດລ້ຳພໍສົມຄວນ.